1 Kɔrèn 15:23 - Ikan feg

²³ Ŋwiye biri zwemni wə̀d imɔʼ imɔʼ ane tiwaŋ icha icha. Wə̀d mbègtog we ne Ŋwiye zwèmni ane iwu ya Kristo. Anyumə̀ ne Kristo ywirì yèʼe, Ŋwiye biri zwemni bəd mbe ne yaʼi bəd Kristo.

Meta’

²³ Ŋwìə̀ bɨrɨ zwemnɨ wə̀d mɔʼ mɔʼ ɨwaŋ ɨwaŋ. Wə̀d rɨtu we nɨ wɨ̀ zwemnɨ yɨə Kristo. Ənɨ Kristo wɨrɨ yeʼe, wɨ̀ bɨrɨ beenɨ zwemnɨ bə̂d mbe nɨ yeʼ mbɨ Kristo.

1 Kɔrèn 15:23 ပူးပေါင်းရင်းမြစ်များ

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 16:28

Mə gha tesiʼ inən gha, bəd mɔ̀ʼɔ mbe abɔ̀ʼ ina aŋa ne chəyi mbi biri ku witì mbi bàd Ŋwan Wə̀d ne we yèʼe icheg ifɔn.”

Ɨ̀fàʼì 26:23

Mbɔb ya ghà gha Wə̀d we ne Ŋwiye zɔ̀ʼi bèrì ni zən ngəʼ. Mbi ya bə̀ ghà gha, icheg ne məd ya wə̀d mbègtog ni zweme ane iwu, wì biri ghà inug imbə̀ʼ ìzḛzḛ abə mə̀Ju bə̀ ghà abə bəd ne kayi mə̀Ju.”

1 Kɔrèn 15:20

Tesiʼ ya gha, Ŋwiye ya zwemne Kristo. À ya bə̀ tesiʼ gha, Kristo ya wə̀d mbègtog ne Ŋwiye ya zwemni abɔ̀ʼ bəd məjìm mbe ne fə ku.

1 Kɔrèn 15:52

ane iki nyumə̀ kwa kwa kwàʼ icheg ne wə̀d we gwìpè ighə. Anug azo̰ biri dù anyumə̀ ne mbi fə fə tàŋ ne si nwḭ̀yḛ̀. Anyumə̀ ne tàŋ ze ghàmi, Ŋwiye biri zwemni bəd ku. Ane, chəyi mbi biri ywiri ku. Ŋwiye biri bə kɔpi awa mba məjìm.

1 Kɔrèn 3:23

Mbə̰ ya Kristo beri awən. Kristo ya Ŋwiye bə bèrì.

1 Kɔrèn 6:14

Ŋwiye we ne ya zwemni Anɔŋisəg biri bə zwemni awa ane ìwi ika.

2 Kɔrèn 10:7

Mbə̰ ya nḛ̀ ighi məyi asaŋ asaŋ. Wə̀d ne kyeri gha zìye ya wə̀d Kristo, wì bə kyèri gha mba ya bə̀ bəd Kristo kwàʼ icheg məd.

Gàlesìyà 3:29

Icheg ne mbə̀ yaʼi ane anug amɔʼ tì Kristo, ane ya gha, mbə̰ ya inəbi ìwi Abràham. Ane, ineʼi we ne Ŋwiye ya kàʼi ni nàʼ abə aghaŋ inəbi Abràham ya bə̀ ìwən.

Gàlesìyà 5:24

Bəd mbe ne yaʼi bəd Yeso Kristo, mbɔb ya chùghə icheg bəd ne ìtɔb nyàmnyɔd fə ku ane inug tibɔ̀ŋ mbe ne nyàmnyɔd wə̀d ze ghə̀ʼrə̀.

Fìlipì 3:11

Mə ya ghìyə̀ ane nè nɔ̀ŋɔ̀ ikɔndi gha, tì mə bə̀ kòʼ ni zweme ane iwu icheg ne məd ya zweme ane iwu.

1 Tèsàlonikà 2:19

Àkə mə̀we ghi gha tì nɔŋɔ ikɔndi igun ighi mbe ne te ghɔ̀mɔ̀? Àkə mə̀we biri ghì gha tì gyendi? Àkə mə̀we biri ghì gha tì kɔmɔ igo imbìghè abə Anɔŋisəg Yeso anyumə̀ ne wì ywirì yèʼe? Imbə̀ʼ à ya mbə̰?

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.