Yohana 6:45 - Ala Ya Salatikan Kula Kitabu

⁴⁵ A sɛvɛnin kelalu ya kitabulu kɔnɔ, ko: ‹Ala gbu le kɛtɔ ai bɛ kalanna.› Wo le y'a ma, mɔɔ minu bɛ vɛ ai tolomalɔla ǹ Fa kumakan na ani ka diɲa aa kalan ma, wolu bɛ yi nale m̀ ma.

Yohana 6:45 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Malɛkɛ 1:2

Aa ko sɛvɛnin Nabi Ezayi ya kitabu kɔnɔ boloɲa min ne ma, ko: «Ǹe Ala vɛɛ ǹ kɛtɔ ǹa keladen lataala i ɲa, min kɛtɔ siya lɔbɛnna i yɛ.

Luka 1:70

A n'a fɔla aa lɔhɔlɔma kelalu lɔ kɔlɔkɔlɔ le,

Luka 18:31

Wo kɔ, Isa ka aa keladen mɔɔ tan ni fila (12) kili ai ta fan k'a fɔ ai yɛ, a vɛɛ: «Ài y'ài tolomalɔ! Mɔ jɛlɛtɔle Jelusalɛmu. Kelalu na min bɛ sɛvɛla kitabulu kɔnɔ ka bɛn Mɔɔnivin Tanin ma, wo bɛ mafatɔle.

Yohana 10:27

Ǹa saalu y'ai tolomalɔla ǹ kumakan na. Ǹ k'ai lɔn, ai do yi bilala ǹ kɔ.

Yohana 6:37

Ǹ Fa vɛ mɔɔ minu dila m̀ ma, wolu bɛ natɔle m̀ ma. Ni mɔɔ mɔɔ do ka na m̀ ma, ǹ tɛnala wo tii gbɛnna feu.

Yohana 6:65

Isa k'a fɔ kɔtunun, a vɛɛ: «Wo le n'a kɛla, ǹ n'a fɔla ài yɛ, ǹ ko, mɔɔ suu suu tɛ se nala m̀ ma, ni ǹ Fa ma wo see di a ma.»

Kɛkolu 13:40

Wo le y'a ma, ài y'alama, fɔsa ko min sɛvɛnin kelalu ya kitabu kɔnɔ, wo kana ài masɔlɔn, ko:

Kɛkolu 7:42

Kɛɛ Ala k'i kɔdon ai la k'ai labila, ai vɛ sangbololɔ mɛnɛnfennu batola, iwo a sɛvɛnin kelalu ya kitabu kɔnɔ teme, ko: ‹Àilu Bani Isilankalu! Ai tɛɛ fuwa lɔ san binaani (40) minu kɔlɔ, jalasa ài tɛɛ kolofennu kannatɛɛla ka wolu bɔ salaka le ǹe le yɛ?

Ɛfɛsikalu 1:17

Mɔ Fa Nɔɔlɔtii, min kɛnin mɔ Tii Masa Tɔɔmasenin Isa Tii Ala le, ǹ'i wo dalila, ǹ ko, a yi hangilimaya di ài ma, ka kolu lankɛnɛmaya ài yɛ fɔsa ài y'a lɔn a ɲa gbugbu ma.

Filipikalu 3:15

Ǹu minu kunkɔlɔ vɛ ta limaniya lɔ, fɔ m'i mili tan ne. Ado ni miliya suu gbɛlɛ ka kɛ ài dɔlu la, Ala kɛtɔ wo le lagbɛla ài yɛ.

1 Tɛsalonikakalu 4:9

Dailu tɛ a la butu k'a fɔ ko mɔɔ dɔ yi sɛvɛ lataa ài ma ka bɛn ɲɔɔkanuko ma, kamasɔlɔn Ala vɛ ài kalan ka bɛn ɲɔɔkanuko ma.

Hebululu 10:16

«Lon wolu vɛ timinna, ǹe ài Tii Ala vɛɛ ko, ǹ kɛtɔ salatikan min ne tala ai yɛ: Ǹ kɛtɔ ǹa seliyalu bilala ai hangili lɔ, ani k'ai sɛvɛ ai josokun nɔ.»

1 Yohana 2:27

Wo bɛ n'a kɛ, Masa Tɔɔmasenin n'ài sɔla a Nii Sɛnɛyanin min sɔ, wo le tonin ài fɛ. Ài mako tɛ kalanmɔɔ la, kamasɔlɔn Nii Sɛnɛyanin gbu y'ài kalanna ko bɛ la. Aa kalan do yi tuɲa le le, faɲa t'a lɔ. Wo le y'a ma, ài yi to aa kafonɲɔɔya lɔ iwo Nii Sɛnɛyanin n'ài kalanna teme.