Yohana 8:29 - Ala Ya Salatikan Kula Kitabu

²⁹ Ǹ kelaba yi ǹ fɛ. A do ma ǹe kelen to, kamasɔlɔn ǹ'a diyanankolu le kɛla kudein.»

Yohana 8:29 ပူးပေါင်းရင်းမြစ်များ

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Matiyu 3:15

Isa k'a javi, a vɛɛ: «I yi diɲa wo ma butu, kamasɔlɔn a bɛnnin m'i wo kɛ fɔsa Ala sawo ma yi fa teme.» Wo fɔ, Yaya ka diɲa wo ma.

Matiyu 3:17

Kumakan dɔ ka bɔ sangbolo lɔ, a vɛɛ: «Ǹ diyanan Denkɛ le ne. A do vɛ ǹ kɔnɔlɔdiya bubale.»

Yohana 14:31

kɛɛ ǹ'i ko bɛ kɛla iwo ǹ Fa na ǹ jamalila teme, fɔsa dunuɲa y'a lɔn ko ǹ'i ǹ Fa kanula. «Ài wuli, ài m'i bɔ jan.»

Yohana 15:10

Ni ài ka kɛ ǹa jamalilu labatola, ài yi tole ǹa kanundeya lɔ iwo ǹ na ǹ Fa ya jamalilu labatola teme ka to aa kanundeya lɔ.

Yohana 16:32

Waate dɔ sentɔ, a do vɛ se butu, ài bɛ jɛzɛntɔ k'ài kɔsei àiya luulu ma, ka ǹe kelen to. Kɛɛ ǹe kelen tɛ, kamasɔlɔn ǹ Fa yi ǹ fɛ.

Yohana 17:4

I na baale min dila m̀ ma, m̀'ɛ ban wo bɛ dafala k'iya magbiliyali jiya dunuɲa la.

Yohana 4:34

Isa do vɛɛ ai yɛ: «Ǹ dɔnnifen yi min ne, wo le ka ǹ kelaba sawo kɛ ani ka aa baale dafa.

Yohana 5:30

«Ǹ tɛ se foi kɛla ǹ jɛlɛ ma. Ǹ'i min mɛnna, ǹ'i kiti tɛɛla ka bɛn wo le ma. Wo le y'a ma, ǹa kiti telenyine, kamasɔlɔn ǹ tɛ ǹe gbu sawonanko ɲaɲininna, mafɔ ǹ kelaba sawonanko.

Yohana 6:38

Kamasɔlɔn m̀ ma jii ka bɔ haijɛnɛ ǹe gbu sawo kɛko lɔ, mafɔ ǹ kelaba sawo.

Yohana 8:16

Hali ni ǹ ka kiti tɛɛ, ǹ jo yi kiti wo lɔ, kamasɔlɔn ǹe kelen tɛ wo tɛɛba le, fɔ ǹe ni ǹ Fa min na ǹ kelayala.

2 Timote 4:17

Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.

2 Timote 4:22

Mɔ Tii yi to i fɛ. Ala ya nɛɛma yi kɛ ài bɛ yɛ.

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.

Hebululu 7:26

Salakalase kuntiiba min ne bɛnnin mɔ ma feu! A sɛnɛyayine, fɛɛ suu suu tɛ a la, kumatɛ kɔsɔ ma. A majaanyine julumbutɔlu la, k'a kɔlɔta haan fɔɔ ka timin sangbolo dan bɛ la poon.

1 Yohana 2:1

Ǹ dennu, ǹ'i ko minu sɛvɛla ài ma fɔsa ài kana julumbu ta. Kɛɛ ni mɔɔ dɔ ka julumbu ta, mɔ makofɔba yi mɔ Fa le fɛlɔ. Wo le Masa Tɔɔmasenin Isa le, min telennin.

1 Yohana 3:22

Ado mɔ v'a dalila ko ko la, m'i wo sɔlɔnne, kamasɔlɔn m'aa jamalilu labatola k'a diyanankolu kɛ.