1 Kɔrèn 14:2 - Ikan feg

² Bəd mbe ne ghàmà ìngam aben ndəŋ ya ghàmà abə Ŋwiye, kayi abə bəd, imbə̀ʼ icheg ne chəyi tì wə̀d kyèri anug ne mbe ghà. Mbɔb ya ghàmà tesiʼ we ne yaʼi inə̀mbi icheg ne Azwighi Ŋwiye ze nàʼà ika inɔb.

Meta’

² Chəi wə̀d mɔʼɔ we nɨə ghàm ɨŋgam rɨsɔ̀ʼɔ̀ ə ghàm əmbɨ ə bə̂d. Ɨ wɨə ghàmə̀ yeʼ əmbɨ ə Ŋwiə̀, ɨmbə̀ʼ ɨghəm nɨ chəi wə̀d cherə kyerɨ ənû ze nɨ wɨə ghàə̀. À yɨ Əzwî ə Zeŋɨ ə ghɨ ni wɨ̀ gha ɨnû mbe nɨ yeʼ ənə̀mə.

1 Kɔrèn 14:2 ပူးပေါင်းရင်းမြစ်များ

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Mk 16:17

Bəd mbe ne bḛ biri ghì ineni inug mbo̰: Mbi biri kamni izwighi tibɔ̀ŋ chì inga bəd ane ìmə ikum; mbi biri ghàm tìngam iben ndəŋ;

Mk 4:11

Wì ya ywìtì inɔb gha, “Ŋwiye fə nàʼ iwe inən gha mbə̀ kyeri inug mbe ne yaʼi inə̀mbi imbə̀ʼ anug ìfɔ̀n məd. Si ya gha, mbi biri ghà inug ijìm abə bəd mbe ne chəyi awɔb abɔ̀ʼ inən ane tìngam məgri.

Ɨ̀fàʼì 10:46

Anug ya chè awɔb imbə̀ʼ icheg ne mbi ya zug icheg ne bəd mbe yaya ghàmà tìngam iben ndəŋ bə̀ ghùmnə Ŋwiye. Pità ya si ghà gha,

Ɨ̀fàʼì 19:6

Anyumə̀ ne Pɔl ya nɔŋi ìmbi ibo igun inɔb, Azwighi Ŋwiye ya yeʼe igun inɔb, mbi ko se ghàmà tìngam iben ndəŋ bə̀ ko se ghà ikən Ŋwiye.

Ɨ̀fàʼì 22:9

Mbaŋà te ne ya yaʼi tì inum, ya bàd ìzḛzḛ we. Si ya gha, chəyi mbi ya zughi gì ze ne ya ghàmi inum.

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

1 Kɔrèn 12:10

Azwighi Ŋwiye ze nàʼà ika ni fàʼ iyeti inug abə wə̀d imɔʼ. À ya àzewən ze bə̀ nàʼà ika abə wə̀d ndəŋ ni ghà ikən Ŋwiye. À ya Azwighi Ŋwiye ze bə̀ nàʼà ika abə wə̀d imɔʼ gha wì kyeri icha ne yaʼi inga azwighi chɔm tì azwighi tibɔ̀ŋ. À ya Azwighi Ŋwiye ze amɔʼ ze bə̀ nàʼà ika ni ghàm tìngam iben ndəŋ abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni tòʼrì anug ne mbi gha inga tìngam iben ndəŋ abə wə̀d ndəŋ.

1 Kɔrèn 12:28

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

1 Kɔrèn 13:1

Ka mə kyèri ni ghàm tìngam bəd inga iben ijìm igun isəg, bə̀ kyèri ni ghàm tìngam mbè angirə̀, àmə chəyi mə kɔ̀ŋɔ̀ bəd, mo ya kwàʼ icheg aba apan kə̀ kwàʼ icheg fìngɔ̀ŋì.

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

1 Kɔrèn 14:16

Mbə̰ mə̀ ya nàʼà məyakà abə Ŋwiye məyi ane àzən azwighi, wə̀d ne yaʼi abɔ̀ʼ inən ne chəyi we zùghə anug ne mbə̰ mbe ghà, tengàŋ kə si chè iye ni bḛ gha “À ya ane” ane anug ne mbə̰ mbe ghà?

1 Kɔrèn 14:26

Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

1 Kɔrèn 15:51

Mbə̀ zug! Anug ne yaʼi inə̀mbi ya gha, chəyi mba məjìm biri ku. Tesiʼ ya gha, Ŋwiye biri kɔpi awa mba məjìm,

1 Kɔrèn 2:10

Ŋwiye fə chwi anug ze ne wì ya chuʼri nɔ̀ŋì ina anjìm Azwighi məd. Azwighi Ŋwiye ze twèʼrè inug ijìm. Ka à ya bèyi inug imbə̀ʼ Ŋwiye ne yaʼi inə̀mbi, məd we twèʼrè chwìye ina.

1 Kɔrèn 2:7

Tì ya ghàmà yaʼ ane iwe we ne Ŋwiye we nàʼà. Iwe we ya yaʼ inə̀mbi. À ya iwe ne bɔŋ Ŋwiye ya se tànga isəg, məd ya fə nɔŋi ni nàʼ ina. Wì ya ghì ane ni gha tì beri ighumni.

Efesùs 6:19

Mbə̀ bə chàʼra Ŋwiye inum gha, mà nyumə̀ ijìm ne mə ghàmà, Ŋwiye ziye ìngam inum ichug ne mə̀ biri ghàm ne chəyi mə bɔ. Ane, mə biri ghì bəd kyeri anug ze ne yaʼi inə̀mbi imbə̀ʼ ikən chɔm.

Kòlosè 2:2

Aton ya gha, mə ya kə̀bə̀ ni nəri ìtɔb fìŋ bə̀ ghì gha mbɔb yaʼ ane fìŋ ifibì bə̀ chùghi ane àkɔ̀ŋì. Àze biri ghì mbɔb taŋ bèrì iwe ni kyeri anug, imbə̀ʼ kyeri anug ze ne Ŋwiye nə̀mbi. Anug ze ya Kristo.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

1 Timotì 3:9

Mbɔb bèrì ni nyimi tesiʼ we ne Ŋwiye ghi bəd məjìm kyeri. Mbɔb mənyìʼ ya ghìyə̀ ane tì fìŋ zḛ zḛ.

Ɨnû 10:7

“Si ya gha, anyumə̀ we ne angirə̀ we ne pè ane ìsàmbe biri fə ìzi tì tàŋ, Ŋwiye biri fàʼ ìmbi inug mbe ne ya yaʼi inə̀mbi icheg ne wì ya gha abə ìmbi bəd àfàʼì ne ya yaʼi bədkə̀n məd.”