1 Kɔrèn 10:23 - Ikan feg

²³ Bəd mɔ̀ʼɔ mbe gha, “Tì we tì tì ghi inug ijìm.” Si ya gha, kayi inug mbe ijìm ne biri wètì awa. “Tì we tì tì ghi inug ijìm,” si ya gha, kayi inug ijìm mbe ghìyə̀ ibḛfiŋ wə̀d tə̀mə kà.

Meta’

²³ Bə̂d mɔʼɔ mbɨə ghàə̀ ni, “Tɨ̀ we tɨ̀ rɨ̀ ghɨ̀ ɨnû jìm.” À yɨ əne, àyɨə chəi ɨnû jìm mbe tɨ̀ mbɨ wèèrɨ̀ əwən. “Tɨ̀ we tɨ̀ rɨ̀ ghɨ̀ ɨnû jìm,” ɨchî nɨ mbɨ gha, àyɨə chəi ɨnû jìm ə ghɨ̀ ni ɨbenɨ kaanə.

1 Kɔrèn 10:23 ပူးပေါင်းရင်းမြစ်များ

Rm 14:15

Àghò mə̀ ya jə̀ghə aghi mɔ̀ʼɔ ne àghò kyèri gha ze biri ghì ìwe ifi gùg anug, àze chwi gha chəyi àghò kɔ̀ŋi aməd. Imbə̀ʼ àghò saŋa awe gha aghi ne àghò we jə̀ghə ze ghiyə wə̀d ne Yeso ya ku imbə̀ʼ aməd wì nim ìwi ìtḛ̀.

1 Kɔrèn 14:12

Icheg ne mbə̰ mbe kə̀bə̀ ni beri tineʼi te ne Azwighi Ŋwiye ze nàʼà, mbə̀ kirə ika ijìm ni taŋ bèrì yaʼ tineʼi te ne biri wètì gha ifeti bəd Kristo ijìm təm kà.

1 Kɔrèn 14:17

Wə̀d biri ya chàʼrà Ŋwiye kwàʼ icheg chɔm, si ya gha, chəyi ze biri wètì bəd ndəŋ gha mbe təm kà ne chəyi mbe zùghə anug ne wì ya ghà.

1 Kɔrèn 14:26

Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

1 Kɔrèn 6:12

Wə̀d we tì wì gha, “Mə we tì mə ghì inug ijìm.” A ze yi ane, si ya gha, chəyi tì inug ijìm wètì wə̀d. Mə kyèri gha, “Mə we tì mə ghì inug ijìm.” Si ya gha, kayi inug ijìm ne tì mə ghì biri wètì amə. Mə we tì mə ghì inug ijìm. Si ya gha, chəyi aghi mɔ̀ʼɔ biri ghì mə bə̀ŋə̀ ane àbòʼì.

1 Kɔrèn 8:1

Amad anìŋ, mə kə̀b ni ghàm imbə̀ʼ tijəg te ne mbe jə mə̀ŋwiye. Tè kyèri gha, “Mba məjìm bèrì iwe,” icheg bəd mɔ̀ʼɔ mbe ghà. Inug mbo̰ ne tì kyeri mbe ghìyə̀ bəd mɔ̀ʼɔ se nɔ̀ nyɔd. Àsi àkɔ̀ŋì ya kɔ̀rɔ bəd ane mbi imɔʼ ghìyə̀ bəd chùghə ane ichug imɔʼ.

1 Kɔrèn 8:9

Ane, mbə̀ we awən, imbə̀ʼ mbə̰ nɔ̀ʼ niŋ icheg ne chəyi mbə̰ mbe jə̀ghə aghi mɔ̀ʼɔ, kə̀ niŋ icheg ne mbə̰ mbe jə̀ghə aghi mɔ̀ʼɔ si ghì bəd mbe ne ìwɔb ibḛfiŋ bɔri, mbi gùg anug.

2 Kɔrèn 12:19

Mbə kə anìŋ kɔ̀ndɔ gha tì ya tàŋà ìwa nyɔd inən imbìghè? Indèʼ! Tì ya ghàmà anug ne koʼi abə Ŋwiye icheg ne tì yaʼi ane ifɔti tì Kristo. Ìmba mə̀sə̀ʼ ne tì taŋ kɔ̀ŋ, inug ijìm ne te ghìyə̀ ya ni wètì awən gha mbə̀ təm kà.

Efesùs 4:29

Imbə̀ʼ mbə̰ ghama awən ìngam tibɔ̀ŋ. Mbə̀ ghama yaʼ tìngam chɔm ne biri ghì mbə kweg, bəd ndəŋ ne biri zug tìngam te bə̀ kweg.

1 Tèsàlonikà 5:11

Ane, mbə̀ nəri fìŋ abə ìmbən məfi fɔrɔ ìtən njàbi ghì gha ibḛfiŋ wə̀d imɔʼ imɔʼ təm kà. Mbə̀ che imbìghè ni nəri wə̀d imɔʼ imɔʼ kwàʼ icheg ne mbə̰ mbe ghìyə̀ amad anìŋ.

1 Timotì 1:4

Gha inɔb gha imbə̀ʼ mbi ziye awɔb atog igun tìmùghì ako fɔrɔ igun inug imbə̀ʼ tiwaŋ inəbi ne chəyi ìnwḭ. Inug mbo̰ ya zìyè yaʼ àbùrì inga bəd. Chəyi iku inug mbo̰ mbe ghìyə̀ gha bəd kyeri inug mbe ne Ŋwiye kə̀bi. À ya məyi anjìm ibḛfiŋ ne bəd biri kyeri inug mbe ne Ŋwiye kə̀bi.