Yohana 6:29 - Ala Ya Salatikan Kula Kitabu

²⁹ Isa do k'ai javi, a vɛɛ: «Ala ya baale le min ne: Ka limaniya aa mɔɔ kelayanin ma.»

Yohana 6:29 ပူးပေါင်းရင်းမြစ်များ

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 5:39

Ài yi kitabulu mafɛlɛnna kosɛvɛ, kamasɔlɔn a ài kɔnɔ ko ài kɛtɔ niimaya banbali sɔlɔnna wolu le fɛ, k'a talan kitabu wolu gbu le yi seleya dila ka bɛn m̀ ma.

Yohana 6:28

Ai k'a maɲininga, ai vɛɛ: «Mɔ ka kan ka mindɛ le kɛ fɔsa m'i Ala ya baale kɛ?»

Yohana 6:38

Kamasɔlɔn m̀ ma jii ka bɔ haijɛnɛ ǹe gbu sawo kɛko lɔ, mafɔ ǹ kelaba sawo.

Yohana 6:57

Ǹ kelayanin Ɲɛnɛmayatii Fa bolo ka niimaya sɔlɔn teme a sabu la, ni mɔɔ mɔɔ si ka balo ǹ falikolo la, wo tii kɛtɔ niimaya sɔlɔnna ten ne ǹ sabu la.

Kɛkolu 16:31

Pɔli ni Silasi k'a javi, ai vɛɛ: «I yi limaniya mɔ Tii Isa ma. Wo vɛ kɛla, i yi kisile, ile ni iya bonnamɔɔlu bɛ.»

1 Tɛsalonikakalu 1:3

Mɔ Fa Ala ɲakɔlɔ, mɔ hangili toyine ài kɛkolu lɔ limaniya lɔ, ani àiya baalelu kanundeya lɔ, ani àiya sawali ka bɛn ai jeisiiko ma mɔ Tii Masa Tɔɔmasenin Isa la.

Hebululu 5:9

Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

Janguba 2:22

I v'a ye ko aa limaniya ni a kɛkolu tɛɛ baalela i ɲɔɔ fɛ, ado a kɛkolu le ka aa limaniya dafa.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

Ko Lankɛnɛmayanin 2:26

Ni mɔɔ min ka see sɔlɔn, ka ǹ sawonankolu kɛ ka taa se a laban na, wo vɛ kɛla, ǹ kɛtɔ kuntiiya dila wo tii le ma dunuɲa sibolomalu kunna,