Yohana 5:4 - Ala Ya Salatikan Kula Kitabu

⁴ [Ai tɛɛ ji lamaamaa waate le makɔnɔna. Kamasɔlɔn waate dɔlu lɔ, Ala ya mɛlɛka dɔ tɛɛ jiila dala wo lɔ k'a ji lamaamaa. Wo tɛɛ vɛ kɛla, jangalotɔ min tɛɛ vɛ jiila dala wo lɔ kunfɔlɔ le, wo tii tɛɛ kɛnɛyale, hali jangalo suu suu tɛɛ kɛ a la.]

Yohana 5:4 ပူးပေါင်းရင်းမြစ်များ

Matiyu 11:12

Ka damina Yaya ya kawanili ma ka na sii bi la, haijɛnɛ masaya kɛnin fangako le le, ado fangamalu le y'a ɲininna k'a mina.

Matiyu 6:33

Ài yi Ala ya masaya ɲinin kunfɔlɔ le ani aa telenmandeya, wo vɛ kɛla, wo bɛ yi lale wo kɔkan ka di ài ma.

Luka 13:24

«Ài lɔja kosɛvɛ ka don da dɔɔyanin fɛ, kamasɔlɔn ǹ'a fɔ ài yɛ, mɔɔ siyama kɛtɔ kaɲala donko ma da wo le la.

Luka 16:16

«Nabi Musa ya Taulati ni kela dɔgbɛlɛlu ya kitabulu ka na kunfɔlɔ le, jani Makolikɛba Yaya tɛɛ na. Ka ta wo waate ma, Ala ya masaya ko Samakan Kein la yi sena, ado bɛ y'i lɔjala kosɛvɛ ka don a lɔ.

Yohana 5:3

Jangalotɔ siyama lanin tɛɛ bolon wolu kɔlɔ, ɲagbɛlu o, namalanilu o, ani falifaamatɔlu.

Yohana 5:5

Kɛ́ dɔ tɛɛ je, min tɛɛ vɛ san bisawa ni sein (38) kɛ jangalo lɔ.

Yohana 5:7

A do ka Isa javi, a vɛɛ: «Ǹ Kuntii, mɔɔ tɛ m̀ bolo min yi m̀ madɛmɛn ka ǹ lajii dala lɔ ji lamaamaa waate. M̀'ɛ a fɔla ǹ'i jii a lɔ kotan, mɔɔ gbɛlɛ le yi jiila ǹ ɲa.»

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

1 Yohana 1:7

Kɛɛ ni mɔ ka kɛ kɛnɛyalɔkolu kɛla, iwo Ala gbu yi kɛnɛya lɔ teme, kafonɲɔɔya le kɛtɔ kɛla mɔ wotɛ, ado a Denkɛ Isa jeli yi mɔ lasɛnɛyale ka maa julumbulu bɛ bɔ mɔ ma.