1 Kɔrèn 14:1 - Ikan feg

¹ Mbə̀ kirə ika ni ya kɔ̀ŋɔ̀ wə̀d imɔʼ imɔʼ. Mbə̀ bə nɔ̀ŋì ìtən fìŋ igun tineʼi te ne Azwighi Ŋwiye ze nàʼà. Mbə̀ ziye atog yaʼ ane ineʼi we ni ghà ikən Ŋwiye.

Meta’

¹ Mbə̀ kywɨ ənywɨ zə ni ɨghaʼi yeʼ əghɨ ze nɨə tin əwən wò ɨmbì. Mbə̀ jeŋgɨ kə̀b yeʼ mɨneʼe mbe nɨ Əzwî ə Zeŋɨ ə nàʼə̀, màànɨ̀ ɨneʼe nɨ gha ɨkə̂n Ŋwiə̀.

1 Kɔrèn 14:1 ပူးပေါင်းရင်းမြစ်များ

Rm 12:6

Ìta tineʼi ya icha icha icheg ne Ŋwiye ghi ìchɔ̀mì ina. Ineʼi wə̀d mə̀ yaʼ ni ghà ikən Ŋwiye, tengàŋ ya fàʼà icheg ne ibḛfiŋ məd chwi.

Rm 14:19

Tì ghi ìwa ika ijìm ni fàʼ inug ne ghìyə̀ tì chùghə ane àbɔrɔ̀bɔd fɔrɔ inug ne ghìyə̀ gha ibḛfiŋ təm kà abə wə̀d imɔʼ imɔʼ abɔ̀ʼ ina.

Rm 9:30

Tì kə ywìrè gha? Bəd ne kayi mə̀Ju ne chəyi tì mbi ya təm kòʼ imbìghè abə Ŋwiye, mbɔb mbo̰ fə təmi kòʼ imbìghè abə Ŋwiye anjìm ìwɔb ibḛfiŋ.

1 Kɔrèn 12:1

Ìmbum məfi fɔrɔ ìtum njàbi, mə kə̀b gha mbə̀ kyeri tesiʼ imbə̀ʼ tineʼi te ne Azwighi Ŋwiye ze nàʼà.

1 Kɔrèn 12:31

Mbə̀ nɔŋi fìŋ yaʼ igun tineʼi ne che tineʼi ìto̰. Mə biri chwi inɔ̀njì inən ne bɔŋi chè tinɔnjì ijìm.

1 Kɔrèn 13:13

Inug mbo̰ itad fə təm ane ighə̀m imɔʼ. Inug mbe ya: anug ni nɔ̀ŋì ibḛfiŋ igun Kristo, tì anug ni nɔ̀ŋì ikɔndi se ghɔ̀mɔ̀ inug mbe ne tì zi fìŋ igun fɔrɔ anug ni kɔ̀ŋ bəd. Si ya gha, anug ni kɔ̀ŋ bəd beri ati chè mbin tì inug ijìm.

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

1 Kɔrèn 14:22

Ane, tìngam iben ndəŋ ya aneni abə bəd ne chəyi mbi bḛ Ŋwiye kayi abə bəd ne bḛ Ŋwiye. Àsi anug ni ghà ikən Ŋwiye ya abə bəd ne bḛ Ŋwiye kayi abə bəd ne chəyi mbi bḛ Ŋwiye.

1 Kɔrèn 14:37

Wə̀d mɔ̀ʼɔ mə̀ kɔ̀ndi gha zìye ya wə̀dkə̀n Ŋwiye, kə̀ wə̀d ne gha Azwighi Ŋwiye nàʼ ineʼi ibo, məd kyeri gha anug azo̰ ne mə ghà inən ya ikə ne Anɔŋisəg nàʼi inum.

1 Kɔrèn 14:39

Ane, ìmbum məfi fɔrɔ ìtum njàbi, mbə ziye atog ni ghà ikən Ŋwiye. Imbə̀ʼ mbə̰ kə̰ awən anug ni ya ghàmà ane tìngam iben ndəŋ.

1 Kɔrèn 16:14

Mbə̀ faʼa inug ijìm ane àkɔ̀ŋì.

Efesùs 1:3

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.

1 Tèsàlonikà 5:20

Imbə̀ʼ mbə̰ si wèghe awən tikən Ŋwiye te ne bəd mbe ghà.

1 Timotì 4:14

Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

1 Timotì 6:11

Àsi awe, àghò wə̀d àfàʼì Ŋwiye, àghò fə chìye ìfe ifeg ane inug mbo̰ ijìm. Àghò ghiyə yaʼ inug mbe ne koʼi bə̀ ghì yaʼ inug mbe ne Ŋwiye kə̀bi. Àghò nɔŋɔ fìŋ igun Kristo, ya kɔ̀ŋɔ̀ bəd, ya nyìʼè inug bə̀ ya bɔ̀tɔ ane fìŋ.

2 Timotì 2:22

Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

2 Pità 1:7

Icheg ne mbə ghùmnə Ŋwiye, mbə̀ bə kirə ika ni ya ghìyə̀ ìchɔ̀mì abə ìmbən məfi fɔrɔ ìtən njàbi. Icheg ne mbə̰ mbe ghìyə̀ ìchɔ̀mì abə ìmbən məfi fɔrɔ ìtən njàbi, mbə̀ ya bə̀ kɔ̀ŋɔ̀ wə̀d ijìm.

3 Jɔn 1:11

Ìmə ìsə̀ʼ ne mə̀ taŋ kɔ̀ŋ, imbə̀ʼ àghò niŋ awe ikuchèg tibɔ̀ŋ we. Àghò ya ghìyə̀ yaʼ inug chɔm. Àghò wendi gha, mbi ya kyere wə̀d Ŋwiye chɔm ane inug chɔm ne we ghìyə̀. Àghò bə wèndi gha, bəd ne ghìyə̀ inug tibɔ̀ŋ, ze ya chwìye gha chəyi mbɔb yaʼi ane anug amɔʼ tì Ŋwiye.