Yohana 9:39 - Ala Ya Salatikan Kula Kitabu

³⁹ Isa do vɛɛ: «Ǹ nanin dunuɲa kititɛɛko le lɔ, fɔsa ɲagbɛlu ɲa la yi ka ani yenikɛbalu ɲa yi gbɛ.»

Yohana 9:39 ပူးပေါင်းရင်းမြစ်များ

Matiyu 11:5

Ɲagbɛlu ɲa la vɛ ka, namalanilu vɛ taama kobɛn, kunatɔlu la vɛ sɛnɛya, tologbɛlɛnnu tolo la vɛ ka, fulenilu la vɛ wuli ka bɔ saya lɔ, ani Samakan Kein la vɛ se fandannilu ma.

Matiyu 15:14

Ài yi Falisilu to je. Ai yi ɲagbɛ ɲabilalu le le. Ni ɲagbɛ ka kɛ a ɲagbɛ ɲɔɔ ɲabila le, ai mɔɔ fila yi benne diɲa lɔ.»

Matiyu 6:23

Ni do i ɲaden kɛnɛyanin tɛ, i falikolo fan bɛ kɛtɔ divi le lɔ. Wo lɔ, kɛnɛya min ka kan ka sɔlɔn i lɔ, ni kɛnɛya wo vɛ kɛla divi le, divi wo fintɔle mainmain!»

Luka 1:79

fɔsa mɔɔ minu siinin divi lɔ saya duulen kɔlɔ, kɛnɛya yi bɔ wolu yɛ, ani mɔ sen yi bila josolajii siya kɔkan.»

Luka 13:30

Kɛɛ ài y'a lɔn ko bi ɲafɛmɔɔ dɔlu kɛtɔ kɔfɛmɔɔ le le, ani kɔfɛmɔɔ dɔlu kɛtɔ ɲafɛmɔɔ le le.»

Luka 2:34

Wo kɔ, Simiyɔn ka duwawu kɛ ai yɛ, ani k'a fɔ Isa ba Mɔyamu yɛ, a vɛɛ: «A latɛɛnin ko den min kɛtɔ mɔɔ siyama ya halaki ni ai kisiko sabu le le Isilan jamana lɔ, ani a kɛtɔ tɔɔmase le le, mɔɔ siyama kɛtɔ min sɔsɔla,

Luka 4:18

«Mɔ Tii Nii Sɛnɛyanin yi ǹ kɔkan, kamasɔlɔn a na ǹ tala Samakan Kein lasenko lɔ fandannilu ma. A do na ǹ kelayala ko ǹ'a fɔ kasodennu yɛ ko ai la vɛ bila, k'a fɔ ɲagbɛlu yɛ ko ai ɲa la vɛ ka, k'a fɔ mɔɔ tɔlɔninnu yɛ ko ai la vɛ fɛlɛ ka bɔ ai tɔlɔyabalu bolo,

Luka 7:21

Wo waate kelen nɔ, Isa ka mɔɔ siyama lakɛnɛya k'ai bɔ aiya jangalolu ni aiya tɔlɔyalu lɔ, ka jinajuulu gbɛn k'ai bɔ mɔɔlu lɔ, ani ka ɲagbɛ siyama ɲa laka.

Yohana 12:31

Tandainɔ yi ne, dunuɲa kititɛɛ waate vɛ se, ado dunuɲa kuntii gbɛntɔle butu.

Yohana 12:46

Ǹ nanin dunuɲa iwo kɛnɛya, fɔsa m̀ malimaniyamɔɔlu kana to divi lɔ butu.

Yohana 3:17

Kamasɔlɔn Ala ma a Denkɛ kelaya dunuɲa kɔnɔ dunuɲa jobaliyako lɔ. Kɛɛ a na a kelayala dunuɲa lakisiko le lɔ a fɛ.

Yohana 3:19

Jobaliya wo kun ne min ne: Kɛnɛya vɛ na dunuɲa, kɛɛ divi le diyanin adamadennu yɛ ka timin kɛnɛya la, kamasɔlɔn ai kɛkolu le kɛwonyanin.

Yohana 8:12

Isa k'a fɔ jama yɛ kɔtunun, a vɛɛ: «Ǹe le dunuɲa kɛnɛya le. Ni mɔɔ min ka bila ǹ kɔ, wo tii tɛnala taamana divi lɔ butu, mafɔ a kɛtɔ kɛnɛya sɔlɔnna min yi niimaya dila.»

Yohana 8:15

Àilu le yi kiti tɛɛla ka bɛn adamadennu ya miliya ma. Kɛɛ ǹe do tɛ mɔɔ suu suu ya kiti tɛɛla.

Yohana 9:25

Kɛ́ do k'ai javi, a vɛɛ: «A ka kɛ julumbutɔ le o, a ma kɛ julumbutɔ le o, m̀ ma wo lɔn. Kɛɛ ǹ ka ko kelen ne lɔn. Ɲagbɛ le tɛɛ ǹ ne, kɛɛ tandainɔ ǹ'i yeni kɛla.»

Kɛkolu 26:18

ai ɲa lakako lɔ, fɔsa ai yi bɔ divi lɔ ka na kɛnɛya lɔ, ani ai yi bɔ Soitana fanga kɔlɔ k'ai lasei Ala ma, alako aiya julumbulu lɔ yi koto. Wo vɛ kɛla, ai fɛ kɛtɔ kɛla Ala ya mɔɔlu la, minu vɛ sɛnɛya ka bɛn aiya limaniya ma m̀ ma.›

2 Kolɛntikalu 2:16

Wo do kɛyine iwo saya suma halakibatɔlu yɛ, min yi saya lasena ai ma. Kɛɛ a kɛyine iwo niimaya suma mɔɔ lakisininnu yɛ, min yi niimaya lasena ai ma. Ado jene senin baale wo la?

Ɛfɛsikalu 5:14

Ado ko ko la vɛ bɔla gbesekele, wo yi kɛnɛya le lɔ. Wo le y'a kɛla, ai y'a fɔla, ko: «Ile sunɔɔbatɔ, kunun! I wuli, i yi bɔ fulenilu tɛma, ado Masa Tɔɔmasenin kɛtɔ aa kɛnɛya labɔla i yɛ.»

2 Tɛsalonikakalu 2:10

ani ka telenbaliya suu bɛ dɔ kɛ ka halakibatɔlu lafili, minu m'ai bolo sii tuɲa kɔlɔ ka tuɲa ladiyaɲɛ min tɛɛ ai lakisi.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Yohana 2:11

Kɛɛ mɔɔ min y'a badenma lagbeyaɲɛla, wo tii yi divi le lɔ. A do yi taamana divi le lɔ. A m'a taaya lɔn, kamasɔlɔn divi v'a ɲa gbɛ.