1 Kɔrèn 16:22 - Ikan feg

²² Ndɔ̀n ze igun wə̀d ne chəyi wì kɔ̀ŋi Anɔŋisəg. Ìwa Anɔŋisəg! Àghò yeʼe!

Meta’

²² À mɨ yeʼ nɨ chəi wə̀d mɔʼɔ ghaʼ Ə̀nùŋɨ̀sɨg, ndɔ̀n yɨ zɨ məd. A Ə̀nùŋɨ̀sɨg, yeʼe!

1 Kɔrèn 16:22 ပူးပေါင်းရင်းမြစ်များ

Matìyò 10:37

Wə̀d ne kɔ̀ŋi ìwi mbaʼ kə̀ ìwi ngɔb chè amə, chəyi tengàŋ kòʼi ni yaʼ àmə àmə̀nənùg. Wə̀d ne kɔ̀ŋi ìwi ŋwan mbaŋà kə̀ ìwi ŋwan àyi chè amə, chəyi tengàŋ kòʼi ni yaʼ àmə àmə̀nənùg.

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

Jn 14:21

Wə̀d ne zùghə ìtum tikə bə̀ nɔ̀ŋɔ̀, à ya wə̀d ne kɔ̀ŋi amə. Ìmə Mbaʼ biri kɔ̀ŋ wə̀d ne kɔŋi amə. Mo inum biri bə̀ kɔ̀ŋ tengàŋ bə̀ chwi ìmə nyɔd ibo.”

Jn 14:23

Yeso ya ywìtì gha, “Wə̀d mə kɔ̀ŋi amə, wi biri zugri ìtum tikə. Ìmə Mbaʼ biri kɔ̀ŋ aməd. Ìmə Mbaʼ tì inum, tì biri yeʼe chùghi tì məd.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 16:14

Wì biri ghumni amə imbə̀ʼ icheg ne wì biri ya nìŋə inug mbe ne mə ghà ibo, se ghà inən.

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Ɨ̀fàʼì 23:14

Mbɔb ya nɔ̀ʼ ghò kɔ̀ti itog bəd mbàn Ŋwiye fɔrɔ itog bəd ne sàʼa aben, ghà inɔb gha, “Tè fə sìb gha chəyi tì biri jəg aghi mɔ̀ʼɔ ne chəyi tì kiri zweti Pɔl.

Rm 9:3

Àmə yaʼ aghi ne Ŋwiye we tì wì zi ndɔ̀n igun inum kə̀ bì chì amə ane ifɔti we ne mə beri tì Kristo məyi ni ghì gha ìmbum bəd pum, mə bḛ ane.

1 Kɔrèn 12:3

Amad anìŋ, mə kə̀b gha mbə̀ kyeri gha chəyi tì wə̀d ne Azwighi Ŋwiye yaʼi inga məd gha, “Ndɔ̀n yaʼ igun Yeso.” Mə bə̀ kə̀b gha mbə̀ kyeri gha chəyi tì wə̀d gha, “Yeso ya Anɔŋisəg,” ne kayi Azwighi Ŋwiye ghi.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Efesùs 6:24

Ŋwiye ghiyə ìchɔ̀mì abə bəd məjìm ne kɔŋi Anɔŋisəg Yeso Kristo ane iku àkɔ̀ŋì ze ne chəyi ze biri nɔʼ mèg.

Fìlipì 4:5

Mbə̀ ya ghìyə̀ inug ne wə̀d ijìm biri kyeri gha mbə̰ ya bəd ne bɔ̀tɔ. Nyùmə̀ ne Anɔŋisəg biri yeʼe fə tinde.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

1 Pità 1:8

Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.

1 Pità 2:7

Inən mbə̰ mbe ne nɔŋi ibḛfiŋ igun məd, iteg we taŋ bɔ̀ŋ. Àsi abə bəd mbe ne chəyi mbi nɔŋi ibḛfiŋ igun məd, “Iteg we ne bəd ne kɔ̀rɔ nəb ya to̰ awɔb, wi fə bə̀ŋə̀ ane iteg ibug nəb.”

1 Jɔn 4:19

Tì ya kɔ̀ŋɔ̀ bəd imbə̀ʼ icheg ne Ŋwiye ya fə bì kɔ̀ŋ awa.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

Ɨnû 22:20

Wə̀d we ne ghà inug mbo̰ ijìm, wì gha, “À ya tesiʼ! Mə biri zàmbi yeʼe!” À ya ane, Anɔŋisəg Yeso yeʼe!