Yohana 3:7 - Ala Ya Salatikan Kula Kitabu

⁷ Ǹ n'a fɔ mingɛla i yɛ: ‹Fɔ ài bɛ yi sɔlɔn kula kɛ›, wo k'i kawakoya.

Yohana 3:7 ပူးပေါင်းရင်းမြစ်များ

Yohana 3:12

Ǹ na dunuɲakolu fɔla ài yɛ, ài do ma limaniya wolu ma. Ni ǹ ka haijɛnɛkolu fɔ ài yɛ do, ài yi limaniyale wolu ma?

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

Yohana 3:6

Falikolo yi falikolo le sɔlɔnna, kɛɛ mɔɔlu yi niimaya kula le sɔlɔnna Nii Sɛnɛyanin sabu la.

Yohana 3:8

Fan min vɛ diyala fɔɲɛ yɛ, a yi bɔla wo le ja. I y'a mangan le mɛnna, kɛɛ i ma a bɔya lɔn, niwotɛ a taaya. Mɔɔ minu sɔlɔnnin Nii Sɛnɛyanin sabu la, wolu kɛnin ten ne.»

Yohana 5:28

Ài kà kawakoya wo lɔ, kamasɔlɔn waate dɔ sentɔ, fulenilu kɛtɔ a kumakan mɛnna, k'i wuli ka bɔ aiya kabululu lɔ. Mɔɔ minu na kokeinnu kɛla, wolu kɛtɔ ai wulila ka niimaya banbali le sɔlɔn, ani minu na koyonnu kɛla, wolu kɛtɔ ai wulila ka kolatɔn ne sɔlɔn.»

Kɔlɔsikalu 1:12

Ài do yi balika bɔ mɔ Fa Ala yɛ, kamasɔlɔn a yi balayi minu ladalola mumininnu yɛ aa masaya lakɛnɛyanin nɔ, a na see dila ài ma fɔsa ài fɛ yi kɛ wo la.

Hebululu 12:14

Ài y'ài lɔja josolajii yi kɛ àilu ni mɔɔ bɛ wotɛ, ani k'i lɔja ka taama sɛnɛyali boloma, mɔ Tii tɛ se yena min kɔ.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

Ko Lankɛnɛmayanin 21:27

Kɛɛ fen kɔsɔnin foi tɛnala donna je, kumatɛ kolakɔsɔninkɛbalu ni faɲafɔbalu ma. Mɔɔ minu do tɔɔ sɛvɛnin Saa Bolan ya niimaya kitabu kɔnɔ, wolu le kɛtɔ donna je dein.