Yohana 5:20 - Ala Ya Salatikan Kula Kitabu

²⁰ Kamasɔlɔn Denkɛ ya ko diyanin a Fa yɛ. Wo le y'a ma, wo yi ko ko si kɛla, a yi wo bɛ le jiyala a Denkɛ la. A do kɛtɔ ko gbɛlɛlu jiyala wo la ai kɛko lɔ minu buɲanin dɔ wolu le, fɔsa ài yi kawakoya.

Yohana 5:20 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Matiyu 3:17

Kumakan dɔ ka bɔ sangbolo lɔ, a vɛɛ: «Ǹ diyanan Denkɛ le ne. A do vɛ ǹ kɔnɔlɔdiya bubale.»

Matiyu 4:8

Wo kɔ, Soitana ka taa a le tini jaan dɔ kɔkan, ka dunuɲa jamana bɛ jiya a la ani aiya magbiliyali.

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 10:32

Isa do vɛɛ ai yɛ wo lɔ: «Ǹ na kɛko ɲuma siyama jiyala ài la minu bɔnin ǹ Fa fɛ. Ài y'a fɛ ka m̀ mabon a mindɛ ya ko lɔ?»

Yohana 14:12

Ǹ'i tuɲa fɔ ài yɛ, mɔɔ min vɛ limaniyala m̀ ma, wo tii fana kɛtɔ ǹ kɛko ɲɔɔziilu kɛla. A do kɛtɔ a dɔlu kɛla minu buɲanin ǹ talu le, kamasɔlɔn ǹ taatɔle ǹ Fa fɛlɔ.

Yohana 15:15

Ǹ tɛnala a fɔla ài ma butu bɔidennu, kamasɔlɔn bɔiden m'a lɔn aa kuntii yi min na. Kɛɛ ǹ'a fɔla ài ma ǹ tɔvalu, kamasɔlɔn ǹ Fa na minu fɔla ǹ yɛ, m̀'ɛ wo bɛ lase ài ma.

Yohana 17:26

M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»

Yohana 3:35

Fa y'a Denkɛ kanula. A do vɛ fen bɛ bila a fanga kɔlɔ.

Yohana 5:21

Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala.

Yohana 5:25

Ǹ'i tuɲa fɔ ài yɛ, waate dɔ sentɔ, a do vɛ se butu, fulenilu kɛtɔ Ala Denkɛ kumakan mɛnna, ado minu vɛ a kumakan mɛnna, wolu le kɛtɔ niimaya kɛla.

2 Piyɛli 1:17

Kamasɔlɔn a na buɲa ni magbiliyali sɔlɔnna mɔ Fa Ala la waate min nɔ, kumakan dɔ ka bɔ Masa Fonisele fɛ k'a fɔ a yɛ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale.»