Yohana 8:19 - Ala Ya Salatikan Kula Kitabu

¹⁹ Ai k'a maɲininga wo lɔ, ai vɛɛ: «I fa yi min ne?» Isa k'ai javi, a vɛɛ «Ài ma ǹ lɔn, kumatɛ ǹ Fa ma. Ni ài tɛɛ ka ǹ lɔn, ài tɛɛ ǹ Fa fana lɔnne.»

Yohana 8:19 ပူးပေါင်းရင်းမြစ်များ

Matiyu 11:25

Wo waate kelen nɔ, Isa k'a fɔ, a vɛɛ: «Ǹ Fa, sangbolo ni duukolo Tii, ǹ'i balika bɔla i yɛ, kamasɔlɔn i na ko minu doonna hangilima ni lɔnnilalu ma, i vɛ wolu jiya kalanbalilu la.

Yohana 1:10

A tɛɛ dunuɲa kɔnɔ, dunuɲa do la ka dan ale le sabu la, kɛɛ dunuɲa tɛɛ ma a lɔn.

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 15:21

Kɛɛ ai kɛtɔ ko wolu bɛ kɛla ài la ka bɛn ǹa ko le ma, kamasɔlɔn ai ma ǹ kelaba lɔn.

Yohana 16:3

Ai kɛtɔ ko wo suu kɛla ài la kamasɔlɔn ai ma ǹ Fa lɔn, kumatɛ ǹe ma.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 7:28

Isa ka to mɔɔlu kalanna lɔhɔlɔmabonba luu kɔnɔ, a k'a kan labɔ, a vɛɛ: «Tuɲa le, ài ka ǹ lɔn, ani m̀ bɔya! Kɛɛ ǹ nanin tɛ ǹ jɛlɛkanu ya seetiiya lɔ. Min na ǹ kelayala, wo le tuɲande le, àilu do ma wo lɔn.

1 Kolɛntikalu 15:34

Ài y'ài hangili sii iwo ài ka kan k'a kɛ teme! Ài do kà to julumbu tala. Kamasɔlɔn ài dɔlu ma Ala lɔn feu. Ǹ'i wo fɔla ka bɛn ài lamaloyako le ma.

Galatiyakalu 4:9

Ài do vɛ Ala lɔn butu, niwotɛ Ala gbu vɛ ài lɔn aa mɔɔlu le. Mindɛ lɔ ài y'a fɛ k'ài kɔsei dunuɲa niimani fangandan kundannu ma k'ài kɛ wolu ya jɔnnu le kɔtunun?

Ɛfɛsikalu 1:17

Mɔ Fa Nɔɔlɔtii, min kɛnin mɔ Tii Masa Tɔɔmasenin Isa Tii Ala le, ǹ'i wo dalila, ǹ ko, a yi hangilimaya di ài ma, ka kolu lankɛnɛmaya ài yɛ fɔsa ài y'a lɔn a ɲa gbugbu ma.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

Kɔlɔsikalu 1:15

Ale le Ala yenbali sawula le, ani Denkɛ kunfɔlɔ dannifen bɛ kunna.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

1 Yohana 2:23

Mɔɔ min n'i banna Denkɛ lɔ, wo tii tɛ a Fa ta le. Ni do mɔɔ min k'a bolo sii Denkɛ kɔlɔ, wo tii fana y'a Fa ta le le.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

2 Yohana 1:9

Ni mɔɔ mɔɔ ka taa a kunfɛ, a ma to Masa Tɔɔmasenin ya kalan kɔkan, wo vɛ kɛla, wo tii tɛ Ala ta le. Kɛɛ do, ni mɔɔ min ka to Masa Tɔɔmasenin ya kalan kɔkan, wo tii yi mɔ Fa ni a Denkɛ ta le le.