Yohana 5:34 - Ala Ya Salatikan Kula Kitabu

³⁴ Ǹ tɛ adamadennu ya seleyakan ɲininna ka bɛn ǹe gbu ma, kɛɛ ǹ'i minu fɔla yi ne, fɔsa ài yi kisi.

Yohana 5:34 ပူးပေါင်းရင်းမြစ်များ

Luka 13:34

«Ɛɛ Jelusalɛmu! Jelusalɛmu! Ile min ya mɔɔlu yi kelalu faala ka Ala ya kelalasebalu bon kawa la. A lɔɔ tɛɛ ǹ na siɲa siyama le k'ài ladɛn iwo sisɛ y'a dennu ladɛnna teme, k'ai doon a kawa kɔlɔ, kɛɛ ài do ma diɲa a ma.

Luka 19:10

Kamasɔlɔn Mɔɔnivin Tanin nanin fɔsa a yi mɔɔ filininnu ɲinin k'ai lakisi.»

Luka 24:47

ani aa samakan ka bɛn mɔɔlu dajoo mafalinko ma aiya julumbulu lɔkotoko lɔ, wo la ka kan ka se siboloma bɛ ma a tɔɔ lɔ, ka damina Jelusalɛmu ma.

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 5:32

Kɛɛ a dɔgbɛlɛ yi je min yi seleya dila ka bɛn m̀ ma. Ǹe do k'a lɔn ne ko wo ya seleyakan ka bɛn m̀ ma, wo yi tuɲa le le.

Yohana 5:41

«Ǹ tɛ adamadennu ya magbiliyali ɲininna.

Yohana 8:54

Isa vɛɛ: «Ni ǹ ka ǹ jɛlɛ magbiliya, ǹa magbiliyali wo tɛnala kɛla foi le. Min yi m̀ magbiliyala, wo le ǹ Fa le, ai y'a fɔla min ma ko ài Tii.

Lɔmukalu 10:1

M̀ badenmalu, a lɔɔ yi ǹ na bɛlɛbɛlɛ kɛ ani ǹ'i Ala dalila fɔsa ǹ jɛlɛkanu mɔɔlu la yi kisi.

Lɔmukalu 10:21

Kɛɛ a na min ne fɔla ka bɛn Bani Isilankalu ya ko ma, a vɛɛ: «M̀'ɛ m̀ bolo sii jama mulutunin yɛ tele muumɛ kɔlɔ, ailu minu yi ǹ sɔsɔla kudein.»

Lɔmukalu 12:21

I kà diɲa koyon yi see sɔlɔn i ma, mafɔ i yi see sɔlɔn koyon ma koɲuma le.

Lɔmukalu 3:3

Kɛɛ ni ai dɔlu ka kɛ lanandeyabali le do? Jalasa wo le kɛtɔ Ala ya lanandeya tiɲala?

1 Kolɛntikalu 9:22

M̀'ɛ kɛla mɔɔlu tɛma minu fanga dɔɔyanin limaniya lɔ, ǹ'i ǹ jɛlɛ kɛla iwo ai dɔ, fɔsa ǹ'i se ai masɔlɔnna teme. Ǹ'i ǹ jɛlɛ kɛla mɔɔ suu bɛ dɔ le mɔɔ bɛ yɛ, fɔsa boloɲa bɛ dɔ ma, ǹ'i se a dɔlu lakisila teme.

1 Timote 4:16

I i jɛlɛ lakɔlɔsi, ani iya kalan. I i bolo kɛ ko minu la, kamasɔlɔn ni i ka wolu kɛ, i kɛtɔ i jɛlɛ lakisila ani i lamɛnbalu.

1 Yohana 5:9

Ni m'i mɔ bolo siila adamadennu ya seleyakan kɔlɔ, Ala ya seleyakan buɲanin vɛ wo le, kamasɔlɔn Ala gbu ya seleyakan ne, a na min dila ka bɛn a Denkɛ ma.