Yohana 8:14 - Ala Ya Salatikan Kula Kitabu

¹⁴ Isa k'ai javi, a vɛɛ: «Hali ni ǹ ka kɛ seleya dila ka bɛn ǹ jɛlɛ ma, ǹa seleya yi tuɲa le le, kamasɔlɔn ǹ ka m̀ bɔya ni ǹ taaya lɔn.

Yohana 8:14 ပူးပေါင်းရင်းမြစ်များ

Yohana 10:15

iwo ǹ Fa ka ǹ lɔn teme, ani ǹ ka ǹ Fa fana lɔn ten ne. Ǹe do yi ǹ nii dila saalu ya ko lɔ.

Yohana 10:36

Ni wo le, ǹe do, ǹe min tanin ǹ Fa bolo ka ǹ kelaya dunuɲa? Mindɛ lɔ ài y'a fɔla ko m̀'ɛ Alalafeyakan fɔ, kamasɔlɔn n'a fɔla mingɛ ko Ala Denkɛ le ǹ ne?

Yohana 13:3

Isa tɛɛ k'a lɔn ko a Fa vɛ fen bɛ bila a fanga kɔlɔ, ani ko a bɔnin Ala le fɛlɔ, a do kɔseitɔ Ala le fɛlɔ.

Yohana 14:10

I ma limaniya ba bene k'a fɔ ǹ kafonnin ǹ Fa kan, ale fana kafonnin ǹ kan? Ǹ'i kuma minu fɔla ài yɛ, wolu ma bɔ ǹe gbu lɔ. Kɛɛ ǹ Fa min kafonnin ǹ kan, wo le a kɛkolu kɛla ten.

Yohana 16:28

M̀ bɔnin ǹ Fa le fɛlɔ ka na dunuɲa, ado m̀ bɔtɔle dunuɲa yi ne ka seikɔ ǹ Fa fɛlɔ.»

Yohana 17:8

Kamasɔlɔn i na kuma minu fɔla ǹ yɛ, ǹ na wolu le lasena ai ma. Ai do k'ai bolo sii ai kɔlɔ, ani k'a lɔn bɛlɛbɛlɛ kɛ ko m̀ bɔnin ile le fɛlɔ, ani ai vɛ limaniya k'a fɔ ko ile le na ǹ kelayala.

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

Yohana 5:31

Ni ǹ ka seleya di ka bɛn ǹe gbu ma, ǹa seleya tɛnala jatela tuɲa le.

Yohana 8:42

Isa vɛɛ ai yɛ: «Ni Ala tɛɛ vɛ kɛla ài fa bɛlɛbɛlɛ le, ǹa ko tɛɛ diyale ài yɛ, kamasɔlɔn m̀ bɔnin Ala le fɛlɔ ka na. M̀ ma na ǹe gbu ya seetiiya lɔ, mafɔ ale le na ǹ kelayala.

2 Kolɛntikalu 11:31

Ala min yi mɔ Tii Isa Fa le, tanuli yi min yɛ kudein, ale le k'a lɔn ko ǹ tɛ faɲa fɔla.

2 Kolɛntikalu 12:11

Àilu le na kɛla sabu le m̀'ɛ ǹ jɛlɛ kɛ iwo hangilindan! Kamasɔlɔn àilu le tɛɛ ka kan ka ǹ tɔɔɲuma fɔ. Kamasɔlɔn hali ni ǹ tɛ foi le, ài yi keladen jɛlɛmatɔɔba minu buɲala, wolu fisanin tɛ ǹe le feu.

2 Kolɛntikalu 12:19

Tumadɔ ài y'ài milila ko m'i mɔ lɔjala waate min bɛ lɔ ka mɔ kumanɔbɔ ài yɛ. Wo tɛ dɛ! Tuɲa le, mɔ na kuma min bɛ fɔla Ala gbu ɲakɔlɔ, iwo mɔɔ minu yi Masa Tɔɔmasenin ya kafonɲɔɔya lɔ. Mɔ diyananmɔɔlu, m'i ko bɛ kɛla yi ne ka bɛn ài lasawatiko le ma limaniya lɔ.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 3:14

«A sɛvɛ k'a lataa limaniyajama ya mɛlɛka ma min yi Layodiseya so kɔnɔ, i vɛɛ: ‹A ye, min yi Amiina le le, min yi sele ɲuma bɛlɛbɛlɛ le, ani Ala ya dannifen bɛ jusii, wo kan ne min ne: