1 Kɔrèn 1:30 - Ikan feg

³⁰ Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

Meta’

³⁰ À yɨə Ŋwìə̀ nyaʼa ghɨ̌ ni mbə̀ yeʼ ənɨ ɨfɔtɨ mbɨ Kristo Yeso. Məd yɨ we nɨ Ŋwìə̀ ghɨ ni tɨ̀ che ənjìm məd berɨ ɨwe. Wɨ̀ fə ghɨ̀ ni tɨ̀ təm kùʼnɨ̀. Wɨ̀ fə zeŋnɨ əwa bə̀ choʼ mba ɨtu.

1 Kɔrèn 1:30 ပူးပေါင်းရင်းမြစ်များ

Matìyò 1:21

Məd biri gwi ŋwan mbaŋà. Ikum ne àghò biri chùb ibo ya Yeso imbə̀ʼ icheg ne wì biri chì ìmbi bəd inga ìmbɔb inug tibɔ̀ŋ.”

Lk 11:49

Ŋwiye ya fə we yi ni ghà imbə̀ʼ anug azo̰ gha, ‹Mə biri chà bədkə̀n tì bədtɔm inɔb. Mbi biri zweti ìmbi mɔ̀ʼɔ bə̀ chɔʼ ibɔʼì ighog abə mə̀mbin.›

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 17:26

Mə fə ghì mbi kyeri awe. Mə biri chè imbìghè ni ghì gha mbe taŋ kyèri awe. Ane, àghò biri kɔ̀ŋ awɔb kwàʼ icheg ne àghò bə kɔ̀ŋ amə, mə bə̀ yaʼ ane anug amɔʼ tì inɔb.”

Jn 17:8

Mbɔb fə bḛ ìngam we ne àghò ya nàʼi inum gha mə gha inɔb. Mbɔb fə bə̀ bḛ gha, à ya àghò cha amə.

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

Rm 11:36

À ya ane imbə̀ʼ icheg ne, à ya Ŋwiye tangi ighi ijìm. À ya anjìm məd ne ighi ijìm yaʼi. Ighi ijìm ya ìmbi məd. Tì ghumni aməd ane ighə̀m imɔʼ. À ya ane.

Rm 12:5

Icheg ne tì yaʼi ane ifɔti tì Kristo, ka tì jiʼi nɔʼ, mba məjìm ya isiŋi nyɔd ane nyàmnyɔd imɔʼ. Wə̀d imɔʼ imɔʼ fɔ̀tɔ tì mə̀mbin kwàʼ icheg ne isiŋi nyɔd bə fɔ̀tɔ.

Rm 16:11

Mbə̀ chaʼra Hèrodìyòn. Məd ya bə̀ Ju icheg inum. Mbə̀ bə chàʼrì bəd Kristo mbe ne yaʼi inga nəb Nàsisùs.

Rm 16:7

Mbə̀ chaʼra Àndrònikùs tì Junìyàs. Mbɔb ya mə̀Ju ne tì ya yaʼi inɔn tì inɔb inga nəb ndəŋ . Bədtɔm Kristo ya niŋ awɔb ane ijiʼi bəd. Mbɔb ya bḛ Kristo bɔŋ mo se bḛ.

Rm 4:25

À ya məd Yeso, Anɔŋisəg we ne Ŋwiye ya cha, wì ku imbə̀ʼ ìmba inug tibɔ̀ŋ. Ŋwiye ya zwemni aməd ane iwu ni ghì gha tì təm kòʼ imbìghè abə Ŋwiye.

Rm 4:6

À ya aghi ze ne Dèvid ya bə ghà imbə̀ʼ igyendi ne yaʼi inga fìŋ abə wə̀d we ne Ŋwiye nìŋi məd ane wə̀d ne təmi kòʼ ne kayi imbə̀ʼ ìfàʼì:

Rm 5:19

Icheg ne wə̀d imɔʼ ya ghi tìzughə̀ ghì bəd nɔʼ nɔʼ se ghìyə̀ inug tibɔ̀ŋ, à ya bə̀ ane ne wə̀d imɔʼ zùgrə Ŋwiye, bəd nɔʼ nɔʼ si təm kòʼ imbìghè abə Ŋwiye.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Rm 8:23

Ane, kayi məyi ighi mbe ne Ŋwiye ya tangi mbe chwèmè. Mba ina ne beri Azwighi Ŋwiye ne Ŋwiye nàʼi ina icheg ineʼi mbègtog, tì we bə̀ chwèmè. Tì ya chwèmè ane ghɔ̀mɔ̀ gha Ŋwiye ghiyə tì yaʼ bɔn məd bə̀ zèri awa chì inga ngəʼ ijìm.

Rm 8:9

Àsi mbə̰, Azwighi Ŋwiye mə yaʼ inga inən, chəyi mbə̀ koʼi ni ya ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ kòʼ ni ya ghìyə̀ yaʼ inug mbe ne Azwighi Ŋwiye ze kə̀bə̀. Wə̀d ne chəyi Azwighi Kristo yaʼi inga məd, tengàŋ kayi wə̀d Kristo.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 1:24

Àsi bəd mbe ne bḛ ikən we, à ya mbɔb ne Ŋwiye chɔ̀ʼi awɔb ane ìmbi bəd. Kə̀ àkə mə̀Ju kə̀ bəd ne kayi mə̀Ju, Ŋwiye chwi ìwi iwe fɔrɔ ìwi ika inɔb anjìm Kristo.

