Yohana 8:6 - Ala Ya Salatikan Kula Kitabu

⁶ Ai ka wo fɔ a lɔsumanko le lɔ, fɔsa ai yi dailu sɔlɔn min yi kɛ a jalaki kun ne. Kɛɛ Isa v'i bilinna ka sɛvɛli kɛ damina duu ma a bolokɔni le.

Yohana 8:6 ပူးပေါင်းရင်းမြစ်များ

Matiyu 10:16

«Ǹ'ài kelayala ka kɛ iwo saa minu bilanin soofalilu tɛma. Wo ma, ài hangili yi sii, iwo sa hangili siinin teme. Ài kɛko ma yi fa, iwo poponi mafanin teme.

Matiyu 15:23

Kɛɛ Isa m'a javi. A kɔbiladennu k'i madon a la k'a fɔ a yɛ, ai vɛɛ: «I tɛ moso min laseikɔ? A yi mɔ kɔ gbanɔ le.»

Matiyu 16:1

Falisi ni Sadusi dɔlu ka na Isa ma a lɔsumanko lɔ, ko a yi kawananko tɔɔmase dɔ kɛ ai ɲakɔlɔ min bɔnin Ala fɛ.

Matiyu 19:3

Falisi dɔlu ka na Isa ma a lɔsumanko lɔ, ai vɛɛ: «A ladaanyine kɛ́ y'a moso bila ko bɛ lɔ?»

Matiyu 22:18

Kɛɛ Isa k'ai miliya yon lɔn. Wo lɔ, a vɛɛ ai yɛ: «Àilu filangafolu, mindɛ lɔ ài yi ǹ lɔsumana?

Matiyu 22:35

Ai lɔ mɔɔ kelen min tɛɛ seliya kalanmɔɔ le, wo ka ɲiningali kɛ Isa la a lɔsumanko lɔ. A do vɛɛ:

Matiyu 26:63

Kɛɛ Isa ka jeden. Salakalase kuntiiba do vɛɛ a yɛ: «Ǹ'a fɛ i yi kalin Ɲɛnɛmayatii Ala tɔɔ la k'a fɔ mɔ yɛ ni ile le Masa Tɔɔmasenin ne, ani Ala Denkɛ.»

Malɛkɛ 10:2

A ka to wo la, Falisi dɔlu ka na k'a maɲininga a lɔsumanko lɔ, ai vɛɛ: «A ladaanyine kɛ́ y'a moso bila?»

Malɛkɛ 12:15

Kɛɛ Isa tɛɛ ka aiya filangafoya lɔn. Wo lɔ, a vɛɛ: «Mindɛ lɔ ài yi ǹ lɔsumana? Ài yi na wɔligbana dɔ le, ǹ'a lasaa.»

Malɛkɛ 3:2

Mɔɔ dɔlu tɛɛ Isa lakɔlɔsila, k'a ye ni a kɛtɔ kɛ́ wo lakɛnɛyala Nɔningɛlon, fɔsa ai yi dailu sɔlɔn a jalakiko lɔ.

Malɛkɛ 8:11

Falisi dɔlu ka na Isa ma, k'a sɔsɔ damina a lɔsumanko lɔ, ko a yi kawananko tɔɔmase dɔ kɛ ai ɲakɔlɔ min bɔnin Ala fɛ.

Luka 10:25

Seliya kalanmɔɔ dɔ k'i wuli Isa lɔsumanko lɔ. A do vɛɛ a yɛ: «Kalanmɔɔ, ǹ'i mindɛ kɛ fɔsa ǹ'i niimaya banbali sɔlɔn?»

Luka 11:16

A dɔlu fana tɛɛ a lɔsumana ko a yi kawananko dɔ kɛ ai ɲakɔlɔ min bɔnin Ala fɛ.

Yohana 8:2

Wo dusagbɛ sɔɔmadanina, a ka seikɔ lɔhɔlɔmabonba luu kɔnɔ. Mɔɔlu bɛ k'i madon a la. A do k'i sii k'ai kalan damina.

1 Kolɛntikalu 10:9

Mɔ kà Masa Tɔɔmasenin lɔsuma iwo ai dɔlu k'a kɛ teme, salu do k'ai kin k'ai faa.