1 Kɔrèn 15:24 - Ikan feg

²⁴ Anyumə̀ ne wì biri ghì ane, ìnwḭ biri si yèʼe. Ane nyumə̀ we, Kristo biri nimni izwighi ijìm mbe ne yaʼi ikaŋ, nìmni izwighi ijìm ne yaʼi inga ifə, bə̀ nìmni izwighi ijìm ne yaʼi inga isəg, si nàʼ anug ìfɔ̀n abə Ŋwiye ne yaʼi Mbaʼ.

Meta’

²⁴ Ənɨ wɨ̀ ghɨ̀ əne ɨnwǐ bɨrɨ sɨ yeʼe. Ənɨ ə nyùmə̀ we, Kristo bɨrɨ nimnɨ ɨzwî jìm mbe nɨ yeʼ ɨkaŋ, nimnɨ ɨzwî jìm mbe nɨ yeʼ ɨŋga ɨfə bə̀ nimnɨ ɨzwî jìm mbe nɨ yeʼ ɨŋga ɨsɨg, sɨ nàʼ ənû ɨfɔ̀n əmbɨ ə Ŋwìə̀ Mbǎʼ.

1 Kɔrèn 15:24 ပူးပေါင်းရင်းမြစ်များ

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Matìyò 24:13

Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Lk 10:22

Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Jn 13:3

Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

Jn 3:35

Mbaʼ kɔ̀ŋ ìwi Ŋwan. Ane, wì fə sàŋì inug ijìm ibo ikye ibo.

Rm 8:38

Mə kyèri kwàʼ tesiʼ gha, chəyi aghi mɔ̀ʼɔ ne tì ze ghì gha imbə̀ʼ aməd si ywiri kɔ̀ŋɔ̀ yi awa, kə̀ àkə iwu, kə̀ àkə ìtḛ̀, kə̀ àkə mbè angirə̀, kə̀ àkə tika afub te ne yaʼi ikaŋ, kə̀ àkə inug mbe ne yaʼi inga nyùmə̀ isəg gho̰, kə̀ àkə mbe ne biri ghum yeʼe,

Efesùs 5:20

Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

Kòlosè 2:10

Ane, Ŋwiye fə nàʼ ìtḛ̀ tesiʼ inən icheg ne mbə̀ yaʼi ane ifɔti tì Kristo. Kristo bèrì ika chè izwighi ijìm fɔrɔ tika tijìm igun isəg.

Kòlosè 2:15

Wì ya chìkì tika ijìm abə izwighi tibɔ̀ŋ ka ka fɔrɔ abə izwighi mbe ne sàʼa isəg gho̰ anyumə̀ ne wì ya ku igun azed abaʼri. Wì ya ghì ane, zì tìnìrètog igun inɔb kwàʼ asaŋ asaŋ icheg sogyì ne nyimi ìbòʼì ibid se tə̀rə̀ yi igun inɔb.

1 Timotì 6:15

Nyùmə̀ mə kòʼ, Ŋwiye we ne bəd mbe ghùmnə biri ghì Kristo yèʼe. À ya məyi məd yaʼi Atumbisəg ne yaʼi Ifɔn abə məfɔn bə̀ yaʼ Anɔŋisəg abə itog bəd ijìm.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

2 Pità 1:11

Ane, Ŋwiye biri nàʼ ika ijìm inən ni nyi inga anug ìfɔ̀n ighə̀m imɔʼ àzi ìwa Anɔŋisəg Yeso Kristo ne pùmnə awa.