1 Kɔrèn 12:18

Tesiʼ ya gha, Ŋwiye ya tangi nyàmnyɔd tì isiŋi nyɔd nɔʼ nɔʼ. Isiŋi nyɔd ijìm ya igun nyàmnyɔd icheg ne Ŋwiye kə̀bi.

1 Kɔrèn 12:27

Ane, mbə̰ məjìm ya nyàmnyɔd Kristo. Wə̀d imɔʼ imɔʼ bèrì àze asiŋi inga nyàmnyɔd Kristo.

1 Kɔrèn 12:8

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ.

1 Kɔrèn 4:15

Ka mbə bèrì bəd chuʼ ìghum ne chwìte inug imbə̀ʼ Kristo inən, tesiʼ ya gha, chəyi mbə̀ beri mə̀mbaʼ nɔʼ nɔʼ. Icheg ne mə̀ ya gha ikən chɔm inən, mo ya ìwən mbaʼ icheg ne tì yaʼi ane ifɔti tì Yeso Kristo.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

2 Kɔrèn 12:2

Mə kyèri wə̀d mɔ̀ʼɔ ne yaʼi wə̀d Kristo. Ŋwiye ya ghì wì kɔʼ ghò nyi inga àbɔ̀ŋɔ ze ne pè ane itad. Kə̀ wì ya ghò nyi ane nyàmnyɔd kə̀ kayi ane nyàmnyɔd, chəyi mə̀ kyeri. Tèchɔ̀ŋ ya fə si tituʼ ìghum chɔ̀b ikwe ne anug azo̰ ya du.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Gàlesìyà 1:4

Anɔŋisəg Yeso Kristo ya fə nàʼ ìwi nyɔd ane aghi àfàtì imbə̀ʼ ìmba inug tibɔ̀ŋ. Wì ya ghì ane ni chì awa inga nyùmə̀ isəg inug tibɔ̀ŋ gho̰. Wì ya ghì ane icheg ne Ŋwiye ne yaʼi ìwa Mbaʼ kə̀bi.

Gàlesìyà 3:13

Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”

Efesùs 1:10

Wì ya chuʼri inug mbe nɔ̀ŋì ni ghì gha ane nyumə̀ kòʼi, Kristo biri yaʼ atog igun ighi ijìm ne Ŋwiye tàngi, kə̀ àkə ighi ne yaʼi ikaŋ àbɔ̀ŋɔ kə̀ ighi ne yaʼi igun isəg.

Efesùs 1:14

Azwighi Ŋwiye ze ya aneni ze ne chwìye gha tì biri jəg ighi mbe ne Ŋwiye kàʼi abə ìmbi bəd. Ane, tè kyèri gha Ŋwiye fə ghì bəd mbe ne yaʼi ìmbi məd mbi pum. Tè ghumni Ŋwiye.

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Efesùs 4:30

Imbə̀ʼ mbə̰ ghiyə awən gha Azwighi Ŋwiye ya sɔ̀mnɔ̀ imbə̀ʼ icheg ne Azwighi ze ya aneni ne chwìye gha à ya Ŋwiye beri awən. À ya Azwighi Ŋwiye ze bə̀ chwìye gha aneg ze yèʼe ne Ŋwiye biri zeri ìmbi bəd.

Efesùs 5:26

Wì ya ghì ane ni sò awɔb gha mbe zen, bə̀ sò awɔb ane Ìngam Ŋwiye icheg ne mbe sò wə̀d ane mənib.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

Kòlosè 1:14

À ya Ŋwan məd we ghi Ŋwiye zèri awa chì inga ngəʼ icheg ne wì waʼi ìmba inug tibɔ̀ŋ.

Kòlosè 3:16

Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 9:12

Ane, chəyi Yeso ya nyi inga asiŋi ne zḛ mànì inga mbàn Ŋwiye tì anəm gwi fɔrɔ anəm pɔ̀ŋ. Wì ya tùtì yaʼ àzi tì anəm ni zeri bəd məjìm ane ighə̀m imɔʼ.

Jems 1:5

Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

1 Jɔn 5:6

Anyumə̀ ne Yeso Kristo ya yeʼe, wì ya chwi gha zìye ya Ŋwan Ŋwiye icheg ne wì ya niŋi mənib fɔrɔ icheg ne wì ya chəmni anəm igun azed abaʼri. Chəyi wì ya niŋi məyi mənib. Wì ya niŋ mənib bə̀ chə̀mni anəm. Azwighi Ŋwiye zìye ze bḛ gha anug azo̰ ya tesiʼ imbə̀ʼ icheg ne Azwighi Ŋwiye ya ghà tesiʼ.

Ɨnû 14:4

Bəd mbo̰ ya bəd mbe ne nɔŋi ìtɔb nyàmnyɔd ti zḛ icheg ne chəyi mbi ya nɔ̀ki mə̀yi abu abu. Bəd mbo̰ ya yaʼ fɔ̀d mbaŋà. Mbi yaya bène abɔ̀ʼ Ŋwan njə̀g isiŋi ijìm mbe ne wì yaya ghò. Mbi fə zeri awɔb inga àbùʼì bəd ze igun isəg, ane nàʼ abə Ŋwiye fɔrɔ abə Ŋwan njə̀g icheg ighi mbègtog ne mbi foʼi a mben.

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.