Yohana 8:32 - Ala Ya Salatikan Kula Kitabu

³² Ài kɛtɔ tuɲa lɔnna, ado tuɲa kɛtɔ ài lafɛlɛla.»

Yohana 8:32 ပူးပေါင်းရင်းမြစ်များ

Matiyu 11:29

Ài yi diɲa ǹa kuntiiya ma iwo nisi yi diɲala sɛnɛkɛdawa ma teme, ani ka lɔnni sɔlɔn ǹ fɛ. M̀ mafanin, ǹa ko gbeleyanin tɛ. Ài vɛ nala ǹ ma, ài kɛtɔ nɔningɛ sɔlɔnna.

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:17

Kamasɔlɔn seliya dinin Nabi Musa le sabu la, kɛɛ nɛɛma ni tuɲandeya nanin Masa Tɔɔmasenin Isa le sabu la.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 16:13

Kɛɛ Nii Sɛnɛyanin vɛ nala, min yi tuɲa lankɛnɛmayala, ale le kɛtɔ tuɲa bɛ jiyala ài la. A do tɛnala kumala a jɛlɛkanu ya seetiiya lɔ, kɛɛ a vɛ ko ko si mɛnna, a kɛtɔ wo le fɔla, ani ka ko natɔlu lase ài ma.

Yohana 17:17

Ai bila ai ta fan i jɛlɛ yɛ ka bɛn tuɲandeya ma, kamasɔlɔn i kumakan yi tuɲa le le.

Yohana 6:45

A sɛvɛnin kelalu ya kitabulu kɔnɔ, ko: ‹Ala gbu le kɛtɔ ai bɛ kalanna.› Wo le y'a ma, mɔɔ minu bɛ vɛ ai tolomalɔla ǹ Fa kumakan na ani ka diɲa aa kalan ma, wolu bɛ yi nale m̀ ma.

Yohana 7:17

Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Yohana 8:36

Wo ma, ni Ala Denkɛ vɛ ài lafɛlɛla, ài lafɛlɛnin yi tole bɛlɛbɛlɛ kɛ.

Lɔmukalu 6:22

Kɛɛ komi ài la vɛ fɛlɛ ka bɔ julumbu lɔ k'ài kɛ Ala ya jɔn ne butu, ài yi nafa min sɔlɔnna, wo le sɛnɛyali le min laban yi niimaya banbali le.

Lɔmukalu 8:15

Ài na Nii min sɔlɔnna, wo tɛ ài bilala jɔnya lɔ k'ài kɛ siyanbatɔ le kɔtunun. Mafɔ, mɔ na Nii min sɔlɔnna, wo vɛ mɔ kɛ Ala den ne le. Ado ka bɛn Nii min ma, m'i sene a fɔla Ala ma, mɔ vɛɛ: «Mɔ Fa! Mɔ Fa!»

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

1 Kolɛntikalu 7:22

Ni mɔ Tii ka jɔn min kili, wo tii vɛ kɛ mɔ Tii ya mɔɔ lafɛlɛnin ne. Wo boloɲa kelen ma, ni mɔ Tii ka mɔɔ lafɛlɛnin min kili, wo tii vɛ kɛ Masa Tɔɔmasenin ya jɔn ne.

Galatiyakalu 5:1

Masa Tɔɔmasenin vɛ mɔ lafɛlɛ fɔsa m'i to lafɛlɛ lɔ. Wo le y'a ma, ài y'ài lɔgbeleya. Ài do k'ài jɛlɛ bila jɔnya lɔ kɔtunun.

Galatiyakalu 5:13

Àilu koni m̀ badenmalu, Ala n'ài kilila ài lafɛlɛko le lɔ. Kɛɛ àiya lafɛlɛ wo kà kɛ sabu le k'ài bila ài falikolo ladiyanankolu kɔ, mafɔ ài ɲɔɔ madɛmɛn kanundeya boloma.

2 Timote 3:7

Moso wolu yi kalan kula le sɔlɔnna waate bɛ, kɛɛ ai tɛnala sena tuɲa lɔnna feu!

Janguba 1:25

Kɛɛ Ala ya seliya dafanin min yi lafɛlɛ dila, ni mɔɔ min ka wo lasaa kobɛn k'i lɔja a latelenko ma, ni a do m'a tolomalɔ a la dein ka ban ka ɲina a lɔ, wo vɛ kɛla, wo tii lasawatitɔ a kɛkolu bɛ le lɔ.

Janguba 2:12

Wo le y'a ma, ài y'ài kumaɲa ni ài taamaɲa bɛ kɛ iwo mɔɔ minu ya kiti tɛɛtɔ ka bɛn seliya wo ma, min yi lafɛlɛ dila.

1 Piyɛli 2:16

Ài yi taama iwo mɔɔ lafɛlɛnilu, kɛɛ àiya lafɛlɛ wo kà kɛ àiya koyonnu doonko le. Ài do yi taama iwo Ala ya jɔnnu.

2 Yohana 1:1

Ǹe min limaniyajama ɲamɔɔ le, ǹ'i lɛtɛlɛ min lataala m̀ badenmamoso ma, Ala na min tala ka kɛ a ta le, ani a dennu, ǹ'i minu kanula bɛlɛbɛlɛ kɛ. Ǹe kelen do ma ai kanu, mafɔ mɔɔ minu bɛ ka tuɲa lɔn fana,