Yohana 7:17 - Ala Ya Salatikan Kula Kitabu

¹⁷ Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Yohana 7:17 ပူးပေါင်းရင်းမြစ်များ

Matiyu 6:22

«Mɔɔ ɲaden kɛyine a falikolo ma iwo fitina. Ni i ɲaden kɛnɛyanin, kɛnɛya yi kɛle i falikolo fan bɛ lɔ.

Luka 8:15

Malo minu na benna duu kein kan, wolu le mɔɔlu le minu yi Ala kumakan mɛnna, k'ai bolo kɛ a la ai josokun ɲuma lɔ, min telenin. A do yi sawatila ai ma ka bɛn aiya sawali ma.»

Yohana 3:21

Kɛɛ mɔɔ min do yi taamana tuɲandeya lɔ, wo tii yi diɲale ka na kɛnɛya lɔ, fɔsa a la yi gbɛ ko a a kɛkolu kɛla Ala ya kafonɲɔɔya le lɔ.»

Yohana 8:43

Ǹ'i min fɔla yi ne, mindɛ lɔ ài tɛ wo ɲayena? Kamasɔlɔn a see tɛ ài yɛ k'ài bolo sii ǹ kumakannu kɔlɔ.

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Yohana 8:47

Mɔɔ min yi Ala ta le, wo tii le y'a tolomalɔla Ala kumakan ma. Kɛɛ do, àilu tɛ Ala ta le, wo le y'a kɛla, ài tɛ ài tolomalɔla a la.»

Kɛkolu 17:11

Je mɔɔlu josolɔgbɛyine tɛɛ ka timin mɔɔlu la minu tɛɛ Tɛsalonika, kamasɔlɔn ai k'ai bolo sii Ala kumakan kɔlɔ sɛmɛdon boloma, ai vɛ kitabulu mafɛlɛnna lon bɛ k'a lɔn ni ko wolu yi tuɲa le le.