1 Kɔrèn 3:10 - Ikan feg

¹⁰ Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

Meta’

¹⁰ Ŋwìə̀ nyaʼa ghɨ̀ ɨ̀chɔ̀m ənɨ ə num, ghɨ̀ mə bɔm əchɨ ə nəb ɨghabɨ əbɔm nəb nɨ jeŋgɨ kyerɨ ə̀fàʼì. Wə̀d cherə wɨə kod ɨgun əchɨ ze. Àyɨə wə̀d mɔʼ mɔʼ we i ɨchî nɨ wɨə kod ɨgun əchɨ ze,

1 Kɔrèn 3:10 ပူးပေါင်းရင်းမြစ်များ

Matìyò 24:45

Yeso ya chè imbìghè ghà abə mə̀mə̀nənùg məd gha, “Wə̀d àfàʼì ne fàʼà ane ìzi fìŋ ijìm, ne bə̀ bèrì iwe, ne mbaʼ àfàʼì məd fə nɔŋi aməd gha wì ya nḛ̀ bəd àfàʼì məd bə̀ nàʼà ighijəg inɔb igun nyumə̀, àkə awe?

Matìyò 7:24

Yeso ya bə̀ ywìrì ghà inɔb gha, “Wə̀d ijìm we ne zùghə àmə anug bə̀ fàʼà ikuchèg ne ze yaʼi, wì ya icheg wə̀d iwe ne ya kɔri nəb igun igho.

Lk 11:35

Mbə̀ kirə ika ni gha, imbə̀ʼ ìzḛzḛ we ne yaʼi inga inən si nɔ̀ʼ bə̀ŋə̀ ane afub.

Lk 21:8

Wì ya ywìtì gha, “Mbə̀ niŋə nyùmə̀ gha imbə̀ʼ mbi nɔ̀ʼ chè tàmbi awən. Mə ya ghà ane imbə̀ʼ icheg ne bəd nɔʼ nɔʼ biri yeʼe ane ìmə ikum. Wə̀d imɔʼ imɔʼ abɔ̀ʼ inɔb biri se yḛ̀ nè gha, à ya zìye ne Ŋwiye zɔ̀ʼi, bə̀ nè gha, nyùmə̀ we fə tinde. Imbə̀ʼ mbə̰ beni awən abɔ̀ʼ inɔb.

Ɨ̀fàʼì 18:27

Anyumə̀ ne Àpolòs ya kə̀bi ni ghò a Akìyà, bəd Kristo mbe a Efesùs ya nəri aməd. Mbi ya ŋwàʼrì àŋwàʼrì mɔ̀ʼɔ chà abə bəd Kristo mbe a Akìyà gha mbe niŋ aməd kwàʼ icheg chɔm. Anyumə̀ ne wì ya pè angu, wì ya taŋ wètì bəd mbe ne Ŋwiye ya ghi ìchɔ̀mì inɔb ni gha mbe bḛ Kristo.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 12:3

Ane, icheg ne Ŋwiye fə ghi ìchɔ̀mì inum gha mə yaʼ wə̀dtɔm Kristo, mə̀ ya anìŋ ghà abə wə̀d ijìm ne abɔ̀ʼ inən gha, imbə̀ʼ wə̀d nìŋə yi ìwi nyɔd ane wə̀d kyen chè icheg ne wì yaʼi. Wə̀d ijìm nɔŋɔ ikɔndi yaʼ ni swi ìwi nyɔd aseg. Wə̀d imɔʼ imɔʼ məgri ìwi nyɔd ane ibḛfiŋ we ne Ŋwiye nàʼi ibo.

Rm 15:15

Mə ŋwàʼrì àŋwàʼrì azo̰ inən ne chəyi mə̀ bɔ, ni ywìri nɔ̀ri ìmbən itog imbə̀ʼ itog inug mɔ̀ʼɔ ne mə̀ ya wendi inən. À ya anjìm ìchɔ̀mì we ne Ŋwiye beri igun inum, ne wì chɔʼi amə ane wə̀d àfàʼì Yeso Kristo.

Rm 15:20

Mə ya kà kɔ̀ŋɔ̀ ni niŋ ikən chɔm gho̰ imbə̀ʼ Kristo ghò chètì inga isiŋi mbe ne chəyi bəd kə kweʼì zug. Chəyi mə̀ kə̀bi ni yḛ̀ inga isiŋi mbe ne bəd ndəŋ fə bi kweʼì chè angu tì ikən chɔm gho̰ imbə̀ʼ Yeso Kristo.

1 Kɔrèn 3:11

Ane, chəyi tì wə̀d zèg ati ndəŋ igun àze ne mbi ya fə zèghi. Ati ze ya Yeso Kristo.

