1 Kɔrèn 1:27 - Ikan feg

²⁷ Si ya gha, Ŋwiye ya chɔʼ bəd mbe ne bəd igun isəg mbe nḛ̀ gha chəyi mbi beri iwe, ni ghì gha bəd mbe ne kɔ̀ndɔ gha mbɔb bèrì iwe, mbi si bèrì tìnìrètog. Ŋwiye ya bə̀ chɔʼ bəd mbe ne bəd igun isəg mbe nḛ̀ gha à ya ighi ako, ni ghì gha bəd mbe ne kɔ̀ndɔ gha mbɔb ya aghi mɔ̀ʼɔ, mbi si bèrì tìnìrètog.

Meta’

²⁷ Àyɨə Ŋwìə̀ nyaʼa chɔʼ bə̂d mbe rɨŋga ɨsɨg nɨ bə̂d ə kɔndɨ ni mbɨ yɨ ɨneŋ, ɨmbə̀ʼ naʼ tɨ̀nìd ətu əmbɨ mbe nɨ kɔndɨ ni mbə berɨ ɨwe. Ŋwìə̀ nyaʼa chɔʼ ɨghɨ mbe rɨŋga ɨsɨg nɨ bə̂d ə kɔndɨ ni à yɨ ɨghɨ nɨ bɔrɨ, ɨmbə̀ʼ naʼ tɨ̀nìd ətu əmbɨ mbe nɨ kɔndɨ ni mbə berɨ ɨka.

1 Kɔrèn 1:27 ပူးပေါင်းရင်းမြစ်များ

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 21:16

Ane, mbɔb ya biri ibo gha, “Imbə̀ʼ àghò we zùghə inug mbo̰ ne bɔn kwa mbo̰ mbe ghà?” Yeso ya ywìtì inɔb gha, “E! Mə we zùghə. Chəyi mbə̀ kiri fɔŋi inga Àŋwàʼrì Ŋwiye gha, ‹Àghò fə də̰̀ bɔn kwa bə̀ də̰̀ bɔn bɔd gha mbe ghumni awe?›”

Matìyò 9:9

Icheg ne Yeso ya nɔ̀ʼi asiŋi ze, wì yaya ghò nyì bàd wə̀d mɔ̀ʼɔ ne ikum məd ya Matìyò. Wì ya yaʼ ichughi asiŋi àfàʼì məd ne we nìŋə tag. Yeso ya ghà ibo gha, “Àghò beni abɔ̀ʼ inum.” Matìyò ya bə̀ nɔ̀ʼ bèni ibo anjìm.

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 7:35

Aŋa ya Muse we ne mbi ya to̰ awɔb məd, bìri ibo gha, ‹Àkə we chɔʼi awe ane wə̀d ne sàʼa awa?› Ŋwiye ya tɔm aməd gha wì yaʼ wə̀d ne sàʼa mə̀Izre, bə̀ yaʼ wə̀d ne Ŋwiye nìŋi ni chì awɔb inga ngəʼ anjìm angirə̀ we ne ya du ibo inga ajuŋi agyen ze.

Ɨ̀fàʼì 7:54

Anyumə̀ ne bəd mbe ne sàʼa aben ya zughi inug mbe ne Stifə̀n yaya ghà, mbi ya taŋ gaŋ se kùrə asɔŋ imbə̀ʼ aməd.

1 Kɔrèn 1:20

Ane, bəd mbe ne ghà gha mbɔb bèrì iwe, tì bəd mbe ne ghà gha mbɔb kyèri àŋwàʼrì kə̀ mbɔb kyèri icheg ni tàŋì anug, chəyi mbɔb ywirì bèrì ati? Ŋwiye fə chwi gha iwe we ne bəd mbe ne yaʼi inga nyùmə̀ isəg gho̰ mbe ghà gha mbɔb bèrì ya kwàʼ iwe anen.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 2:12

Amad anìŋ, Azwighi ze ne tì beri ze nɔ̀ʼ yaʼ abə Ŋwiye kayi inga isəg. À ya Azwighi ze ze wètè awa gha tè kyeri tineʼi te ne Ŋwiye fə nàʼi ina.

2 Kɔrèn 10:10

imbə̀ʼ icheg ne bəd mɔ̀ʼɔ mbe ghà gha, “Ìŋwàʼrì məd ya kà ako bə̀ tɔ. Si ya gha, anyumə̀ ne wì yaʼi abɔ̀ʼ ina, wì ya bɔ̀rɔ, chəyi ìngam məd we bə̀ gwìyè mənib.”

2 Kɔrèn 4:7

Si ya gha, tè bèrì ighi àka inun mbo̰ inga ìta nyàmnyɔd ne yaʼi icheg mbè akwiye ìseg. Àzo̰ chwi gha ika kyen gho̰ ya nɔ̀ʼɔ̀ abə Ŋwiye kayi ina.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.