Yohana 6:66 - Ala Ya Salatikan Kula Kitabu

⁶⁶ Ka ta wo lon ma, a kɔbiladen siyama ka seikɔ. Ai do ma diɲa ka bila a kɔ butu.

Yohana 6:66 ပူးပေါင်းရင်းမြစ်များ

Matiyu 19:22

Kavelen ka kuma wo mɛn mingɛ, a k'i kɔsei niilafin boloma, kamasɔlɔn a bolofennu walanin tɛɛ bubale.

Luka 9:62

Isa k'a javi, a vɛɛ: «Mɔɔ min yi buluwali kɛla dawa la, a v'i ɲa kaana a kɔma, wo tii tɛ Ala ya masaya baale manɔ feu.»

Yohana 2:2

Isa ni a kɔbiladennu fana kilinin tɛɛ je.

Yohana 6:60

A kɔbiladen siyama ka ko wolu mɛn mingɛ, ai vɛɛ: «Kuma min gbeleyayine! Jene yi se diɲala wo ma?»

Yohana 6:64

Kɛɛ a dɔlu y'ài tɛma, minu limaniyanin tɛ.» (Ka ta a damina ma, Isa tɛɛ k'a lɔn mɔɔ minu limaniyanin tɛ ani mɔɔ min kɛtɔ a janvala.)

Yohana 7:3

Wo lɔ, Isa dɔɔkɛlu vɛɛ a yɛ: «Bɔ jan, i yi taa Jude koovi lɔ, fɔsa i kɔbilabalu fana y'i kɛkolu ye je.

Yohana 8:31

Wo lɔ, Isa k'a fɔ Jahudiyalu yɛ, minu limaniyanin tɛɛ a ma, a vɛɛ: «Ni ài ka to ǹ kumakannu labatola, wo vɛ kɛla, ǹ kɔbiladen bɛlɛbɛlɛ le ài le.

2 Timote 1:15

I k'a lɔn ne ko limaniyamɔɔ minu yi Esiya koovi lɔ, wolu bɛ vɛ ai kɔdon ǹ na, Fijɛli ni Helimojɛni bɛlɛbɛlɛ le.

2 Timote 4:10

Kamasɔlɔn Demasi vɛ m̀ bila ka taa Tɛsalonika so kɔnɔ ka bɛn dunuɲa ladiyaɲɛ ma. Ado Kelesen vɛ taa Galatiya koovi lɔ, ani Tite fana taanin Damatiya koovi lɔ.

Hebululu 10:38

Ǹa mɔɔ telennin kɛtɔ niimaya kɛla limaniya le boloma, kɛɛ ni a ka seikɔ a kɔma, ǹ nii la tɛnala sawala aa ko lɔ.»

1 Yohana 2:19

Mɔɔ wolu bɔnin mɔ tɛma le, kɛɛ ai fɛ tɛɛ tɛ mɔ la, kamasɔlɔn ni ai tɛɛ kɛ mɔ dɔ le, ai tɛɛ tole mɔ fɛ. Kɛɛ komi ai vɛ bɔ mɔ fɛ, wo v'a lagbɛ ko ai suu suu fɛ tɛɛ tɛ mɔ la.