1 Kɔrèn 15:2 - Ikan feg

² Mbə̰ biri pum anjìm ikən chɔm gho̰ àmə yaʼ ne mbə̀ nyimi Ìngam Ŋwiye we ne mə̀ ya gha inən kwàʼ icheg chɔm. Àmə chəyi ane, nji inug mbe ne mbə̀ nɔŋi ibḛfiŋ igun ya ati ako.

Meta’

² Mbə bɨrɨ jwɨ̀ rəŋgəʼ ənjìm ɨkə̂n chɔ̀m wɔ̂ əwù ze nɨ mbə̀ yim ɨŋgam Ŋwiə̀ we nɨ mə̀ gha ɨ nən wɨ kàànɨ̀. Mbə mɨ ton ghɨ ə əne, njɨ ɨnû mbe nɨ mbə̀ benɨ yɨ ətu ə̀kǒ.

1 Kɔrèn 15:2 ပူးပေါင်းရင်းမြစ်များ

Lk 8:13

Titam te ne ya fendi igun igho ya chwìye bəd mbe ne mə̀ zug Ìngam Ŋwiye, mbi niŋ ati ati ane igyendi. Si ya gha, chəyi Ìngam Ŋwiye taŋ nyi inɔb inga fìŋ. Mbɔb ya bèrè ibḛfiŋ məyi ane nyùmə̀ kwa kwa. Àkwàʼrì mə̀ yeʼe, mbi waʼ ìwɔb ibḛfiŋ.

Ɨ̀fàʼì 2:47

Mbi yaya fɔ̀tɔ ghùmnə Ŋwiye. Wə̀d ijìm yaya kɔ̀ŋɔ̀ awɔb. Ineg ijìm, Anɔŋisəg yaya yètè bəd inga ìwɔb inɔn. Bəd mbo̰ ya bəd mbe ne Ŋwiye yaya pùmnə anjìm icheg ne mbi bḛ Yeso Kristo.

Ɨ̀fàʼì 8:13

Sayimùn zìye ya bḛ Kristo bə̀ niŋ mənib. Anyumə̀ ne mbi ya fə nàʼi mənib ibo, wì ya ko se bène abɔ̀ʼ Filip. Anug ya chè aməd ane ineni inug fɔrɔ iyeti inug ne wì ya bàri Filip we ghìyə̀.

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 11:22

Mbə bàd icheg ne Ŋwiye we ghìyə̀ inug chɔm bə̀ bàd icheg ne wì ya tɔ. Ŋwiye ya tɔ abə bəd mbe ne ghìyə̀ tìzughə̀, bə̀ chè imbìghè ni ghì inug chɔm abə bəd mbe ne bḛ anug chɔm ze ne Ŋwiye ghi. Ane, mbə̀ chughi məyi inga ìchɔ̀mì məd, nji wì biri bə̀ sɔb awən waʼ.

1 Kɔrèn 1:18

Ikən imbə̀ʼ icheg ne Yeso Kristo ya ku igun azed abaʼri ya anug anen abə bəd mbe ne nìme. Àsi ina, mba mbe ne pùmə, tì niŋ gha à ya anug ne chwìye ika Ŋwiye.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 11:2

Mə we nàʼà məyakà inən imbə̀ʼ icheg ne mbə̰ mbe wènde amə aghəm ajìm. Mbə̰ mbe bə̀ ghìyə̀ inug məyi kwàʼ icheg ne mə̀ ya chwiti inən.

1 Kɔrèn 15:14

Àmə yaʼ ni gha chəyi Ŋwiye ya zwemni Kristo, nji Ìngam Ŋwiye we ne te ghàmà ya ati ako. Ane, icheg ne mbə̀ bə nɔ̀ŋì ibḛfiŋ igun Kristo ya bə̀ ati ako.

2 Kɔrèn 2:15

Mba ya icheg aghi ze ne nyòʼro ifɔ chɔm ne Kristo we nàʼà abə Ŋwiye. Tì ya nyòʼro ifɔ chɔm abə bəd mbe ne Ŋwiye we pùmnə fɔrɔ abə bəd mbe ne nìme.

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

Gàlesìyà 3:4

Mbə̰ kə nìŋə inug nɔʼ nɔʼ mbe ne mbə̀ che inga ane ati ako? Tesiʼ ya gha, inug nɔʼ nɔʼ mbe ne mbə̀ che inga, mbe nyìʼ wètì awən.

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

2 Tès 2:15

Icheg ne ze yaʼ anìŋ, ìmbum məfi fɔrɔ ìtum njàbi, mbə̀ taŋ təm kà ane ìwən ibḛfiŋ bə̀ taŋ nyìmi inug mbe ne tì ya chwiti inən. Mbə̀ nyìmi inug mbe ijìm, kə̀ àkə mbe ne tì ghàmi ghàmi, kə̀ mbe ne tì ŋwàʼri.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

Mə̀Hibrù 10:23

Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi.

Mə̀Hibrù 2:1

Ze bɔ̀ŋ gha tì mənyìʼ zì atog taŋ nyìmi inug ijìm mbe ne tì ya zughi ni gha imbə̀ʼ tì nɔ̀ʼ sàŋì se fàʼà yaʼ ìmbi ndəŋ.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Jems 2:14

Ìmbum məfi fɔrɔ ìtum njàbi, wə̀d ne gha zìye bèrì ibḛfiŋ ne chəyi tìghinùg məd te chwìye, chùd ne wì biri jəg àkə iza? Iku ibḛfiŋ we we tì wi pumni aməd?

Jems 2:17

Ane, ibḛfiŋ ne chəyi tìghinùg ya kwàʼ ati ako.

Jems 2:26

Icheg ne nyàmnyɔd ne chəyi azwighi inga yaʼi ati ako, à ya bə̀ ane ne ibḛfiŋ ne chəyi wə̀d we ghìyə̀ inug chɔm bə yaʼ ati ako.