1 Kɔrèn 15:47 - Ikan feg

⁴⁷ Ŋwiye ya tangi mbaŋà mbègtog ane ìseg ze igun isəg. Wə̀d we ne ya si yèʼe anjìm, wì nɔ̀ʼ yaʼ ikaŋ àbɔ̀ŋɔ.

Meta’

⁴⁷ Ŋwìə̀ nyaʼa tekɨ mbaŋə̀ rɨtu ənɨ rɨchaʼ. Məd yɨə si. Mbaŋə̀ ze nɨ beenɨ yɨ rɨkaŋ.

1 Kɔrèn 15:47 ပူးပေါင်းရင်းမြစ်များ

Matìyò 1:23

Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Lk 2:11

Tèchɔ̀ŋ gho̰, wə̀d ne biri pumni bəd we mbi gwi inga aben ze ne mbi ya gwi ifɔn Dèvid inga. Məd ya Wə̀d we ne Ŋwiye zɔ̀ʼi. Məd ya Kristo Anɔŋisəg.

Jn 3:31

Jɔn we ne yaya nàʼà mənib ya ywìrì gha, “Wə̀d we ne nɔ̀ʼi ikaŋ àbɔ̀ŋɔ ya wə̀d ne beri ati chè bəd məjìm. Wə̀d we ne mbi gwi aməd igun isəg ya wə̀d igun isəg. Wì ya ghàmà məyi inug mbe ne yaʼi inga isəg. Àsi Wə̀d we ne nɔ̀ʼi ikaŋ àbɔ̀ŋɔ, we bèrì ati chè bəd məjìm.

Jn 6:33

Ngəŋ ze ne Ŋwiye we nàʼà à ya məd we ne swiʼi ikaŋ àbɔ̀ŋɔ. À ya məd we ne swiʼi ikaŋ àbɔ̀ŋɔ we nàʼà ìtḛ̀ abə bəd igun isəg.”

Ɨ̀fàʼì 10:36

Mbə̰ kyèri ìngam we ne Ŋwiye ya gha abə mə̀Izre. Ìngam we ya mə̀tì ikən chɔm imbə̀ʼ icheg ne tì che anjìm Yeso Kristo si chùghi ane àbɔrɔ̀bɔd tì Ŋwiye. Yeso Kristo ya Anɔŋisəg igun bəd məjìm.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

1 Kɔrèn 15:46

Nyàmnyɔd ze ne Azwighi ze nàʼà kayi ze ne Ŋwiye ya bi tàngi. Ŋwiye ya bì tàngi nyàmnyɔd ze ne bèrì nyam fɔrɔ iwu bɔŋ se tànga ze ne Azwighi ze nàʼà.

2 Kɔrèn 5:1

Tè kyèri gha ìta nəb te ne tì yaʼi inga igun isəg aŋa, ne ya ìta nyàmnyɔd, ti mə̀ bùʼə, Ŋwiye biri nàʼ ìti feg ina ikaŋ àbɔ̀ŋɔ ne biri tèn ane ighə̀m imɔʼ. À ya nəb ne məd kɔri kwàʼ zìye zìye.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.