1 Kɔrèn 1:26 - Ikan feg

²⁶ Ìmbum məfi fɔrɔ ìtum njàbi, mbə̀ kɔndi icheg ne mbə̀ ya bi yaʼ anyumə̀ ne Ŋwiye ya kàri awən ane ìmbi bəd. Chəyi bəd nɔʼ nɔʼ abɔ̀ʼ inən ya bi bèrì iwe icheg ne bəd inga isəg mbe nḛ̀ bəd iwe. Chəyi bəd nɔʼ nɔʼ abɔ̀ʼ inən ya bə̀ yaʼ bəd kyen kyen inga aben. Chəyi mbi ya bə gwi bəd nɔʼ nɔʼ abɔ̀ʼ inən inga inəbi ne beri ikum kyen.

Meta’

²⁶ Bɔŋgɔb, mbə̀ kɔndɨ ɨchî nɨ mbə nyaʼa ənɨ ə nyùmə̀ we nɨ Ŋwìə̀ nyaʼa tɔŋ əwən ni mbə̀ yeʼ mbi bə̂d. Chəi mbə̀n mɨ̀nɔnɔʼ nyaʼa berɨ ɨwe ɨchî nɨ bə̂d rɨŋga ɨsɨg ə nèŋ bə̂d ɨwe. Chəi mbə̀n mɨ̀nɔnɔʼ nyaʼa berɨ mbɨ̀rɨmbin kyeŋ ɨŋga əbeŋ. Chəi mbə̀n mɨ̀nɔnɔʼ nyaʼa berɨ mbɔ̂n.

1 Kɔrèn 1:26 ပူးပေါင်းရင်းမြစ်များ

Lk 1:3

Wə̀d kyen Tìyofilùs, icheg ne mə fə nwḛ inug mbo̰ ijìm kwàʼ igun ibɔʼì, nɔ̀ʼ ane mbi ya ko ko, mə bə̀ kɔ̀ndi gha mə ŋwaʼra ine kwàʼ icheg ne mbi ya du.

Lk 10:21

Anyumə̀ we, Azwighi Ŋwiye ya ghì igyendi sweg inga fìŋ abə Yeso. Wì si gha, “Ìmə Mbaʼ, Anɔŋisəg ne beri ikaŋ fɔrɔ ìseg. Mə nàʼ məyakà ine imbə̀ʼ icheg ne àghò nə̀m inug mbo̰ abə bəd ne kɔ̀ndɔ gha mbɔb bèrì iwe bə̀ kyèri inug, si chwi abə bəd ne chəyi mbi kyeri. E! Ìmə Mbaʼ, à ya icheg ne àghò kə̀bi gha ze yaʼ.

Ɨ̀fàʼì 13:12

Anyumə̀ ne Sègìyos Pòlos ya bàri anug ne ya du, wì ya bḛ Ìngam Ŋwiye imbə̀ʼ icheg ne inug mbe ne mbi yaya chwìte imbə̀ʼ Anɔŋisəg Yeso ya chè aməd.

Ɨ̀fàʼì 13:7

Bà-Yeso we yaya kà yàʼa yi tì Sègìyos Pòlos ne ya yaʼi Gɔbnà a Pafòs. Sègìyos Pòlos we yaya kwàʼ wə̀d iwe. Wì ya kàrì Bànabàs tì Sɔl gha mbe yeʼe abɔ̀ʼ məd imbə̀ʼ icheg ne wì yaya kə̀bə̀ gha mbe ghama Ìngam Ŋwiye ibo.

Ɨ̀fàʼì 17:34

Bəd mɔ̀ʼɔ abɔ̀ʼ bəd mbe ya bḛ Kristo. Wə̀d mɔ̀ʼɔ abɔ̀ʼ bəd mbo̰ yaya Dìyònisùs ne ya yaʼi wə̀d inga ifeti Àrìyopagùs. Àyi mɔ̀ʼɔ ne ikum məd ya Dàmàris fɔrɔ bəd ndəŋ ya bə̀ bḛ Kristo.

Rm 11:29

À ya ane imbə̀ʼ icheg ne Ŋwiye fə mə̀ chɔʼ wə̀d mɔ̀ʼɔ ane ìwi, fə bə̀ ghì ìchɔ̀mì abə tengàŋ, chəyi məd Ŋwiye we ywìrè kɔ̀pɔ ìzi fìŋ ka.

1 Kɔrèn 1:20

Ane, bəd mbe ne ghà gha mbɔb bèrì iwe, tì bəd mbe ne ghà gha mbɔb kyèri àŋwàʼrì kə̀ mbɔb kyèri icheg ni tàŋì anug, chəyi mbɔb ywirì bèrì ati? Ŋwiye fə chwi gha iwe we ne bəd mbe ne yaʼi inga nyùmə̀ isəg gho̰ mbe ghà gha mbɔb bèrì ya kwàʼ iwe anen.

1 Kɔrèn 2:13

Chəyi te ghàmà inug mbo̰ ane tìngam ne beri iwe wə̀d-aku. Tì ya ghàmà yaʼ tìngam tesiʼ ne Azwighi Ŋwiye chwiti ina. Tì ya tòʼrò tìngam te abə bəd mbe ne Azwighi Ŋwiye yaʼi inga inɔb.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

Fìlipì 4:22

Bəd Ŋwiye məjìm aŋa mbe chàʼrà awən. Bəd mbe inga ìtɔʼ Kayisà mbe bə̀ taŋ chàʼrà awən.

Jems 2:5

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ zweri! Ŋwiye ya chɔʼ bəd ne chəyi àzɔb inga isəg ni gha mbɔb si yaʼ bəd ikab icheg ne mbi bḛ Yeso Kristo. Ane, mbɔb biri jəg anug ìfɔ̀n ze ne Ŋwiye ya kàʼi abə bəd mbe ne kɔŋi aməd.

2 Jɔn 1:1

À ya mo Jɔn, ne yaʼi atog wə̀d igun ifeti bəd Kristo ŋwàʼri àŋwàʼrì azo̰. Mə ya ŋwàʼrà anìŋ ine àghò àyi kyen we ne Ŋwiye ya chɔʼi fɔrɔ abə ìmbe bɔn. Mə taŋ kɔ̀ŋ awən kwàʼ tesiʼ. Kayi məyi mo kɔ̀ŋi awən. Bəd məjìm ne kyeri tesiʼ imbə̀ʼ Ŋwiye bə̀ kɔ̀ŋ awən.