Yohana 8:44 - Ala Ya Salatikan Kula Kitabu

⁴⁴ Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Yohana 8:44 ပူးပေါင်းရင်းမြစ်များ

Matiyu 12:34

Àilu fɔnfɔnnidennu! Ài dajoo man ɲin. Ài yi se kuma kein fɔla di wo lɔ? Mɔɔ josokun lafanin ko min na, a da yi wo le fɔla.

Matiyu 13:15

Kamasɔlɔn bi mɔɔlu josokun vɛ ja, ai vɛ ai tolo datuun, k'ai ɲa masili, alako ai ɲa kana yeni kɛ, ai tolo kana ko mɛn, ani ai josokun kana koɲaye, ani ai kana ai jɛlɛ lasei m̀ ma, min y'a kɛ, ǹ'ai lakisi.›

Matiyu 13:38

Sɛnɛ yi dunuɲa le le. Malosi ɲuma, wo yi mɔɔlu le le minu fɛ yi Ala ya masaya la. Bin yonnu yi Soitana ya mɔɔlu le le.

Yohana 6:70

Isa do k'ai javi, a vɛɛ: «Ǹe gbu le n'ài mɔɔ tan ni fila (12) tala, kɛlɛ? Kɛɛ ài lɔ mɔɔ kelen yi Soitana den ne le.»

Yohana 7:17

Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Yohana 8:38

Ǹ na ko min yena ǹ Fa fɛlɔ, ǹ'i wo le fɔla. Àilu do na min mɛnna ài fa da, ài yi wo le kɛla.»

Yohana 8:41

Ài y'ài fa kɛko ɲɔɔziilu le kɛla yi ne.» Ai do ka Isa javi, ai vɛɛ: «Mɔ tɛ ɲɔmɔden ne dɛ! Fa kelenpesa le mɔ la, min taanin kɛla Ala gbu le.»

Yohana 8:55

Ài ma a lɔn, kɛɛ ǹe do ka a lɔn ne. Ni ǹ tɛɛ v'a fɔla m̀ ma a lɔn, ǹ tɛɛ kɛle ài ɲɔɔzii faɲafɔba dɔ le. Kɛɛ do, ǹ ka a lɔn ne, ado ǹ'a kumakan labatola.

Kɛkolu 13:10

k'a fɔ a yɛ, a vɛɛ: «Ile Soitana den, ile min joso lafanin namala ni koyon suu bɛ la, ile kotelennin lɔtiɲaba, i tɛnala i nɔningɛla mɔ Tii ya siya telenninu lɔkulukulula?

Kɛkolu 24:9

A ka to kumala, Jahudiyalu fana tɛɛ a dɔ lala aa jalakilikan kɔkan, k'a fɔ ko a kɛnin ten ne.

Kɛkolu 5:3

Kɛɛ Piyɛli vɛɛ a yɛ: «Ananiya, a yi di vɛ i na diɲala Soitana yi don i josokun nɔ, haan fɔɔ i na faɲa fɔla Nii Sɛnɛyanin yɛ, ka wɔli fan kelen ladalo i jɛlɛ yɛ?

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

1 Piyɛli 5:8

Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.

2 Piyɛli 2:4

Ala ma kolatɔn lagban mɛlɛkalu kunna minu ka julumbu ta kɔlɔkɔlɔ le, mafɔ k'ai lafili Jahanama k'ai sili jɔlɔkɔlu le je divi fin mainmain nɔ haan fɔɔ kititɛɛlon yi se.

1 Yohana 1:8

Ni mɔ k'a fɔ ko julumbu tɛ mɔ ma, m'i mɔ jɛlɛkanu le manɛɛla, ado tuɲa tɛ mɔ josokun nɔ.

1 Yohana 2:21

Ni ǹ ka sɛvɛ min lataa ài ma, a tɛ k'a fɔ ko ài ma tuɲa lɔn dɛ! Ài ka tuɲa lɔn, wo le y'a ma, ǹ'a lataala ài ma. Ài do k'a lɔn ne ko faɲa foi tɛ bɔla tuɲa lɔ.

1 Yohana 2:4

Ni mɔɔ min k'a fɔ ko a ka Ala lɔn, k'a talan a tɛ aa jamalilu labatola, wo vɛ kɛla, faɲafɔba le wo tii le, ado tuɲa tɛ wo tii josokun nɔ.

1 Yohana 3:12

Mɔ kà kɛ iwo Kabila, min ka kɛ Soitana ya mɔɔ le k'a dɔɔkɛ faa. A k'a dɔɔkɛ faa mindɛ lɔ? A ka wo kɛ kamasɔlɔn a kɛkolu kɛwonyayine tɛɛ, k'a talan a dɔɔkɛ kɛkolu telenyine tɛɛ.

1 Yohana 3:15

Ni mɔɔ min k'a badenma lagbeyaɲɛ, wo tii ni mɔɔfaaba kaanyine, ài do k'a lɔn ko niimaya banbali tɛ mɔɔfaaba foi josokun nɔ.

Jude 1:6

Ado mɛlɛka minu ma diɲa ka to ai lɔyalu lɔ mafɔ ka bɔ ai makɛya bɛlɛbɛlɛ lɔ, wolu silinin habadan jɔlɔkɔ le le divi fin mainmain nɔ, haan fɔɔ kititɛɛ lonba yi se.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 13:14

See min ka di a ma ka kawanankolu kɛ soofali kunfɔlɔ ɲakɔlɔ, a ka dunuɲamɔɔlu lafili wo le. A do vɛɛ ai yɛ ko ai yi soofali sawula ladan a batoko lɔ, min ma ka dimin siyamifan ne, kɛɛ a ka to a nii la.

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»

Ko Lankɛnɛmayanin 22:15

Kɛɛ jɛlɛlakɔsɔmɔɔlu kɛtɔ tola so kɔma, wolu ni subalu ni kanukɛbalu, ani mɔɔfaabalu ni joosɔbalu, ani mɔɔ minu yi faɲafɔko ladiyaɲɛla ka to faɲa fɔla kudein.

Ko Lankɛnɛmayanin 9:11

Masakɛ min tɛɛ ai kunna, wo tɛɛ diɲa gboon lɔjaannin mɛlɛka le le, min tɔɔ yi Hebulukan nɔ Abadɔn, ani Gɛlɛkikan nɔ Apoliyɔn. Wo kɔlɔ le ko halakilikɛba.