Yohana 8:12 - Ala Ya Salatikan Kula Kitabu

¹² Isa k'a fɔ jama yɛ kɔtunun, a vɛɛ: «Ǹe le dunuɲa kɛnɛya le. Ni mɔɔ min ka bila ǹ kɔ, wo tii tɛnala taamana divi lɔ butu, mafɔ a kɛtɔ kɛnɛya sɔlɔnna min yi niimaya dila.»

Yohana 8:12 ပူးပေါင်းရင်းမြစ်များ

Matiyu 5:14

«Àilu yi kɛnɛya le le duukolo kɔkan. So min yi tini kɔkan, wo tɛ se doonna.

Luka 2:32

Kɛnɛya le a le i sawonankolu lankɛnɛmayako lɔ siboloma bɛ yɛ, ani magbiliyali le a le Bani Isilankalu ma.»

Yohana 12:35

A do ka jama javi, a vɛɛ: «Kɛnɛya kɛtɔ waateni kɛla ài tɛma bene. Damanda kɛnɛya y'ài tɛma, ài yi to taamana alako divi kana bala ài lɔ. Mɔɔ min yi taamana divi lɔ, wo tii ma a taaya lɔn.

Yohana 12:36

Damanda kɛnɛya y'ài tɛma, ài yi limaniya kɛnɛya ma, fɔsa ài yi kɛ kɛnɛyalɔmɔɔlu le.» Isa wɔlinin ko wolu fɔla, a ka bɔ je ka t'i doon ai ma.

Yohana 12:46

Ǹ nanin dunuɲa iwo kɛnɛya, fɔsa m̀ malimaniyamɔɔlu kana to divi lɔ butu.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 3:19

Jobaliya wo kun ne min ne: Kɛnɛya vɛ na dunuɲa, kɛɛ divi le diyanin adamadennu yɛ ka timin kɛnɛya la, kamasɔlɔn ai kɛkolu le kɛwonyanin.

Yohana 7:17

Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Yohana 9:5

Damanda ǹ'i dunuɲa kɔnɔ yi ne, ǹe le dunuɲa kɛnɛya le.»

Kɛkolu 13:47

Kamasɔlɔn mɔ Tii na jamali min ne dila mɔ ma, ko: ‹M̀'ɛ i kɛ kɛnɛya le siboloma gbɛlɛlu yɛ, fɔsa i yi kisiko lase haan fɔɔ dunuɲa dan na.› »

Kɛkolu 26:23

Wolu vɛɛ ko Alimasihu kɛtɔ tɔlɔya masɔlɔnna ka kɛ mɔɔ kunfɔlɔ le k'a wuli ka bɔ saya lɔ. Ai do vɛɛ kɔtunun ko a kɛtɔ Ala ya kɛnɛya lasena maa mɔɔlu ma, ani siboloma gbɛlɛ mɔɔlu fana.»

2 Piyɛli 2:17

Faɲafɔ kalanmɔɔ wolu kɛyine iwo falakɔɔ vɛ jala, ani sanfin vɛ fola fɔɲɛ bolo. Divi fin mainmain ne ladalonin ai kanma.

2 Piyɛli 2:4

Ala ma kolatɔn lagban mɛlɛkalu kunna minu ka julumbu ta kɔlɔkɔlɔ le, mafɔ k'ai lafili Jahanama k'ai sili jɔlɔkɔlu le je divi fin mainmain nɔ haan fɔɔ kititɛɛlon yi se.

1 Yohana 1:6

Ni mɔ k'a fɔ ko m'i Ala ya kafonɲɔɔya lɔ k'a talan m'i divilɔkolu kɛla, wo vɛ kɛla, m'i faɲa le fɔla, ado mɔ tɛ taamana tuɲandeya boloma.

Jude 1:13

Ai kɛyine iwo kɔɔji kilinkilin magbɛlɛn min yi taa ni sei kɛla, aiya malobaliyakolu vɛ bɔla gbɛ la iwo kɔɔji kaanvu yi bɔla teme. Ai do kɛyine kɔtunun iwo loloni minu yi timintiminna sanma. Divi fin mainmain le ladalonin ai kanma kudein.

Jude 1:6

Ado mɛlɛka minu ma diɲa ka to ai lɔyalu lɔ mafɔ ka bɔ ai makɛya bɛlɛbɛlɛ lɔ, wolu silinin habadan jɔlɔkɔ le le divi fin mainmain nɔ, haan fɔɔ kititɛɛ lonba yi se.

Ko Lankɛnɛmayanin 21:24

Dunuɲa sibolomalu kɛtɔ taamana so wo kɛnɛya le lɔ, ado dunuɲa masakɛlu kɛtɔ nala k'aiya magbiliyali di so wo ma.