1 Kɔrèn 14:20 - Ikan feg

²⁰ Ìmbum məfi fɔrɔ ìtum njàbi, imbə̀ʼ mbə̰ ya kɔ̀ndɔ awən inug icheg bɔn kwa. Àmə se ane inug tibɔ̀ŋ, mbə̀ yaʼ awən abəŋ icheg bɔn kwa. Mbə̀ yaʼ icheg bɔn kwa, si ya gha, mbə̀ se kɔ̀ndɔ inug icheg bəd kyen.

Meta’

²⁰ Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

1 Kɔrèn 14:20 ပူးပေါင်းရင်းမြစ်များ

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 18:3

Wì ya si ghà inɔb gha, “Mə gha tesiʼ inən gha, mbə̰ mənyìʼ kɔ̀pɔ si yaʼ icheg bɔn kwa kwa, nji chəyi mbə̀ biri nyi inga anug ìfɔ̀n ikaŋ.

Matìyò 19:14

Yeso ya ghà inɔb gha, “Mbə̀ saŋa bɔn kwa mbe yèʼe inum. Imbə̀ʼ mbə̰ kə̰ awən awɔb imbə̀ʼ icheg ne anug ìfɔ̀n ikaŋ ya abə bəd ne yaʼi icheg bɔn kwa mbo̰.”

Matìyò 19:4

Yeso ya biri inɔb gha, “Àkə chəyi mbə̀ kiri fɔŋi gha, anyumə̀ ne Ŋwiye ya tangi isəg, wì ya tangi mbaŋà tì àyi?

Mk 10:15

Mə gha tesiʼ inən gha, wə̀d ne chəyi wì bḛ anug ìfɔ̀n Ŋwiye icheg Ŋwan kwa, chəyi tengàŋ biri nɔ̀ʼ nyi inga anug ìfɔ̀n ze.”

Lk 18:17

Mə ghà kwàʼ tesiʼ inən gha, “Wə̀d ne chəyi wì nɔŋi ìzi fìŋ ane anug ìfɔ̀n Ŋwiye icheg ŋwan kwa kwa, chəyi tengàŋ biri nyi inga anug ìfɔ̀n ze.”

Rm 1:13

Ìmbum məfi fɔrɔ ìtum njàbi ne tì yaʼi ane ifɔti tì Kristo, mə kə̀b gha mbə̀ kyeri gha, mə̀ ya chuʼri nyɔd aghəm nɔʼ nɔʼ ni yeʼe bàd awən ni ghì gha bəd mɔ̀ʼɔ bḛ Yeso icheg ne mə̀ ya bə̀ ghì abə mbin tì bəd ne kayi mə̀Ju. Si ya gha, inug mɔ̀ʼɔ ya təmni amə.

Rm 16:19

Wə̀d ijìm kyèri gha mbə̰ mbe zùgrə Anɔŋisəg. À ya aton ne mo ya taŋ gyènde imbə̀ʼ awən. Mə kə̀b gha mbə̀ beri iwe imbə̀ʼ ya ghìyə̀ məyi inug mbe ne yaʼi inug chɔm. Si ya gha, mbə̀ chìye ìmbən ibo inga anug ne zìyè inug tibɔ̀ŋ.

1 Kɔrèn 13:11

Anyumə̀ ne mə̀ ya yaʼi ŋwan kwa, mə yaya ghàmà icheg ŋwan kwa. Mə yaya bə̀ kɔ̀ndɔ inug icheg ŋwan kwa. Mə ya bèrì iwe ŋwan kwa. Anyumə̀ ne mə̀ ya kweghi si wə̀d kyen, mə̀ ya waʼ inug bɔn kwa.

1 Kɔrèn 14:19

Si ya gha, anyumə̀ ne mə̀ yaʼi inga ifeti bəd Ŋwiye, mə biri kɔ̀ŋ ni ghà inug ità̰ yaʼ inga ìngam ne bəd biri zug ne biri wètì bəd gha mbe təm kà, chè icheg ni ghàm inug chuʼ ìghum ane tìngam iben ndəŋ ne chəyi bəd biri zug.

1 Kɔrèn 2:6

Anyumə̀ ne tì yaʼi tì bəd ne fə təmi kà inga anug Kristo, tì ya ghàmà ane iwe. Si ya gha, ìwa iwe kayi iwe ne bəd inga isəg beri, kə̀ ne itog bəd ne sàʼa isəg gho̰ beri, ne ìwɔb ìfɔ̀n biri mèg.

Efesùs 4:13

Ane, mba məjìm biri fɔti ane ibḛfiŋ we imɔʼ, taŋ kyèri Ŋwan Ŋwiye bə̀ kweg kòʼ si yaʼ icheg Kristo.

Fìlipì 1:9

Mə ya chàʼrà Ŋwiye inən gha, mbə̀ che imbìghè ni kɔ̀ŋ ìmbən məfi fɔrɔ ìtən njàbi, bə̀ chè imbìghè ni kyeri tesiʼ imbə̀ʼ Ŋwiye. Mə ya bə̀ chàʼrà Ŋwiye inən gha, mbə̀ kyeri inug ne yaʼi inug chɔm bə̀ kyèri inug ne yaʼi inug tibɔ̀ŋ.

Fìlipì 3:15

Mba bəd Kristo məjìm mbe ne fə təmi kà, tì beri ikɔndi imɔʼ imbə̀ʼ inug mbo̰. Wə̀d mɔ̀ʼɔ mə̀ bèrì yaʼ ikɔndi ndəŋ, Ŋwiye biri ghì atog məd zen.

1 Pità 2:2

Mbə̀ niŋ ìwən nyɔd icheg bɔn bɔd ne kiri nyɔŋɔ ibən. Mbə̀ kəbə yaʼ ibən zḛ zḛ we ne Azwighi Ŋwiye ze nàʼà. Mbə̰ mə̀ nyɔŋ ibən we, mbə biri təm kà icheg ne Ŋwiye fə pumni awən.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.