1 Kɔrèn 10:17 - Ikan feg

¹⁷ Ka tì jiʼì nɔʼ, à ya məyi chiŋ ngə̀ŋ imɔʼ ne te jə̀ghə ni chwi gha mba ya nyàmnyɔd imɔʼ.

Meta’

¹⁷ Chiŋ ŋgə̀ŋ mei mɔʼ, əne mbà mbe nɨ nɔʼɔ mbɨə jɨgə tɨ ənɨ ə chiŋ ŋgə̀ŋ ze mɔʼ. Əze ə chwi ni tɨ̀ yɨə nyamnyod mɔʼ.

1 Kɔrèn 10:17 ပူးပေါင်းရင်းမြစ်များ

Rm 12:5

Icheg ne tì yaʼi ane ifɔti tì Kristo, ka tì jiʼi nɔʼ, mba məjìm ya isiŋi nyɔd ane nyàmnyɔd imɔʼ. Wə̀d imɔʼ imɔʼ fɔ̀tɔ tì mə̀mbin kwàʼ icheg ne isiŋi nyɔd bə fɔ̀tɔ.

1 Kɔrèn 10:21

Chəyi tì mbə̰ no inga toʼ Anɔŋisəg ywìrì no inga toʼ izwighi tibɔ̀ŋ. Chəyi tì mbə̰ bə̀ jəg igun fiŋaŋi Anɔŋisəg ywìrì jəg igun fiŋaŋi izwighi tibɔ̀ŋ.

1 Kɔrèn 12:12

Nyàmnyɔd wə̀d bèrì isiŋi nyɔd nɔʼ nɔʼ. Ka isiŋi nyɔd jiʼì nɔ̀ʼ, à ya məyi nyàmnyɔd imɔʼ. À ya icheg ne ze bə yaʼ tì nyàmnyɔd Kristo.

1 Kɔrèn 12:27

Ane, mbə̰ məjìm ya nyàmnyɔd Kristo. Wə̀d imɔʼ imɔʼ bèrì àze asiŋi inga nyàmnyɔd Kristo.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Efesùs 4:16

Kristo ghì isiŋi nyɔd ijìm fɔtɔ si yaʼ nyàmnyɔd imɔʼ. Tinḭ ka ka nyìmi isiŋi nyɔd ijìm fɔ̀ti. Asiŋi nyɔd amɔʼ mə̀ ya fàʼà icheg chɔm bə̀ kɔ̀ŋɔ̀ mbin tì isiŋi nyɔd, isiŋi nyɔd ijìm biri se kwèghe ghò imbìghè.

Efesùs 4:25

Wə̀d imɔʼ imɔʼ abɔ̀ʼ inən waʼ inug ako se ghàmà məyi tesiʼ imbə̀ʼ mə̀mbin imbə̀ʼ icheg ne tì fə si bəd imɔʼ anjìm Kristo.

Efesùs 4:4

Nyàmnyɔd ya məyi imɔʼ. Azwighi ya bə̀ məyi amɔʼ. Anug ni nɔ̀ŋì ikɔndi ghɔ̀m icheg ne Ŋwiye ya kàri awən ya bə̀ məyi amɔʼ.

Kòlosè 2:19

Tiku bəd ìto̰ fə sàŋì anug ni nyimi Kristo ne yaʼi atog abə nyàmnyɔd məd, ne ya ifeti bəd Kristo. À ya Kristo we ghìyə̀ ifeti bəd məd kweghe icheg ne Ŋwiye kə̀bi. À ya məd we nyìme ifeti bəd Kristo kwàʼ icheg ne atog ze nyìme nyàmnyɔd wə̀d ane tinḭ kyen kyen fɔrɔ mə̀nàra.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.