Yohana 7:39 - Ala Ya Salatikan Kula Kitabu

³⁹ Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Yohana 7:39 ပူးပေါင်းရင်းမြစ်များ

Matiyu 16:14

Ai k'a javi, ai vɛɛ: «A dɔlu y'a fɔla ko Makolikɛba Yaya le. A dɔlu fana y'a fɔla ko Nabi Iliya le. A dɔgbɛlɛlu y'a fɔla ko Nabi Jelemi le, niwotɛ kela kɔlɔkɔlɔ dɔgbɛlɛ.»

Matiyu 21:11

Jama k'ai javi, ai vɛɛ: «Nabi Isa le ve ka bɔ Nazalɛti so kɔnɔ, Galile koovi lɔ.»

Luka 24:49

Ǹ Fa na min lahedi tala ài yɛ, ǹ kɛtɔ wo lanala ài ma. Kɛɛ fɔ ài yi to Jelusalɛmu jan haan fɔɔ seetiiya wo la yi jii ài kɔkan ka bɔ haijɛnɛ.»

Luka 3:16

Wo le k'a kɛ, Yaya k'ai bɛ javi, a vɛɛ: «Ǹ'ài makola ji le le, kɛɛ mɔɔ dɔgbɛlɛ natɔ min fanga walanin ǹ ta le. Hali ka aa samala julu fɔlin a yɛ, ǹe dɔɔyayine wo ma. Ale le kɛtɔ ài makola Nii Sɛnɛyanin ni taa le!

Luka 7:16

Mɔɔ bɛ ka siyan wo lɔ ka Ala tanu, ai vɛɛ: «Kela ba dɔ v'i wuli mɔ tɛma!» Ai do vɛɛ kɔtunun: «Ala vɛ na bɔ aa mɔɔlu ma!»

Yohana 1:21

Ai do k'a maɲininga, ai vɛɛ: «Jene i le le wo lɔ? Nabi Iliya le i le le?» A do vɛɛ: «Ɛnɛn, ǹe tɛ wo le.» Ai k'a maɲininga kɔtunun, ai vɛɛ: «A yi di wo lɔ? Ile le Kelaba le min ka kan ka na?» A vɛɛ: «Ɛnɛn.»

Yohana 1:25

wolu ka Yaya maɲininga, ai vɛɛ: «Mindɛ lɔ i yi mɔɔlu makola k'a talan i tɛ Masa Tɔɔmasenin ne, niwotɛ Nabi Iliya, niwotɛ Kelaba?»

Yohana 1:33

Ǹe koni tɛɛ m'a lɔn kunfɔlɔ le, kɛɛ min na ǹ kelayala ka mɔɔlu mako ji le, wo tii le n'a fɔla ǹ yɛ, a vɛɛ: ‹I vɛ Nii Sɛnɛyanin jiitɔla yena ka to mɔɔ min fɛ, wo tii le kɛtɔ mɔɔlu makola Nii Sɛnɛyanin ne.›

Yohana 12:16

Isa kɔbiladennu tɛɛ ma ko wolu ɲaye kunfɔlɔ le, kɛɛ a ka magbiliyali sɔlɔn waate min nɔ, ai hangili ka bila a lɔ ko, ko minu sɛvɛnin kitabu kɔnɔ ka bɛn a ma, wo bɛ le kɛnin a yɛ.

Yohana 12:23

Wo lɔ, Isa k'ai javi, a vɛɛ: «Mɔɔnivin Tanin ya magbiliyali waate vɛ se.

Yohana 14:13

Wo lɔ, ài vɛ ko ko madalila ǹ tɔɔ lɔ, ǹ'i wo kɛle ài yɛ, fɔsa ǹ Fa yi magbiliyali sɔlɔn a Denkɛ fɛ.

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 16:14

A do kɛtɔ m̀ magbiliyala, kamasɔlɔn a na kuma minu bɛ mɛnna ǹ da, a kɛtɔ wolu le lasena ài ma.

Yohana 16:7

Wo bɛ n'a kɛ, ǹ'i tuɲa fɔ ài yɛ, ǹ taako le fisayanin ài ma, kamasɔlɔn ni m̀ ma taa, Dɛmɛliba tɛnala nala ài ma. Kɛɛ m̀'ɛ taala, ǹ kɛtɔ Dɛmɛliba lanala ài ma.

