Yohana 4:36 - Ala Ya Salatikan Kula Kitabu

³⁶ Mɔɔ min yi malo kalila, wo tii y'a sala sɔlɔnna butu. A do yi malo ladɛnna ka bɛn niimaya banbali le ma, fɔsa malo sɛnɛba ni a kaliba yi sawa i ɲɔɔ fɛ.

Yohana 4:36 ပူးပေါင်းရင်းမြစ်များ

Matiyu 19:29

Ni mɔɔ min ka aa bon to a kɔ, niwotɛ a badenmalu, niwotɛ a fa, niwotɛ a ba, niwotɛ a dennu, ani aa sɛnɛlu ka bɛn ǹa ko ma, wo vɛ kɛla, wo tii kɛtɔ wo ɲɔɔzii kɛmɛ (100) sɔlɔnna, ka niimaya banbali fana sɔlɔn.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Lɔmukalu 1:13

M̀ badenmalu, ǹ'a fɛ ài y'a lɔn ko m̀'ɛ a latɛɛ siɲa siyama le ko ǹ natɔ ài fɛlɔ, kɛɛ m̀ ma siya sɔlɔn ba bene hali bi. Ǹ'a fɛ ǹ'i na fɔsa àilu fana yi ǹa baale nafa dɔ sɔlɔn, iwo siboloma gbɛlɛ mɔɔ tɔlu na a nafa sɔlɔnna teme.

Lɔmukalu 2:7

Wo ma, mɔɔ minu sawalinin aiya koɲumakɛko ma fɔsa ai yi magbiliyali ni buɲali ni habadan niimaya ɲinin ai jɛlɛ yɛ, Ala kɛtɔ niimaya banbali dila wolu le ma.

Lɔmukalu 6:22

Kɛɛ komi ài la vɛ fɛlɛ ka bɔ julumbu lɔ k'ài kɛ Ala ya jɔn ne butu, ài yi nafa min sɔlɔnna, wo le sɛnɛyali le min laban yi niimaya banbali le.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

1 Kolɛntikalu 9:17

Ni ǹ tɛɛ baale min kɛ ka bɛn ǹ jɛlɛkanu sawo le ma, ǹ jii tɛɛ kɛle a tɔnɔ sɔlɔnko ma. Kɛɛ ni ǹ'a kɛla diyanigbeya bolo le ma, wo vɛ kɛla, a yi ǹ kundoni ne le min kalifanin ǹ na.

1 Kolɛntikalu 9:18

Wo le y'a ma, ǹ tɔnɔ yi mindɛ le? Ale le min ne: Ka Samakan Kein lase, min tɛ sanna. Wo le n'a kɛla, m̀'ɛ m̀ ban ǹ joko wolu bɛ lɔ, minu yi m̀ bolo ka bɛn Samakan Kein lasenko ma.

1 Tɛsalonikakalu 2:19

Mɔ v'i lɔla mɔ Tii Isa ɲakɔlɔ a nalon na, ka bɔ àilu kɔ, mɔ jei siinin jene la ka kɛ maa sawa ni maa ɲalɔkɛnɛya sabu le?

1 Timote 4:16

I i jɛlɛ lakɔlɔsi, ani iya kalan. I i bolo kɛ ko minu la, kamasɔlɔn ni i ka wolu kɛ, i kɛtɔ i jɛlɛ lakisila ani i lamɛnbalu.