1 Kɔrèn 1:10 - Ikan feg

¹⁰ Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

Meta’

¹⁰ Mbɨ bɔŋgɔb, mə wɨə buʼ ɨbɔ ɨ nən ənɨ ɨkum a Ə̀nùŋɨ̀sɨg Yeso Kristo ni mbə̀n mɨjìm chub ənɨ ənû ə mɔʼ, mbɨ ni tɨ ə̀ghàbrɨ̀ ə nyɨ i əkaʼ nən, àyɨə mbə̀ nuŋ tə fîŋ ənɨ zɨ mɔʼ bə̀ nùŋ tə rɨkɔndɨ ənɨ wɨ mɔʼ.

1 Kɔrèn 1:10 ပူးပေါင်းရင်းမြစ်များ

Matìyò 9:16

Chəyi wə̀d mɔ̀ʼɔ ne kweʼè nìŋə aba ane ndwi feg bànda igun ndwi anun. Mbi mə̀ ghì ane, nji ze biri ghì ndwi ze taŋ sètè.

Mk 2:21

“Chəyi wə̀d we bànda asiŋi ndwi feg igun ndwi anun. Wì mə ghì ane, nji asiŋi ndwi feg ze biri sètì ndwi anun ze, ghì ibighi we ywìrì taŋ faŋ.

Mk 3:24

Àmə chəyi bəd inga aben afibì yaʼi ane ichug ifibì chəyi aben ze biri təm kà.

Jn 10:19

Àghàpì ya nyi inga mə̀Ju mbe ne ya zughi inug mbe ne Yeso yaya ghà.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 7:43

Ane, inɔ̰ bəd we ya ghàpà. Bəd mɔ̀ʼɔ yaya ghàmà inug chɔm imbə̀ʼ aməd, mə̀mbin se ghàmà inug tibɔ̀ŋ.

Jn 9:16

Mə̀Farìsi mɔ̀ʼɔ ya gha, “Wə̀d we ne ghu wə̀d gho̰, kayi Ŋwiye cha imbə̀ʼ icheg ne, chəyi wì ya nɔ̀ŋɔ̀ aneg Àzwètì.” Si ya gha, mə̀mbin ya biri gha, “Wə̀d inug tibɔ̀ŋ kə ghìyə̀ iyeti inug icheg mbo̰ iye? Àghàpì ya nyi inga inɔb icheg ne mbi yaya tàŋà inug ane.”

Ɨ̀fàʼì 4:32

Bəd məjìm mbe ne ya bḛ Yeso ya bèrì fìŋ imɔʼ bə̀ nɔ̀ŋì ìwɔb ikɔndi igun anug amɔʼ. Chəyi wə̀d mɔ̀ʼɔ ne yaya tàŋà ighi mɔ̀ʼɔ ane ìmbi. Mbɔb məjìm yaya ghàpà ighi ijìm mbe ne mbɔb ya bèri.

Rm 1:13

Ìmbum məfi fɔrɔ ìtum njàbi ne tì yaʼi ane ifɔti tì Kristo, mə kə̀b gha mbə̀ kyeri gha, mə̀ ya chuʼri nyɔd aghəm nɔʼ nɔʼ ni yeʼe bàd awən ni ghì gha bəd mɔ̀ʼɔ bḛ Yeso icheg ne mə̀ ya bə̀ ghì abə mbin tì bəd ne kayi mə̀Ju. Si ya gha, inug mɔ̀ʼɔ ya təmni amə.

Rm 12:1

Ìmbum məfi fɔrɔ ìtum njàbi, mə̀ ya anìŋ nə̀rə awən gha, icheg ne Ŋwiye chwi àsɔ̀mnəfiŋ igun ina, mbə̀ naʼa ìtən nyàmnyɔd abə Ŋwiye icheg aghi àfàtì ìzḛzḛ ne kiri biri izɔm ne Ŋwiye biri kɔ̀ŋ. À ya ikuchèg ne bɔŋi ni ghumni Ŋwiye ya iwe.

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

Rm 15:30

Ìmbum məfi fɔrɔ ìtum njàbi, mə̀ ya bòʼo ibo inən ane ikum ìwa Anɔŋisəg Yeso Kristo fɔrɔ anjìm àkɔ̀ŋì ze ne Azwighi Ŋwiye ghi tì beri gha mbə̀ fɔti ichug abɔ̀ʼ inum taŋ chàʼra Ŋwiye inum.

