1 Kɔrèn 1:23 - Ikan feg

²³ Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

Meta’

²³ àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

1 Kɔrèn 1:23 ပူးပေါင်းရင်းမြစ်များ

Matìyò 11:6

Ŋwiye zì àbɔrɔ̀bɔd igun wə̀d ne chəyi we jə̀mə̀ amə.”

Matìyò 13:57

Mbi ya ghàm ane gaŋ, to̰ awɔb ni bḛ aməd. Si ya gha, Yeso ya ghà inɔb gha, “Bəd ya bḛ wə̀dkə̀n Ŋwiye inga isiŋi ijìm chèyi ibo inga aben fɔrɔ ibo inga achan.”

Lk 2:34

Simìyòn ya zì àbɔrɔ̀bɔd igun inɔb, si ghà abə Mèri, ngɔb ŋwan gha, “Ŋwan gho̰ ya Ŋwiye chɔ̀ʼi ni ghì gha bəd ndan ndàn biri gùg. Wì biri bə nɔ̀rì bəd ndan ndàn inga Izre. Məd ya aneni ne nɔʼi abə Ŋwiye ne bəd ndan ndàn biri chàpì aməd.

1 Kɔrèn 1:18

Ikən imbə̀ʼ icheg ne Yeso Kristo ya ku igun azed abaʼri ya anug anen abə bəd mbe ne nìme. Àsi ina, mba mbe ne pùmə, tì niŋ gha à ya anug ne chwìye ika Ŋwiye.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 1:28

Ŋwiye ya chɔʼ bəd mbe ne bəd igun isəg mbe wèghè bə̀ nìŋə gha à ya ighi ako, ni swi bəd mbe ne bəd igun isəg mbe nìŋə gha à ya bəd kyen kyen.

1 Kɔrèn 2:14

Wə̀d ne chəyi Azwighi Ŋwiye yaʼi inga məd, chəyi we bḛ inug mbe ne Azwighi Ŋwiye ze chwìte. Aton ya gha tiku inug te ya inug anen abə tengàŋ. Chəyi atog məd biri nɔ̀ʼ zen imbə̀ʼ inug mbe. À ya məyi Azwighi Ŋwiye ze ghìyə̀ gha itog zen abə bəd imbə̀ʼ tiku inug ìto̰.

1 Kɔrèn 2:2

Aton ya gha, anyumə̀ ne mə̀ ya yaʼi abɔ̀ʼ inən, mə ya nɔ̀ŋì inum inga fìŋ gha, chəyi mə̀ biri gha anug ndəŋ chèyi ane anug imbə̀ʼ Yeso Kristo fɔrɔ anug imbə̀ʼ icheg ne mbi ya kɔ̀mbì aməd igun azed abaʼri wì ku.

1 Kɔrèn 4:10

Mba ya inen imbə̀ʼ icheg ne tì yaʼi bəd àfàʼì Kristo. Àsi awən, mbə̰ ya bəd iwe imbə̀ʼ icheg ne mbə̀ yaʼi ane ifɔti tì Kristo. Tè bɔd, mbə̰ si kà. Bəd mbe wèghè awa se ghùmnə awən.

2 Kɔrèn 4:5

Chəyi tì ya chètè inug imbə̀ʼ ìwa nyɔd. Tì ya chètè yaʼ gha Yeso Kristo ya Anɔŋisəg, mba ya bəd àfàʼì inən imbə̀ʼ Yeso.

Gàlesìyà 3:1

Mə ya anìŋ ghà inən gha, mbə̰ məGàlesìyà ya kwàʼ inen. Wə̀d ne nùʼi awən àkə we? Mbi ya tòʼrì inən ze dù zen gha Yeso Kristo ya mbi ya kɔ̀mbi igun azed abaʼri!

Gàlesìyà 5:11

Ìmbum məfi fɔrɔ ìtum njàbi, mə mə̀ ya kiri gha gha mbe ŋwed bəd, nji aton ne mbe kiri chɔʼɔ̀ ìmbum ibɔʼì ighog àkə gha? Mə mə̀ ya ghà ane, nji chəyi anug ze ne mə ghà imbə̀ʼ icheg ne Kristo ya ku igun azed abaʼri ze ywìrì bèrì aton.

Gàlesìyà 6:14

Àsi mo, chəyi anug mɔ̀ʼɔ ne mə̀ biri nɔʼ kɔ̀m igo igun chèyi ane anug ze ne iwu Anɔŋisəg Yeso Kristo igun azed abaʼri ya ghi. Icheg ne Yeso Kristo ya ku igun azed abaʼri, chəyi ighi inga isəg beri aghi mɔ̀ʼɔ ni ghì tì inum. Chəyi mə̀ bə bèrì aghi mɔ̀ʼɔ ni ghì tì ighi inga isəg.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.