1 Kɔrèn 15:32 - Ikan feg

³² Àmə yaʼ ni gha mə yaya zɔ̀ŋɔ̀ tì nyàm tɔ tɔ a Efesùs, icheg ne wə̀d-aku kɔ̀ndi, nji chùd ne mə̀ biri jəg àkə iza? Àmə yaʼ ni gha chəyi Ŋwiye biri zwemni iwu bəd, nji tì we ghìyə̀ inug icheg ne Àŋwàʼrì Ŋwiye gha gha, “Tì jəg bə̀ no imbə̀ʼ icheg ne tì biri ku isu.”

Meta’

³² À mɨ yeʼ ni mə kaŋ kə̀ʼ zɔ̀ŋ mbɨ ə “nyam rɨ tɔtɔ” ə Efesùs, ɨchî nɨ bə̂d mɨ̀sɔŋɨchù ə kɔndɨə, njɨ njìm nɨ mə̀ bɨrɨ jɨg kɨ ə ye ə? À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ tɨ̀ ghɨ ənû ze nɨ mbɨ ŋwaʼnɨ ni, “Tɨ̀ jɨg bə̀ nɔ, ɨmbə̀ʼ ɨghəm nɨ ɨsɔ tɨ̀ bɨrɨ kwɨ.”

1 Kɔrèn 15:32 ပူးပေါင်းရင်းမြစ်များ

Lk 12:19

Wì ya si ghà ini inga fìŋ gha, ‹Mə bèrì ighi nɔʼ nɔʼ. Mə biri jəg ane tituʼ nɔʼ nɔʼ. Ìmbum inug biri se yḛ̀ yi. Mə biri se jə̀ghə, no, gyènde.›

Lk 9:25

Wə̀d kə mə̀ bèrì ighi ijìm igun isəg aŋa si sam ìwi ìtḛ̀, chùd ne angu àkə azeg?

Ɨ̀fàʼì 18:19

Anyumə̀ ne mbi ya pè à Efesùs, wì ya sàŋì Prìsilà tì Àkwilà angu. Wì ya ghò yi tèzìʼì ghò nyi inga ichamì Ŋwiye, pè ko se tòʼrò inug tì mə̀Ju.

Ɨ̀fàʼì 18:21

Si ya gha, anyumə̀ ne wì ya nɔ̀ʼi se ghò yi, wì ya kàʼ awɔb gha, “Ŋwiye mə bḛ, mə biri ywiri yeʼe mùg awən.” Anyumə̀ ne wì ya gha ane, wì ya nyi inga abaŋ igyi nɔ̀ʼ a Efesùs.

Ɨ̀fàʼì 19:1

Anyumə̀ ne Àpolòs ya yaʼi a Kɔrèn, Pɔl ya chè atog atog inga isiŋi mbe inga aba aben ze ne ghò a Efesùs. Wì ya pè a Efesùs, bàd bəd mɔ̀ʼɔ ne ya bḛ Kristo.

Rm 3:5

Si ya gha, ze kə mə̀ chwi gha inug mbe ne te ghìyə̀ ne chəyi mbi koʼi imbìghè abə Ŋwiye ya ni ghì gha bəd bara icheg ne Ŋwiye we ghìyə̀ inug ne koʼi ina, tì si ghà àza gha? Tì tì gha chəyi Ŋwiye we ghìyə̀ inug ina ane icheg ne koʼi anyumə̀ ne wì zi ngəʼ igun ina? (Mə ya ghàmà anìŋ icheg wə̀d-aku.)

Rm 6:19

Mə ya nìŋə inug ne mbə̀ kyeri icheg bəd-aku ni ghàm inən anìŋ, ni ghì gha ìmbən itog zen. Mbə̰ ya kweʼì niŋ ìmbən isiŋi nyɔd icheg məfeg ni ghì izṵ inug nɔʼ nɔʼ fɔrɔ ni ghì inug izəg nɔʼ nɔʼ. Amad anìŋ, mbə̀ si niŋ ìtən nyàmnyɔd ni ghì yaʼ inug ne təmi kòʼ fɔrɔ ni ghì gha Ŋwiye so awən mbə̀ zen mànì.

1 Kɔrèn 16:8

Si ya gha, mə biri chughi a Efesùs ghò pè ane nyùmə̀ Pentekɔ̀d.

Gàlesìyà 3:15

Ìmbum məfi fɔrɔ ìtum njàbi, mə biri niŋ aneni ane inug ne dùwə̀ ineg ijìm tì barà. Bəd məbe mə̀ nɔ̀ŋì anug mɔ̀ʼɔ bḛ, tangi àŋwàʼrì, san, chəyi wə̀d mɔ̀ʼɔ beri ni kɔpi kə̀ ywìrì yètì aghi mɔ̀ʼɔ igun ka.

2 Pità 2:12

Bəd mbo̰ ya ghàmà chàpà inug ne chəyi mbɔb kyeri. Mbɔb ya icheg nyam ne chəyi iwe, ne fàʼà məyi inug ne kɔ̀ʼɔ inɔb inga fìŋ. Mbɔb ya icheg nyam ne kweghe məyi ni gha bəd ghum gwì awɔb zwèti. Bəd mbo̰ biri bə ghum ku nim icheg nyam.

Jûd 1:10

Àsi bəd mbo̰, mbi ya ghàmà chàtà inug mbe ne chəyi mbi kyeri. Mbi ya ghìyə̀ inug icheg nyam mben, bə̀ fàʼà inug icheg ne ìtɔb fìŋ te chwìye gha mbe faʼa. Inug mbe ne mbɔb mbe ghìyə̀, à ya mbiwən mbe chìkə̀ ìwɔb.