1 Kɔrèn 2:10 - Ikan feg

¹⁰ Ŋwiye fə chwi anug ze ne wì ya chuʼri nɔ̀ŋì ina anjìm Azwighi məd. Azwighi Ŋwiye ze twèʼrè inug ijìm. Ka à ya bèyi inug imbə̀ʼ Ŋwiye ne yaʼi inə̀mbi, məd we twèʼrè chwìye ina.

Meta’

¹⁰ Àyɨə Ŋwìə̀ fə chwi ɨnû mbe ɨ na ənjìm Əzwî əməd. Əzwî ze ə zɨə kyèʼ ɨnû jìm, ka àbei ɨnû mbe nɨ yeʼ ənə̀mə ɨmbə̀ʼ ə Ŋwiə̀.

1 Kɔrèn 2:10 ပူးပေါင်းရင်းမြစ်များ

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Matìyò 16:17

Yeso ya ywìtì gha, “Ŋwiye ziye àbɔrɔ̀bɔd igun ine, àghò Sayimùn, ŋwan Jɔn imbə̀ʼ icheg ne kayi wə̀d-aku ghi àghò kyèri anug azo̰. À ya ìmə Mbaʼ ne yaʼi ikaŋ àbɔ̀ŋɔ ghi àghò kyèri.

Lk 10:21

Anyumə̀ we, Azwighi Ŋwiye ya ghì igyendi sweg inga fìŋ abə Yeso. Wì si gha, “Ìmə Mbaʼ, Anɔŋisəg ne beri ikaŋ fɔrɔ ìseg. Mə nàʼ məyakà ine imbə̀ʼ icheg ne àghò nə̀m inug mbo̰ abə bəd ne kɔ̀ndɔ gha mbɔb bèrì iwe bə̀ kyèri inug, si chwi abə bəd ne chəyi mbi kyeri. E! Ìmə Mbaʼ, à ya icheg ne àghò kə̀bi gha ze yaʼ.

Lk 2:26

Azwighi Ŋwiye ya fə chwi ibo gha wì biri bàd Wə̀d we ne Anɔŋisəg zɔ̀ʼi bɔŋ ku.

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 16:13

Anyumə̀ ne Azwighi Ŋwiye ze ne ghìyə̀ bəd kyere tesiʼ biri yeʼe, wì biri chwiye tesiʼ ijìm inən. Chəyi wì biri ya ghàmà yaʼ ane ìwi ighəm. Wì biri ya ghà məyi anug ne wì zughi. Wì biri ghà inug ne kiri yeʼe inən.

1 Kɔrèn 14:30

Ŋwiye mə chwìti anug mɔ̀ʼɔ abə wə̀d ne yaʼi aseg ichughi, wə̀d ne kə̀ yaʼi itəmi ghàmà, wì chim tizi.

1 Kɔrèn 2:11

À ya məyi azwighi wə̀d ze kyère inug ijìm imbə̀ʼ aməd. À ya bə̀ ane ne Azwighi Ŋwiye ze kyère inug ijìm imbə̀ʼ Ŋwiye.

Gàlesìyà 1:12

Kayi wə̀d-aku ya ghà ikən chɔm gho̰ inum. Kayi bə̀ wə̀d-aku ya chwiti inum. À ya Yeso Kristo ya ghi mə kyeri ikən chɔm gho̰.

Efesùs 3:3

Ŋwiye ya ghì mə kyeri inug mbe ne yaʼi inə̀mbi icheg ne mə̀ ya fə ŋwàʼri məyi iki ìngam chà inən.

Efesùs 3:5

Inga ineg mbe aneg, chəyi Ŋwiye ya ghi gha bəd kyeri anug azo̰. Àsi amad anìŋ, Ŋwiye fə chè anjìm Azwighi məd chwi inug mbo̰ abə ìmbi bədtɔm ìzḛzḛ bə̀ chwi abə ìmbi bədkə̀n.

1 Timotì 4:1

Azwighi Ŋwiye ya fə ghà ze dù zen gha, inga ineg mbe ne yèʼe, bəd mɔ̀ʼɔ biri waʼ ìwɔb ibḛfiŋ se bène yaʼ abɔ̀ʼ izwighi ne ghàmà inug ako fɔrɔ anjìm abə inug ne izwighi tibɔ̀ŋ mbe chwìte.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

1 Jɔn 2:20

Àsi awən, Wə̀d Ìzḛzḛ fə zɔʼ awən icheg ne wì nàʼi Azwighi Ŋwiye inən, mbə̰ məjìm bə̀ kyèri tesiʼ.

1 Jɔn 2:27

Àsi awən, Azwighi Ŋwiye ze ne Ŋwiye ya nàʼi inən kiri biri inga inən. Chəyi mbə̀ ywirì kòʼ ni gha wə̀d mɔ̀ʼɔ chwiti inug inən. Ane, Azwighi məd ze chwìte inug ijìm inən. Inug mbe ne Azwighi Ŋwiye ze chwìte ya tesiʼ. Ane, mbə̀ chughi ane ifɔti tì Kristo.

Ɨnû 1:1

Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.

Ɨnû 2:24

Si ya gha, inən mbə̰ mbe ne buʼi a Tìyàtirà, ne chəyi mbə̰ mbe ghìyə̀ inug mbo̰, ne chəyi mbə̀ kiri kwembi inug mbe ne bəd mɔ̀ʼɔ ya gha à ya inug ne yaʼi inə̀mbi imbə̀ʼ Sàtàn, mə ghà inən gha, chəyi mə̀ biri zì mbèʼ ndəŋ igun inən.