Yohana 7:18 - Ala Ya Salatikan Kula Kitabu

¹⁸ Mɔɔ min yi kumala a jɛlɛkanu ya seetiiya lɔ, wo tii yi mɔɔlu ya buɲali le kɔ. Kɛɛ mɔɔ min y'a kelaba ya buɲali kɔ, wo tii le tuɲande le, a do tɛ faɲa suu suu fɔla.

Yohana 7:18 ပူးပေါင်းရင်းမြစ်များ

Matiyu 6:9

«Ài ka kan ka Ala dali teme, wo le ne: ‹Mɔ Fa min yi haijɛnɛ, i tɔɔ sɛnɛyanin yi buɲa.

Yohana 11:4

Isa ka wo mɛn mingɛ, a do vɛɛ: «Jangalo min laban tɛnala kɛla saya le. A kɛtɔ Ala magbiliyako le le, fɔsa Ala Denkɛ fana yi magbiliyali sɔlɔn ka bɛn a ma.»

Yohana 12:28

Ǹ Fa, i tɔɔ ma yi gbiliya!» Wo fɔ Isa bolo, kumakan dɔ ka bɔ sanma k'a fɔ, a vɛɛ: «M̀'ɛ a magbiliya. Ǹe do kɛtɔ a magbiliyala kɔtunun.»

Yohana 12:43

Kamasɔlɔn adamadennu ya magbiliyali le diyanin tɛɛ ai yɛ ka timin Ala ta la.

Yohana 5:41

«Ǹ tɛ adamadennu ya magbiliyali ɲininna.

Yohana 8:54

Isa vɛɛ: «Ni ǹ ka ǹ jɛlɛ magbiliya, ǹa magbiliyali wo tɛnala kɛla foi le. Min yi m̀ magbiliyala, wo le ǹ Fa le, ai y'a fɔla min ma ko ài Tii.

1 Tɛsalonikakalu 2:6

Mɔ do tɛɛ tɛ adamadennu ya magbiliyali ɲininna, hali ni a tɛɛ kɛ àilu gbu le niwotɛ mɔɔ suu suu. Komi Masa Tɔɔmasenin ya keladen ne mɔ le, wo lɔ, mɔ tɛɛ sene ka mɔ kunko la ài kun diyanigbeya boloma.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.