Yohana 7:30 - Ala Ya Salatikan Kula Kitabu

³⁰ Wo fɔ Isa bolo, ai tɛɛ a fɛ ka a mina, kɛɛ mɔɔ suu suu bolo ma se a ma, kamasɔlɔn aa waate tɛɛ ma se ba.

Yohana 7:30 ပူးပေါင်းရင်းမြစ်များ

Matiyu 12:14

Wo kɛ, Falisilu ka bɔ je ka taa ai kun bilin i ɲɔɔ ma Isa faako lɔ.

Matiyu 21:46

Ai tɛɛ a minako ɲaɲininna, kɛɛ ai tɛɛ siyanna jama ɲa, kamasɔlɔn mɔɔlu tɛɛ Isa jatela kela le le.

Malɛkɛ 11:18

Salakalase kuntiibalu ni seliya kalanmɔɔlu ka wo mɛn. Ai do tɛɛ Isa faako ɲaɲininna, kɛɛ ai tɛɛ siyanna a ɲa, kamasɔlɔn aa kalan tɛɛ jama kawakoyala.

Luka 20:19

Seliya kalanmɔɔlu ni salakalase kuntiibalu tɛɛ Isa minako ɲaɲininna wo waate kelen nɔ, kamasɔlɔn ai n'a ɲayena ko sana wo lanin ailu le ma. Kɛɛ ai tɛɛ siyanna jama ɲa.

Luka 22:53

Lon bɛ, ǹ tɛɛ ài fɛ lɔhɔlɔmabonba la, kɛɛ do, ài m'i lɔja ka m̀ mina je. Kɛɛ àiya waate le ne, ani divi ya seesɔlɔn waate.»

Yohana 10:31

Wo fɔ Isa bolo, Jahudiyalu ka kawakulunnu ta kɔtunun ko ai y'a bon k'a faa.

Yohana 10:39

Ai k'i wuli kɔtunun a minako lɔ, kɛɛ a k'i polokoso ka bɔ ai bolo.

Yohana 11:57

Wo k'a talan salakalase kuntiibalu ni Falisilu tɛɛ vɛ jamali di, ko ni mɔɔ min ka Isa dingila lɔn, wo tii y'a fɔ ai yɛ, fɔsa ai y'a mina.

Yohana 7:19

Nabi Musa le na Ala ya seliya dila ài ma, kɛlɛ? Kɛɛ ài suu suu tɛ seliya wo labatola yi ne. Mindɛ lɔ ài yi ǹ faako ɲaɲininna?»

Yohana 7:32

Jama tɛɛ ko minu fɔla kan majii lɔ ka bɛn Isa ma, Falisilu ka wolu mɛn. Wo lɔ, ailu ni salakalase kuntiibalu ka lakanaliba dɔlu lataa a minaya lɔ.

Yohana 7:6

Isa do k'ai javi, a vɛɛ: «Ǹa waate ma se ba bene. Kɛɛ àilu koni, waate suu suu bɛnyine ài ma.

Yohana 7:8

Wo le y'a ma, àilu yi taa selibɔya lɔ, kɛɛ ǹe do tɛ taala, kamasɔlɔn ǹa waate ma se ba.»

Yohana 8:20

Isa ka kuma wo bɛ fɔ k'a to mɔɔlu kalanna niilifenkesulu dafɛ lɔhɔlɔmabonba luu kɔnɔ. Mɔɔ foi ma a mina, kamasɔlɔn aa waate tɛɛ ma se ba.

Yohana 8:37

Ǹ k'a lɔn Nabi Ibulahima bɔzɔn ne ài le. Wo bɛ n'a kɛ, ài yi ǹ faako ɲaɲininna, kamasɔlɔn ǹ kumakan tɛ sawatila ài ma.

Yohana 8:59

Wo fɔ Isa bolo, ai vɛ kawakulunnu tala ko ai y'a bon, kɛɛ Isa k'i doon ka bɔ lɔhɔlɔmabonba luu kɔnɔ ka taa.

Yohana 9:4

Damanda tele yi bɔla, fɔ m'i kɛ ǹ kelaba ya baale le la. Su kotɔle, mɔɔ tɛ se baale kɛla waate min nɔ.