Rm 16:17

Ìmbum məfi tì tum njàbi, mə we nə̀ri awən gha, mbə̀ we awən tì bəd mbe ne ghìyə̀ gha bəd Kristo ghapa bə̀ ghìyə̀ gha mbe febe inɔnjì. Mbi ya ghìyə̀ ane icheg ne mbi to̰ awɔb inug mbe ne mbə̀ ya fə nani. Imbə̀ʼ mbə̰ si jəgri awən tì inɔb

1 Kɔrèn 1:11

Ìmbum məfi fɔrɔ ìtum njàbi, mə ya ghàmà anìŋ imbə̀ʼ icheg ne bəd mɔ̀ʼɔ inga nəb Kluwè fə ghà inum gha, mbə̰ mbe chɔ̀bɔ.

1 Kɔrèn 11:18

Anug mbègtog ya gha, mə fə zug gha, mbə̰ ya mə̀ fète aseg icheg bəd Kristo, àghàpì ze yàʼa inga inən. Mə we tì mə bḛ gha à ya anug tesiʼ.

1 Kɔrèn 12:25

Ŋwiye ya ghì ane ni gha isiŋi nyɔd imɔʼ imɔʼ ya kyèʼrè mbin, ni ghì gha imbə̀ʼ àghàpì yaʼ yi inga nyàmnyɔd.

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

1 Kɔrèn 4:16

Ane, mə we bòʼo ibo inən gha mbə̀ yḛ igun ìmbum ibɔʼì ighog.

2 Kɔrèn 10:1

Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

2 Kɔrèn 13:9

Tì we gyènde anyumə̀ ne tì bɔri, mbə̰ si təm kà ane ibḛfiŋ. Ìwa ichàʼri Ŋwiye inən ya gha mbə̀ təm zen mànì.

2 Kɔrèn 5:20

Mba ya bəd ne təmi ane ikum Kristo. À ya icheg ni gha Ŋwiye we chè anjìm ina bòʼo ibo abə bəd. Ane tì we bòʼo ibo inən ane ikum Kristo gha mbə̀ mànì achɔb tì Ŋwiye.

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

Gàlesìyà 4:12

Ìmbum məfi fɔrɔ ìtum njàbi, mə we bòʼo ibo inən gha mbə̀ nɔŋɔ ibḛfiŋ igun Kristo icheg inum imbə̀ʼ icheg ne Ŋwiye ya chì amə ane mə̀nɔ̀ʼɔ̀ ghì mə yaʼ icheg inən. Anyumə̀ we, chəyi mbə̀ ya gùghi anug mɔ̀ʼɔ inum.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 3:16

Anug kyen ne tì koʼi ni ghì ya ni nyimi yaʼ inug mbe ne tì fə nani.

1 Tèsàlonikà 5:13

Mbə̀ taŋ ghùmni awɔb bə̀ chwi inɔb gha mbə̰ kɔ̀ŋ awɔb imbə̀ʼ àfàʼì ze ne mbɔb mbe fàʼà inən. Mbə̀ chughi ane àbɔrɔ̀bɔd tì mə̀mbin.

2 Tès 2:1

Ìmbum məfi fɔrɔ ìtum njàbi, tì kə̀b ni ghàm inən imbə̀ʼ icheg ne Anɔŋisəg Yeso Kristo biri ywiri yeʼe fɔrɔ icheg ne tì biri fete, ghò abɔ̀ʼ məd. Tì we bòʼo ibo inən gha;

1 Timotì 5:21

Mə ya anìŋ ghà ine imbìghè abə Ŋwiye tì imbìghè abə Yeso Kristo fɔrɔ imbìghè abə mbè angirə̀ mbe ne Ŋwiye chɔ̀ʼi gha, àghò nɔŋɔ tikə ìto̰ ne mə̀ nàʼi ine witì ghì ighə, kə̀ ni chwi gha àghò kɔ̀ŋ wə̀d mɔ̀ʼɔ icha chè ìywin.

2 Timotì 4:1

Timotì, mə̀ ya anìŋ ghàmà ine imbìghè abə Ŋwiye fɔrɔ imbìghè abə Yeso Kristo ne biri ghum saʼ bəd mbe ne yaʼi izɔm fɔrɔ bəd mbe ne fə ku. Icheg ne wì biri yeʼe ni tùmbì isəg mə ya anìŋ ghà ine gha:

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.