Yohana 8:42 - Ala Ya Salatikan Kula Kitabu

⁴² Isa vɛɛ ai yɛ: «Ni Ala tɛɛ vɛ kɛla ài fa bɛlɛbɛlɛ le, ǹa ko tɛɛ diyale ài yɛ, kamasɔlɔn m̀ bɔnin Ala le fɛlɔ ka na. M̀ ma na ǹe gbu ya seetiiya lɔ, mafɔ ale le na ǹ kelayala.

Yohana 8:42 ပူးပေါင်းရင်းမြစ်များ

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 12:49

Kamasɔlɔn m̀ ma kuma ǹe gbu ya seetiiya lɔ, kɛɛ ǹ Fa min na ǹ kelayala, wo gbu le na ǹ jamalila kuma minu fɔko lɔ.

Yohana 13:3

Isa tɛɛ k'a lɔn ko a Fa vɛ fen bɛ bila a fanga kɔlɔ, ani ko a bɔnin Ala le fɛlɔ, a do kɔseitɔ Ala le fɛlɔ.

Yohana 14:10

I ma limaniya ba bene k'a fɔ ǹ kafonnin ǹ Fa kan, ale fana kafonnin ǹ kan? Ǹ'i kuma minu fɔla ài yɛ, wolu ma bɔ ǹe gbu lɔ. Kɛɛ ǹ Fa min kafonnin ǹ kan, wo le a kɛkolu kɛla ten.

Yohana 16:30

Mɔ v'a ɲaye butu ko i ka ko bɛ lɔn, i do mako tɛ mɔɔ ya ɲiningali la. Wo le n'a kɛla, mɔ vɛ limaniya k'a fɔ ko i nanin ka bɔ Ala le fɛlɔ.»

Yohana 17:25

«Ǹ Fa telenmande, hali dunuɲa m'i lɔn, kɛɛ ǹe do k'i lɔn, ani mɔɔ minu fana v'a lɔn ko ile le na ǹ kelayala.

Yohana 17:8

Kamasɔlɔn i na kuma minu fɔla ǹ yɛ, ǹ na wolu le lasena ai ma. Ai do k'ai bolo sii ai kɔlɔ, ani k'a lɔn bɛlɛbɛlɛ kɛ ko m̀ bɔnin ile le fɛlɔ, ani ai vɛ limaniya k'a fɔ ko ile le na ǹ kelayala.

Yohana 3:17

Kamasɔlɔn Ala ma a Denkɛ kelaya dunuɲa kɔnɔ dunuɲa jobaliyako lɔ. Kɛɛ a na a kelayala dunuɲa lakisiko le lɔ a fɛ.

Yohana 5:23

fɔsa bɛ yi Denkɛ buɲa iwo ai y'a Fa buɲala teme. Ni mɔɔ min ma Denkɛ buɲa, wo tii tɛ a Fa fana buɲala min na wo kelayala.»

Yohana 5:43

Ǹ nanin ǹ Fa tɔɔ le lɔ, kɛɛ ài do ma diɲa k'ài bolo sii ǹ kɔlɔ. Ni a dɔgbɛlɛ ka na a jɛlɛkanu tɔɔ lɔ, ài kɛtɔ ài bolo siila wo tii kɔlɔ.

Yohana 8:14

Isa k'ai javi, a vɛɛ: «Hali ni ǹ ka kɛ seleya dila ka bɛn ǹ jɛlɛ ma, ǹa seleya yi tuɲa le le, kamasɔlɔn ǹ ka m̀ bɔya ni ǹ taaya lɔn.

1 Kolɛntikalu 16:22

Ni mɔɔ min tɛ mɔ Tii kanula, wo tii daanyine. Malanata (Na vɛ, mɔ Tii)!

Galatiyakalu 4:4

Kɛɛ Ala ya waate latɛɛnin ka se mingɛ, a ka a Denkɛ lana dunuɲa ka kɛ moso woloden ne, ka sɔlɔn seliya kɔlɔ,

1 Yohana 4:14

Mɔ v'a ye ka wo seleya di ko mɔ Fa ka a Denkɛ lana dunuɲa k'a kɛ dunuɲa Lakisiba le.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

Ko Lankɛnɛmayanin 22:1

A laban nɔ, mɛlɛka ka kɔɔ dɔ jiya ǹ na min yi niimaya ji le. A lakɛnɛyanin tɛɛ iwo sani. Kɔɔ wo tɛɛ bɔla Ala ni Saa Bolan ya masayasiifen kɔlɔ,