1 Kɔrèn 1:9 - Ikan feg

⁹ Ŋwiye we ne kàri awən gha mbə̀ chughi ane ifɔti tì Ŋwan məd, ìwa Anɔŋisəg Yeso Kristo, məd we fàʼà anug ne wì ya kàʼi.

Meta’

⁹ Ŋwìə̀ we nɨə ghɨ̀ ənû ze nɨ wɨ̀ kaʼi nyaʼa tɔŋ əwən ni mbə̀ chub ənɨ ɨfɔtɨ mbɨ Wan məd Yeso Kristo a Ə̀nùŋɨ̀sɨg.

1 Kɔrèn 1:9 ပူးပေါင်းရင်းမြစ်များ

Matìyò 24:35

Ikaŋ àbɔ̀ŋɔ tì isəg biri chè, si ya gha, chəyi ìmə ìngam biri nɔ̀ʼɔ chè ako.”

Jn 17:21

Mə ya dèghè gha mbɔb məjìm yaʼ ane anug amɔʼ, kwàʼ icheg ne àghò ìmə Mbaʼ, àghò yaʼi inga inum, mo inum bə̀ yaʼ inga ine. Mbɔb inɔb bə̀ yaʼ inga ina imbə̀ʼ bəd igun isəg bḛ gha, à ya àghò cha amə.

Rm 11:17

Àmə yaʼ aghi ne mbi ya sɔbi fìtab mɔ̀ʼɔ ane azed olìf tibɔ̀ŋ ghò nàndì ane ibəm azed olìf chɔm, nji mbə̰ mbe ne kayi mə̀Ju ya icheg azed olìf tibɔ̀ŋ ze ne mbi ya nàndì ane àze chɔm. Mbə̰ mbe se bə̀ bèrè àbɔrɔ̀bɔd ze ne mə̀Ju mbe bèrè amad anìŋ.

Rm 8:28

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

Rm 8:30

Bəd mbe ne Ŋwiye ya chì awɔb nɔ̀ŋì icha, wì ya kàrì awɔb gha mbe yaʼ ìmbi bəd. Mbɔb mbe ne wì ya kàri awɔb, wì ya ghì mbi təm kòʼ ibo imbìghè, bə̀ si nàʼ ighumni inɔb.

Rm 9:24

Mba ya bəd mbe ne məd chɔʼi; kayi məyi inga mə̀Ju, à ya fɔrɔ inga bəd ne kayi mə̀Ju.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 10:13

Chəyi anug mɔ̀ʼɔ ne kwàʼrà awən ne chəyi ze kweʼì kwàʼrì bəd ndəŋ. Ŋwiye we fàʼà anug ze ne wì kàʼi. Ane, chəyi wì biri sàŋì gha àkwàʼrì ne ka chè awən ze nyi igun inən. Anyumə̀ ne mbi kwaʼri awən, wì biri chwi inɔnjì inən ne mbə̀ biri nyìʼ fìŋ anene dù inga àkwàʼrì ze.

1 Kɔrèn 10:16

Toʼ ze ne te no inga anyumə̀ ne te jə̀ghə itari, ne te bə̀ nàʼà məyakà abə Ŋwiye bɔŋ no inga toʼ ze, à ya anəm Kristo ne te no. Ngə̀ŋ ze ne te bə̀ʼrə bə̀ jə̀ghə ya nyàmnyɔd Kristo ne te bə̀ kùrə.

2 Kɔrèn 1:18

Ŋwiye we ne ghà anug bə̀ fàʼà kyèri gha mo kayi iku wə̀d we. Mə mə̀ gha “Indèʼ!”, à ya ane, mə mə̀ gha “E!” à ya bə̀ ane.

Gàlesìyà 1:15

Si ya gha, bɔŋ mbi ya se gwi mə, Ŋwiye ya fə ghì ìchɔ̀mì inum, chɔʼ amə gha mə̀ yaʼ wə̀d àfàʼì məd.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

2 Tès 2:14

Ŋwiye ya chè anjìm ikən chɔm we ne tì ya ghàmi inən kàrì awən gha mbə̀ pum ni ghì gha mbə̀ bere ighumni icheg ne Anɔŋisəg Yeso Kristo bə bèrì.

2 Tès 3:3

Anug ne angu ya gha, Anɔŋisəg ya fàʼà inug mbe ne wì kàʼi. Wì biri nàʼ ika inən bə̀ kyèʼrì awən ni ghì gha imbə̀ʼ mbə̰ nyi awən ikye abo abə Wə̀d Tibɔ̀ŋ.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

2 Timotì 2:13

Tì mə to̰ awa ni nɔ̀ŋì ibḛfiŋ igun məd, wì biri kiri kɔ̀ŋ awa imbə̀ʼ icheg ne chəyi tì wì ton anug ze ne wì fə nɔŋi ni fàʼ.

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

Mə̀Hibrù 10:23

Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi.

Mə̀Hibrù 11:11

Ka Abràham ya fə nùn, ne iweg məd Sèra ya bə yaʼ kɔ̀m àyi, à ya ibḛfiŋ ya ghi gha wì ywirì gwi ŋwan. Ze ya yaʼ ane imbə̀ʼ icheg ne Abràham ya bḛ gha Ŋwiye we ne kàʼi ni nàʼ ŋwan ibo ya fàʼà anug ne wì kàʼi.

Mə̀Hibrù 2:17

À ya aton ne wì ya kòʼi ni yaʼ icheg məfi fɔrɔ njàbi məd ane inug ijìm, ni gha wì biri yaʼ atog wə̀d igun bəd mbàn Ŋwiye ne fàʼà abə Ŋwiye ane ìzi fìŋ ijìm, bə̀ bèrè àsɔ̀mnəfiŋ igun bəd, si nàʼ ìwi nyɔd ane aghi àfàtì ni ghì gha Ŋwiye waʼ inug tibɔ̀ŋ bəd.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Mə̀Hibrù 6:18

Ŋwiye fə kàʼ anug bə̀ zɔ̀m. Inug mbo̰ ibe chəyi mbe kɔ̀pɔ imbə̀ʼ icheg ne chəyi tì Ŋwiye ghàm anug ako. Ane, mba mbe ne noro ghò nə̀mbì awa aton aməd, inug mbo̰ ibe taŋ nàʼ ika ina gha tì təm, ghɔ̀m, bə̀ nɔŋi ikɔndi igun aghi ze ne yaʼi ina imbìghè.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

1 Jɔn 4:13

Tì ya kyère gha, tì we ane ifɔti tì məd, məd we bə̀ ane ifɔti tì ina icheg ne məd fə nàʼi àzi Azwighi ina.

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.