1 Kɔrèn 9:2

Ka chəyi bəd mɔ̀ʼɔ bḛ gha mo ya wə̀dtɔm Kristo, mə kyèri gha mbə̰ bḛ. Aneni ni chwi gha mo ya wə̀dtɔm Kristo ya icheg ne mbə̀ yaʼi ane ifɔti tì Anɔŋisəg.

2 Kɔrèn 10:15

Chəyi te chè ati se kɔ̀mɔ̀ igo imbə̀ʼ àfàʼì ne bəd ndəŋ faʼi. Ìwa ikɔndi ya gha, icheg ne ìwən ibḛfiŋ igun Ŋwiye we kwèghe, àza àfàʼì ne tì beri ni fàʼ inən biri yètè.

Efesùs 2:20

Mba ya bəd Ŋwiye ne təmi kà igun ati ze ne bədkə̀n Ŋwiye fɔrɔ bədtɔm Kristo ya bɔmi. Yeso ya iteg ibug nəb mbègtog inga ati nəb ze.

Kòlosè 1:29

Mə we kìrə ika ghìyə̀ inug ijìm ni fàʼ anug azo̰ ane ika we ne Kristo nàʼi inum.

Kòlosè 4:17

Mbə̀ gha abə Akipùs gha wì kirə ika ni mànì àfàʼì ze ne Anɔŋisəg zi ibo ikye abo.

1 Tèsàlonikà 3:2

Ane, Tì ya chà Timotì ne yaʼi ìwa ifi bə̀ yaʼ wə̀d àfàʼì Ŋwiye ne bə̀ fàʼà icheg ina ni chètì ikən chɔm imbə̀ʼ Kristo, gha wì yeʼe nə̀ri awən, ghì ìwən ibḛfiŋ we təm kà.

1 Timotì 4:16

Àghò we awe imbə̀ʼ ìwe ikuchèg fɔrɔ imbə̀ʼ inug mbe ne àghò we chwìte. Nyimbi fìŋ ane inug mbo̰ imbə̀ʼ icheg ne àghò mə ghì ane, àghò biri pumni ìwe nyɔd bə̀ pùmni bəd mbe ne àghò we chwìte inug inɔb.

2 Timotì 2:15

Àghò kirə ika ijìm ni təm imbìghè abə Ŋwiye icheg wə̀d àfàʼì ne Ŋwiye bḛ gha wè kòʼ. Təm icheg wə̀d àfàʼì ne chəyi wì beri tìnìrètog, bə̀ təm icheg wə̀d àfàʼì ne nyimi tesiʼ we ne yaʼi inga Ìngam Ŋwiye kwàʼ icheg chɔm.

Jems 3:1

Ìmbum məfi fɔrɔ ìtum njàbi, imbə̀ʼ mbə̰ nɔʼ nɔʼ si də̀b awən anug ni yaʼ bəd ne chwìte inug. Mbə kyeri gha mbà mbe ne chwìte Ìngam Ŋwiye abə bəd, mbi biri ghum sàʼ awa kwàʼ ane icheg ne ka chè icheg ne mbi biri ghum saʼ bəd ndəŋ.

1 Pità 4:11

Wə̀d mɔ̀ʼɔ mə̀ ya ghàmà Ìngam Ŋwiye, wì ya ghà məyi anug ze ne Ŋwiye gha ibo. Wə̀d imɔʼ imɔʼ ya fàʼà abə mə̀mbin icheg ne Ŋwiye we nàʼà ika ibo. Tì mə ghì ane, bəd biri ya ghùmnə Ŋwiye ane inug ijìm anjìm Yeso Kristo. Ighumni ijìm fɔrɔ ka ijìm yaʼ abə Ŋwiye kwàʼ ane ighə̀m imɔʼ. À ya ane.

2 Pità 3:15

Mbə̀ niŋ icheg ne Anɔŋisəg we nyìme fìŋ tì inən, ane apan ne wì nàʼi inən gha mbə̀ pum. Ìwa ifi Pɔl, ne tì taŋ kɔ̀ŋ, ya bə̀ ŋwàʼrì anug azo̰ inən icheg ne Ŋwiye ya nàʼ iwe ibo gha wì ŋwaʼra.

Ɨnû 21:14

Mbi ya zèg ati ane ateg ìghum chɔ̀b ibe bɔm ikam we. Mbi ya bə̀ ŋwàʼrì tikum bədtɔm Ŋwan njə̀g mbe ìghum chɔ̀b ibe igun ateg ze.

Ɨnû 21:19

Mbi ya zì ighi ngwèn igun ati ikam we ane aku ateg àka inun ajìm. Ateg mbègtog ya jaspà. Àze ne pè ane ibe ya sàfi. Àze ne pè ane itad ya àgatè. Àze ne pè ane ikwè ya emeràd.