Yohana 5:25 - Ala Ya Salatikan Kula Kitabu

²⁵ Ǹ'i tuɲa fɔ ài yɛ, waate dɔ sentɔ, a do vɛ se butu, fulenilu kɛtɔ Ala Denkɛ kumakan mɛnna, ado minu vɛ a kumakan mɛnna, wolu le kɛtɔ niimaya kɛla.

Yohana 5:25 ပူးပေါင်းရင်းမြစ်များ

Luka 15:24

kamasɔlɔn ǹ den min tɛɛ vɛ sa, kɛɛ a nii vɛ bila a lɔ kɔtunun. A tununnin tɛɛ, kɛɛ a vɛ ye butu.› Wo kɛ, ai ka tolon damina.

Luka 15:32

Kɛɛ a bɛnnin m'i tolon kɛ ka sawa, kamasɔlɔn i dɔɔni tɛɛ vɛ sa, kɛɛ a nii vɛ bila a lɔ kɔtunun. A tununnin tɛɛ, kɛɛ a vɛ ye butu.› »

Luka 9:60

Isa do vɛɛ a yɛ: «Fulenilu to je, ai y'ai fuleni ɲɔɔlu sudoon. Kɛɛ fɔ ile yi taa Ala ya masaya ko lase.»

Yohana 13:1

Jani Timinkunna Selilon tɛɛ se, Isa tɛɛ k'a lɔn ko a taa waate ma vɛ sulunya ka bɔ dunuɲa ka taa a Fa fɛlɔ. Aa mɔɔ minu tɛɛ dunuɲa, a tɛɛ wolu le kanula kudein. A do ka to ai kanula haan fɔɔ a laban nɔ.

Yohana 17:1

Isa wɔlinin kuma wolu fɔla, a k'a ɲa lajɛlɛ sanma k'a fɔ, a vɛɛ: «Ǹ Fa, waate vɛ se. Magbiliyali di i Denkɛ ma, fɔsa i Denkɛ fana yi magbiliyali di i ma.

Yohana 4:21

Isa k'a javi, a vɛɛ: «Ile moso, i yi la ǹ na ko lon dɔ natɔ, ài tɛnala mɔ Fa Ala batola tini min kɔkan, niwotɛ Jelusalɛmu.

Yohana 4:23

Waate dɔ sentɔ, a do vɛ se butu, Ala Nii Sɛnɛyanin kɛtɔ mɔɔlu madɛmɛnna ka a bato iwo a yi teme bɛlɛbɛlɛ kɛ, kamasɔlɔn Mɔ Fa Ala yi batokɛba wo suulu le ɲininna.

Yohana 5:21

Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala.

Yohana 5:28

Ài kà kawakoya wo lɔ, kamasɔlɔn waate dɔ sentɔ, fulenilu kɛtɔ a kumakan mɛnna, k'i wuli ka bɔ aiya kabululu lɔ. Mɔɔ minu na kokeinnu kɛla, wolu kɛtɔ ai wulila ka niimaya banbali le sɔlɔn, ani minu na koyonnu kɛla, wolu kɛtɔ ai wulila ka kolatɔn ne sɔlɔn.»

Yohana 6:60

A kɔbiladen siyama ka ko wolu mɛn mingɛ, ai vɛɛ: «Kuma min gbeleyayine! Jene yi se diɲala wo ma?»

Yohana 8:43

Ǹ'i min fɔla yi ne, mindɛ lɔ ài tɛ wo ɲayena? Kamasɔlɔn a see tɛ ài yɛ k'ài bolo sii ǹ kumakannu kɔlɔ.

Yohana 8:47

Mɔɔ min yi Ala ta le, wo tii le y'a tolomalɔla Ala kumakan ma. Kɛɛ do, àilu tɛ Ala ta le, wo le y'a kɛla, ài tɛ ài tolomalɔla a la.»

Yohana 9:27

A do k'ai javi, a vɛɛ: «M̀'ɛ ban wo fɔla ài yɛ, kɛɛ ài do ma ài tolomalɔ ǹ na. Mindɛ lɔ ài y'a fɛ ka wo mɛn kɔtunun? A yi di? Àilu gbu y'a fɛ ka kɛ a kɔbiladen ne?»

Lɔmukalu 6:4

Maa makoliko sabu la, mɔ su vɛ doon a fɛ ka kafon a kɔkan aa saya lɔ, fɔsa Masa Tɔɔmasenin lawulinin teme ka bɔ saya lɔ mɔ Fa Ala ya foniseleya lɔ, ǹu fana yi taama niimaya kula lɔ ten ne.

Ɛfɛsikalu 2:1

Waate lɔ, mɔɔ sanin ne tɛɛ ài le ka bɛn àiya hakɛlu ni àiya julumbulu ma,

Ɛfɛsikalu 2:5

Wo ma, hali mɔ sanin tɛɛ kɛ ka bɛn maa hakɛlu ma, Ala na niimaya dila mɔ ni Masa Tɔɔmasenin ma kelen ne. Ài do kisinin ka bɛn Ala ya nɛɛma le ma.

Ɛfɛsikalu 5:14

Ado ko ko la vɛ bɔla gbesekele, wo yi kɛnɛya le lɔ. Wo le y'a kɛla, ai y'a fɔla, ko: «Ile sunɔɔbatɔ, kunun! I wuli, i yi bɔ fulenilu tɛma, ado Masa Tɔɔmasenin kɛtɔ aa kɛnɛya labɔla i yɛ.»

Kɔlɔsikalu 2:13

Waate lɔ, ài sayine tɛɛ ka bɛn àiya julumbulu ma, ani ài dajoo kɔlɔlu, ài tɛɛ minu la àiya kɛnɛkɛbaliya waate lɔ. Kɛɛ tandainɔ, Ala vɛ niimaya di àilu ni Masa Tɔɔmasenin ma kelen ne, ka maa julumbulu lɔkoto.

Ko Lankɛnɛmayanin 3:1

«A sɛvɛ k'a lataa limaniyajama ya mɛlɛka ma min yi Salidɛsi so kɔnɔ, i vɛɛ: ‹A ye, Ala ya nii wolowulan ni loloni wolowulan yi min bolo, wo kan ne min ne: « ‹Ǹ k'i kɛkolu lɔn. I do mangutu vɛ bɔ k'a fɔ ko niima le i le, k'a talan i sayine.