Yohana 17:1

Isa wɔlinin kuma wolu fɔla, a k'a ɲa lajɛlɛ sanma k'a fɔ, a vɛɛ: «Ǹ Fa, waate vɛ se. Magbiliyali di i Denkɛ ma, fɔsa i Denkɛ fana yi magbiliyali di i ma.

Yohana 17:5

Wo lɔ saa, ǹ Fa, magbiliyali di m̀ ma i ɲakɔlɔ iwo a tɛɛ m̀ bolo i fɛlɔ teme jani dunuɲa tɛɛ dan.

Yohana 20:22

Wo fɔ, a k'a dafɔɲɛ kɛ ai kan k'a fɔ ai yɛ, a vɛɛ: «Ài yi Nii Sɛnɛyanin sɔlɔn.

Yohana 6:14

Jama ka Isa ya kawananko wo ye mingɛ, ai vɛɛ: «Kelaba min ka kan ka na dunuɲa, wo le min ne jɔ!»

Yohana 7:12

Mɔɔ siyama tɛɛ i ɲɔɔ sɔsɔla kan majii lɔ ka bɛn Isa ma. A dɔlu vɛɛ: «Mɔɔ bɛlɛ le a le.» A dɔgbɛlɛlu vɛɛ: «Wo tɛ, mɔɔlafiliba le.»

Yohana 8:54

Isa vɛɛ: «Ni ǹ ka ǹ jɛlɛ magbiliya, ǹa magbiliyali wo tɛnala kɛla foi le. Min yi m̀ magbiliyala, wo le ǹ Fa le, ai y'a fɔla min ma ko ài Tii.

Kɛkolu 19:2

ka wolu maɲininga, a vɛɛ: «Ài na limaniyala waate min nɔ, jalasa Nii Sɛnɛyanin na jiila ài kɔkan?» Ai ka Pɔli javi, ai vɛɛ: «Ɛnɛn, kaipa mɔ ma Nii Sɛnɛyanin ko mɛn ba bene.»

Kɛkolu 2:17

‹Ala vɛɛ: Dunuɲa laban waate, ǹ kɛtɔ ǹ Nii Sɛnɛyanin lajiila adamaden bɛ kɔkan. Ài denkɛlu ni ài denmosolu kɛtɔ kelaya kɛla. Ǹ kɛtɔ ko dɔlu lajɛlɛla àiya kavelennu ɲa ma, ani àiya kɛmɔbalu kɛtɔ kolu yena siwolu lɔ.

Kɛkolu 2:33

Komi ale Isa kɔlɔtanin k'a sii Ala bolokini fannɔ, ani a Fa na lahedi tala a yɛ ka bɛn Nii Sɛnɛyanin ma, wo lɔ, a na ko minu lajiila, ài ɲa yi minu la yi ne ani ài tolomalɔnin minu ma yi ne.

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 2:4

Ai bɛ josola ka fa Nii Sɛnɛyanin la, ai do ka kuma damina kan gbɛlɛlu lɔ iwo Nii Sɛnɛyanin ka see di ai ma teme.

Kɛkolu 3:13

Mɔ bemanu Tii Ala, min yi Ibulahima ni Isiyaka ani Janguba Tii le, wo le na ko ba min kɛla ka bɛn aa bɔiden Isa magbiliyako ma. Àilu le na a donna mɔɔlu bolo a faako lɔ, k'ài ban a lɔ Pilati ɲakɔlɔ, k'a talan a tɛɛ v'a latɛɛ ko a a bila.

Kɛkolu 4:31

Ai wɔlinin Ala dalila, aiya ladɛnkɛya vɛ jaajaala, ai bɛ do josola ka fa Nii Sɛnɛyanin la, ani ai ka Ala kumakan lase damina josolagbeleya boloma.

Lɔmukalu 8:9

Àilu koni tɛ taamana ka bɛn ài falikolo ladiyanankolu ma, mafɔ Nii Sɛnɛyanin sawo, ni wo lasawatinin ka kɛ ài lɔ bɛlɛbɛlɛ kɛ. Ni Masa Tɔɔmasenin Nii Sɛnɛyanin tɛ mɔɔ min nɔ, wo tii ma tɛ a ta le.

2 Kolɛntikalu 3:8

Ni seliya nɔɔlɔ ka kɛ ten, Nii Sɛnɛyanin ya baale nɔɔlɔ do? Wo nɔɔlɔ tɛnala buɲala ka timin dɔ wo la?

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.