Yohana 6:57 - Ala Ya Salatikan Kula Kitabu

⁵⁷ Ǹ kelayanin Ɲɛnɛmayatii Fa bolo ka niimaya sɔlɔn teme a sabu la, ni mɔɔ mɔɔ si ka balo ǹ falikolo la, wo tii kɛtɔ niimaya sɔlɔnna ten ne ǹ sabu la.

Yohana 6:57 ပူးပေါင်းရင်းမြစ်များ

Matiyu 16:16

Simɔn Piyɛli k'a javi, a vɛɛ: «Ile le Masa Tɔɔmasenin ne, ani Ɲɛnɛmayatii Ala Denkɛ.»

Yohana 14:19

A lɔ tɛnala mɛnna, dunuɲa tɛnala ǹ yena butu. Kɛɛ àilu kɛtɔ ǹ yena kɔtunun. Komi ǹ'i ǹ nii la, wo lɔ, àilu fana kɛtɔ niimaya kɛla.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 17:21

fɔsa ai bɛ yi kɛ kelen ne, iwo ile ǹ Fa kafonnin ǹ kan teme, ani ǹe gbu kafonnin i kan teme. Diɲa ailu fana yi kafon mɔ kan ten, fɔsa dunuɲa yi limaniya k'a fɔ ko ile le na ǹ kelayala.

Yohana 3:17

Kamasɔlɔn Ala ma a Denkɛ kelaya dunuɲa kɔnɔ dunuɲa jobaliyako lɔ. Kɛɛ a na a kelayala dunuɲa lakisiko le lɔ a fɛ.

Yohana 5:26

Kamasɔlɔn Fa yi niimayatii le teme, a v'a Denkɛ kɛ niimayatii le wo boloɲa kelen ne ma.

Yohana 6:29

Isa do k'ai javi, a vɛɛ: «Ala ya baale le min ne: Ka limaniya aa mɔɔ kelayanin ma.»

Yohana 6:38

Kamasɔlɔn m̀ ma jii ka bɔ haijɛnɛ ǹe gbu sawo kɛko lɔ, mafɔ ǹ kelaba sawo.

1 Kolɛntikalu 15:22

Ado mɔɔ bɛ kɛtɔ sala mɔ bema Adama ya kafonɲɔɔya lɔ teme, wo boloɲa kelen ma, niimaya kɛtɔ dila mɔɔ bɛ ma ten ne minu yi Masa Tɔɔmasenin ya kafonɲɔɔya lɔ.

1 Kolɛntikalu 15:45

Wo le n'a kɛla, a sɛvɛnin kitabu kɔnɔ, ko: «Mɔɔ kunfɔlɔ, min taanin kɛla Adama le, wo ka kɛ niimafen ne.» Kɛɛ Adama laban ka kɛ Nii le le, min yi niimaya dila.

2 Kolɛntikalu 13:4

Tuɲa le, a gbaannin tɛɛ kɔlɔman ma fangandanya bolo le ma, kɛɛ a a nii la yi ne ka bɛn Ala ya foniseleya le ma. Wo boloɲa kelen ma, ǹu fana yi fangandan ne le a fɛ, kɛɛ m'i mɔ nii la yi ne ale le fɛ ka bɛn Ala ya foniseleya ma àiya ko lɔ.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

1 Tɛsalonikakalu 1:9

Kamasɔlɔn mɔɔ wolu gbugbu le yi ko minu dandɛɛli kɛla, ài n'ài bolo siila mɔ kɔlɔ teme, ani ài n'ài kɔdonna joolu la teme ka baale kɛ Ɲɛnɛmayatii Ala yɛ, min kɛnin Ala bɛlɛbɛlɛ le.

Hebululu 9:14

Kɛɛ Masa Tɔɔmasenin min k'a jɛlɛ bɔ Ala yɛ salaka bɛlɛbɛlɛ le habadan Nii Sɛnɛyanin sabu la, a jeli fanga wo le yi mɔ josokun lasɛnɛyala feu, ka mɔ bɔ mɔ kɛkolu ma minu yi saya lasena mɔ ma, fɔsa m'i Ɲɛnɛmayatii Ala bato.

1 Yohana 4:9

Ala na aa kanundeya lankɛnɛmayala mɔ yɛ teme, wo le ne: A na a Denkɛ kelenpesa lanala dunuɲa, fɔsa m'i niimaya kɛ wo sabu la.