1 Kɔrèn 2:14 - Ikan feg

¹⁴ Wə̀d ne chəyi Azwighi Ŋwiye yaʼi inga məd, chəyi we bḛ inug mbe ne Azwighi Ŋwiye ze chwìte. Aton ya gha tiku inug te ya inug anen abə tengàŋ. Chəyi atog məd biri nɔ̀ʼ zen imbə̀ʼ inug mbe. À ya məyi Azwighi Ŋwiye ze ghìyə̀ gha itog zen abə bəd imbə̀ʼ tiku inug ìto̰.

Meta’

¹⁴ Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.

1 Kɔrèn 2:14 ပူးပေါင်းရင်းမြစ်များ

Matìyò 16:23

Yeso ya ghabri ghà abə Pità gha, “Sàtàn! Nɔ̀ʼɔ inum anjìm! Àghò we kə̰ ìmə inɔnjì. Chəyi àghò nɔŋi ìwe ikɔndi igun anug ne Ŋwiye kə̀bi. Àghò nɔ̀ŋì ìwe ikɔndi yaʼ məyi igun anug ne wə̀d-aku we kə̀bə̀.”

Jn 10:20

Bəd nɔʼ nɔʼ ya ko se gha, “Azwighi tibɔ̀ŋ ze inga məd. Wì ya anìŋ, wì fə be. Àkə aghə ne mbə̰ mbe zùghə ibo?”

Jn 12:37

Yeso ya jiʼì ghì iyeti inug, bəd bàd, si ya gha, mə̀Ju ya kiri to̰ awɔb ni nɔŋi ibḛfiŋ igun məd.

Jn 14:17

Məd ya Azwighi Ŋwiye, wì biri ghì gha, bəd kyeri tesiʼ imbə̀ʼ Ŋwiye. Chəyi tì bəd igun isəg gho̰ niŋ aməd imbə̀ʼ icheg ne chəyi mbi kweʼì bàd aməd, kə̀ kyère aməd. Àsi awən, mbə biri kyeri aməd imbə̀ʼ icheg ne məd we abɔ̀ʼ inən. Məd we bə̀ inga inən.

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Jn 8:43

Àkə aghə ghi chəyi ìmbən itog kiri zḛ imbə̀ʼ inug mbe ne mə ghà? À ya imbə̀ʼ icheg ne chəyi mbə̀ kəbi ni zug anug ne mə̀ ghà.

Ɨ̀fàʼì 16:14

Àyi mɔ̀ʼɔ abɔ̀ʼ mə̀yi mbe ne ya zughi inug mbe ne tì yaya ghà ya Lidiyà. Wì ya nɔ̀ʼ a Tìyàtirà. Wì yaya fḛ̀ ndwi àka inun. Wi yaya bə̀ ghùmnə Ŋwiye. Anɔŋisəg ya fìʼì fìŋ məd gha wì zìye atog ane anug ne Pɔl yaya ghà.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 17:32

Anyumə̀ ne mbi ya zughi icheg ne Pɔl ya ghàmi imbə̀ʼ anug ni zweme ane iwu, bəd mɔ̀ʼɔ ya chàtì aməd. Si ya gha, mbi mɔ̀ʼɔ ya gha, “Tì kə̀b ni ywìri zug anug azo̰ ighəm ndəŋ.”

Ɨ̀fàʼì 18:15

Icheg ne à ya anug imbə̀ʼ tìngam tì tikum fɔrɔ ìmbən mə̀nɔ̀ʼɔ̀, mbə̀ tangi àzən anug mbə̰ mbə̰. Chəyi mə̀ biri bḛ ni saʼ inug icheg mbo̰.”

Ɨ̀fàʼì 25:19

Inug ne mbi yaya tàŋà tì məd ya inug ne imbə̀ʼ àzɔb anug Ŋwiye fɔrɔ inug imbə̀ʼ mbaŋà mɔ̀ʼɔ ne ikum məd ya Yeso. Yeso we ya fə ku, si ya gha, Pɔl we ghà àzi gha, məd we izɔm.

1 Kɔrèn 1:18

Ikən imbə̀ʼ icheg ne Yeso Kristo ya ku igun azed abaʼri ya anug anen abə bəd mbe ne nìme. Àsi ina, mba mbe ne pùmə, tì niŋ gha à ya anug ne chwìye ika Ŋwiye.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 1:23

Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

1 Kɔrèn 1:25

Inug ne Ŋwiye we ghìyə̀ ne bəd mbe nìŋə gha à ya inug anen, à ya inug ne beri iwe chè iwe wə̀d-aku. Inug mbe ne Ŋwiye we fàʼà ne bəd mbe nìŋə ane inug ne bɔri, à ya inug ne beri ika chè ika wə̀d-aku.

1 Kɔrèn 15:44

Nyàmnyɔd ze ne mbi twəŋi ya ze ne bèrì nyam fɔrɔ iwu. Àsi ze ne wə̀d zwème ane iwu ya ze ne Azwighi Ŋwiye ze nàʼà. Nyàmnyɔd ni bèrì nyam fɔrɔ iwu mə̀ yaʼ angu, ane ya gha, nyàmnyɔd ne Azwighi ze nàʼà bə̀ yaʼ.

1 Kɔrèn 15:46

Nyàmnyɔd ze ne Azwighi ze nàʼà kayi ze ne Ŋwiye ya bi tàngi. Ŋwiye ya bì tàngi nyàmnyɔd ze ne bèrì nyam fɔrɔ iwu bɔŋ se tànga ze ne Azwighi ze nàʼà.

1 Kɔrèn 2:12

Amad anìŋ, Azwighi ze ne tì beri ze nɔ̀ʼ yaʼ abə Ŋwiye kayi inga isəg. À ya Azwighi ze ze wètè awa gha tè kyeri tineʼi te ne Ŋwiye fə nàʼi ina.

1 Kɔrèn 3:1

Ìmbum məfi fɔrɔ ìtum njàbi, chəyi tì mə ya ghàm inən icheg ne tì mə ghàm abə bəd ne zùgrə Azwighi Ŋwiye. Mə ya bèrì ni ghàm inən icheg bəd ne yaʼi inga isəg, kə̀ bə̀ icheg ni gha mbə̰ ya kiri bɔn bɔd inga anug Kristo.

Jems 3:15

Kayi Ŋwiye nàʼi iku “iwe” we. Wi nɔ̀ʼ yaʼ abə bəd inga isəg. Kayi Azwighi Ŋwiye naʼi. Wì nɔ̀ʼ yaʼ abə Debrə̀.

1 Jɔn 2:20

Àsi awən, Wə̀d Ìzḛzḛ fə zɔʼ awən icheg ne wì nàʼi Azwighi Ŋwiye inən, mbə̰ məjìm bə̀ kyèri tesiʼ.

1 Jɔn 2:27

Àsi awən, Azwighi Ŋwiye ze ne Ŋwiye ya nàʼi inən kiri biri inga inən. Chəyi mbə̀ ywirì kòʼ ni gha wə̀d mɔ̀ʼɔ chwiti inug inən. Ane, Azwighi məd ze chwìte inug ijìm inən. Inug mbe ne Azwighi Ŋwiye ze chwìte ya tesiʼ. Ane, mbə̀ chughi ane ifɔti tì Kristo.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

Jûd 1:19

Bəd mbo̰ ya bəd ne zìyè àghàpì inga inən. Mbi ya ghìyə̀ yaʼ inug mbe ne ìtɔb nyàmnyɔd te ghə̀ʼrə̀. Chəyi Azwighi Ŋwiye yaʼi inga inɔb.