1 Kɔrèn 2:13 - Ikan feg

¹³ Chəyi te ghàmà inug mbo̰ ane tìngam ne beri iwe wə̀d-aku. Tì ya ghàmà yaʼ tìngam tesiʼ ne Azwighi Ŋwiye chwiti ina. Tì ya tòʼrò tìngam te abə bəd mbe ne Azwighi Ŋwiye yaʼi inga inɔb.

Meta’

¹³ Chəi tɨə ghà ɨnû mbɔ̂ ənɨ mɨŋgam nɨ tɨ̀ nɨŋ tɨ ənɨ ɨwe bə̂d mɨ̀sɔŋɨchù. Tɨ̀ wɨə ghàə̀ yeʼ ənɨ mɨŋgam nɨ Əzwî ə Ŋwiə̀ ə naʼ ɨ na. Tɨ̀ wɨə nɨŋə mɨŋgam mbe toʼrɨ ɨnû rəsìʼ ɨmbə̀ʼ Əzwî ə Ŋwiə̀ əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d.

1 Kɔrèn 2:13 ပူးပေါင်းရင်းမြစ်များ

Lk 12:12

À ya Azwighi Ŋwiye biri mə̀tì anug ne mbə̀ biri ghà ane nyùmə̀ we.”

Ɨ̀fàʼì 2:4

Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

1 Kɔrèn 1:17

Chəyi Kristo ya chà amə gha mə naʼa mənib. Wì ya chà amə gha mə̀ chete ikən chɔm. Àkə aghi ne mə̀ ya chèti ikən chɔm inən ane iwe wə̀d-aku fɔrɔ ane ìngam nəmi nəmi, nji chəyi anug ze ne te ghà imbə̀ʼ iwu Kristo igun azed abaʼri ywirì bèrì ika.

1 Kɔrèn 14:2

Bəd mbe ne ghàmà ìngam aben ndəŋ ya ghàmà abə Ŋwiye, kayi abə bəd, imbə̀ʼ icheg ne chəyi tì wə̀d kyèri anug ne mbe ghà. Mbɔb ya ghàmà tesiʼ we ne yaʼi inə̀mbi icheg ne Azwighi Ŋwiye ze nàʼà ika inɔb.

1 Kɔrèn 2:1

Ìmbum məfi fɔrɔ ìtum njàbi, anyumə̀ ne mə̀ ya yeʼe ni ghàm inug mbe ne yaʼi inə̀mbi imbə̀ʼ Ŋwiye inən, chəyi mə̀ ya ghàmi inug mbe ane tìngam kyen kyen kə̀ ane iwe kyen.

1 Kɔrèn 2:14

Wə̀d ne chəyi Azwighi Ŋwiye yaʼi inga məd, chəyi we bḛ inug mbe ne Azwighi Ŋwiye ze chwìte. Aton ya gha tiku inug te ya inug anen abə tengàŋ. Chəyi atog məd biri nɔ̀ʼ zen imbə̀ʼ inug mbe. À ya məyi Azwighi Ŋwiye ze ghìyə̀ gha itog zen abə bəd imbə̀ʼ tiku inug ìto̰.

1 Kɔrèn 2:4

Chəyi mə̀ ya ghàmi inug mbo̰ inən ane iwe fɔrɔ ane ìngam nəmi nəmi. Mə yaya ghàmà məyi icheg ne Azwighi Ŋwiye yaya nàʼà ika inum.

1 Kɔrèn 9:11

Tì mə nyɔ̀ʼ ighi ne Azwighi Ŋwiye nàʼi ina inga ìwən ìtḛ̀, à wa kə anug ne faŋi ako ni gha tì bə fòʼ ighi ane inən?

Efesùs 5:19

Mbə̀ ya zə̀ʼə̀ tikyeg abə wə̀d imɔʼ imɔʼ. Mbə̀ zəʼə mə̀sam tì tikyeg ne ghùmnə Ŋwiye tì tikyeg ne Azwighi Ŋwiye ze nàʼà. Mbə̀ ya zə̀ʼə̀ tikyeg te ghùmnə Anɔŋisəg ane fìŋ ijìm.

Kòlosè 3:16

Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

2 Pità 1:16

Chəyi tì ya niŋi tìmùghì ako te ne bəd mbe ne gha mbɔb bèrì iwe mbe mə̀tə̀, ni ghàm inən anyumə̀ ne tì ya gha inug imbə̀ʼ ika Anɔŋisəg Yeso Kristo fɔrɔ inug imbə̀ʼ nyumə̀ we ne wì biri ywiri yeʼe. Mba mbo̰ ya bəd ne ya bàri ati anyumə̀ ne Ŋwiye ya chà ìzḛzḛ njandi njandi igun məd.