1 Kɔrèn 1:20 - Ikan feg

²⁰ Ane, bəd mbe ne ghà gha mbɔb bèrì iwe, tì bəd mbe ne ghà gha mbɔb kyèri àŋwàʼrì kə̀ mbɔb kyèri icheg ni tàŋì anug, chəyi mbɔb ywirì bèrì ati? Ŋwiye fə chwi gha iwe we ne bəd mbe ne yaʼi inga nyùmə̀ isəg gho̰ mbe ghà gha mbɔb bèrì ya kwàʼ iwe anen.

Meta’

²⁰ Zɨə nɨə yeʼ əne, njɨ əzɔ̂ ə nùŋ wə̀d we nɨ kɔndɨ ni tə berɨ ɨwe ə yi, nùŋ wə̀d we nɨə chwi rɨ̀kə̌ ə yi, bə̀ nùŋ wə̀d we nɨə tàŋ ɨnû ənɨ ə nyùmə̀ wɔ̂ ə yi? Ɨmbə̀ʼ Ŋwìə̀ fə ghɨ̀ ni ɨwe bə̂d rɨŋga ɨsɨg beŋ ənɨ ənû əneŋ ə?

1 Kɔrèn 1:20 ပူးပေါင်းရင်းမြစ်များ

Matìyò 13:22

Fitam fe ne fendi inga agyen njəŋ ya mə̀tə̀ imbə̀ʼ wə̀d ne zùghə Ìngam Ŋwiye bə̀ bḛ, si ya gha, tikɔndi imbə̀ʼ ighi igun isəg fɔrɔ ikuchèg ne ighi igun isəg ya tàmba bəd biri nimni ìngam we. Wì biri si ku witì wì ko titam.

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Rm 1:20

Nɔ̀ʼ ane nyumə̀ ne Ŋwiye ya tangi isəg, məd Ŋwiye fə ghì inug nɔʼ nɔʼ ni chwi abə bəd gha zìye Ŋwiye we angu. Ineni inug nɔʼ nɔʼ mbe bə̀ angu kwàʼ asaŋ inga ighi mbe ne Ŋwiye tàngi ne chwìye inug imbə̀ʼ aməd we ne chəyi te bàrà. Inug mbe ya; ikuchèg məd icheg Ŋwiye fɔrɔ ika məd ne yaʼi ane ighə̀m imɔʼ. Ane, chəyi wə̀d mɔ̀ʼɔ ne tì we gha chəyi zìye kyeri Ŋwiye tesiʼ.

Rm 1:22

Mbɔb ya kɔ̀ndɔ gha mbɔb bèrì iwe, nda mbɔb ya kwàʼ inen.

1 Kɔrèn 1:19

Mbe ŋwàʼrì inga Àŋwàʼrì Ŋwiye gha, “Mə biri chìkì tikɔndi bəd mɔ̀ʼɔ mbe ne kɔ̀ndɔ gha mbɔb fə bèrì iwe. Mə biri chwi abə bəd mbe ne kɔ̀ndɔ gha mbɔb kyèri anug gha chəyi mbɔb kyeri anug mɔ̀ʼɔ ka.”

1 Kɔrèn 1:26

Ìmbum məfi fɔrɔ ìtum njàbi, mbə̀ kɔndi icheg ne mbə̀ ya bi yaʼ anyumə̀ ne Ŋwiye ya kàri awən ane ìmbi bəd. Chəyi bəd nɔʼ nɔʼ abɔ̀ʼ inən ya bi bèrì iwe icheg ne bəd inga isəg mbe nḛ̀ bəd iwe. Chəyi bəd nɔʼ nɔʼ abɔ̀ʼ inən ya bə̀ yaʼ bəd kyen kyen inga aben. Chəyi mbi ya bə gwi bəd nɔʼ nɔʼ abɔ̀ʼ inən inga inəbi ne beri ikum kyen.

1 Kɔrèn 1:27

Si ya gha, Ŋwiye ya chɔʼ bəd mbe ne bəd igun isəg mbe nḛ̀ gha chəyi mbi beri iwe, ni ghì gha bəd mbe ne kɔ̀ndɔ gha mbɔb bèrì iwe, mbi si bèrì tìnìrètog. Ŋwiye ya bə̀ chɔʼ bəd mbe ne bəd igun isəg mbe nḛ̀ gha à ya ighi ako, ni ghì gha bəd mbe ne kɔ̀ndɔ gha mbɔb ya aghi mɔ̀ʼɔ, mbi si bèrì tìnìrètog.

1 Kɔrèn 1:28

Ŋwiye ya chɔʼ bəd mbe ne bəd igun isəg mbe wèghè bə̀ nìŋə gha à ya ighi ako, ni swi bəd mbe ne bəd igun isəg mbe nìŋə gha à ya bəd kyen kyen.

1 Kɔrèn 11:32

Anyumə̀ ne Anɔŋisəg we sàʼa awa kə̀ bə̀ chə awa, à ya ni ghì gha tì təm kà, ni gha chəyi məd biri zì isaʼi igun ina anyumə̀ ne wì biri saʼ bəd məjìm igun isəg.

1 Kɔrèn 2:6

Anyumə̀ ne tì yaʼi tì bəd ne fə təmi kà inga anug Kristo, tì ya ghàmà ane iwe. Si ya gha, ìwa iwe kayi iwe ne bəd inga isəg beri, kə̀ ne itog bəd ne sàʼa isəg gho̰ beri, ne ìwɔb ìfɔ̀n biri mèg.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

1 Kɔrèn 3:18

Imbə̀ʼ wə̀d tàmba yi ìwi nyɔd. Wə̀d mɔ̀ʼɔ abɔ̀ʼ inən mə kɔ̀ndi gha zìye bèrì iwe icheg ne bəd igun isəg mbe nḛ̀ bəd iwe, wì beri ni bə̀ŋə̀ si yaʼ icheg anen imbə̀ʼ bèrì iwe tesiʼ.

1 Kɔrèn 3:19

Aton ya gha, inug mbe ne bəd igun isəg gho̰ mbe kɔ̀ndɔ gha à ya iwe, Ŋwiye we bàrà gha à ya inug anen. Mbe ŋwàʼrì inga Àŋwàʼrì Ŋwiye gha, “Ŋwiye we gwìyè bəd mbe ne kɔ̀ndɔ gha mbɔb bèrì iwe bə̀ məyi ane ìwɔb iwe.”

1 Kɔrèn 6:2

Chəyi mbə̀ kyeri gha à ya bəd Kristo biri saʼ tisaʼi bəd inga isəg? Ane, icheg ne mbə̀ biri ghum saʼ bəd inga isəg, àkə chəyi tì mbə̰ saʼ tisaʼi kwa kwa ne dùwə̀ inga ìtən tifeti?

Jems 4:4

Mbə̰ ya icheg mə̀yi nami ne kiri nɔ̀kɔ̀ mbaŋà ndəŋ. Àkə chəyi mbə̀ kyeri gha, wə̀d ne jə̀ghə àsə̀ʼ tì isəg ya wə̀d ìpàb Ŋwiye? Mbə̀ kyeri gha, wə̀d ne kɔ̀ŋɔ̀ anug ni jəg àsə̀ʼ tì isəg ya wə̀d ìpàb Ŋwiye.