Yohana 3:36 - Ala Ya Salatikan Kula Kitabu

³⁶ Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 3:36 ပူးပေါင်းရင်းမြစ်များ

Matiyu 25:46

Mɔɔ wolu do taatɔ jangata banbali lɔ, kɛɛ mɔɔ telenninu taatɔ niimaya banbali le lɔ.»

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Luka 2:30

Kamasɔlɔn ǹ ɲa vɛ la iya kisili kɔkan,

Luka 3:6

Wo vɛ kɛla, adamaden bɛ kɛtɔ Ala ya lakisiko yena.› »

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Yohana 10:28

Ǹ'i niimaya banbali dila ai ma, ai do tɛnala halakila tuun, ado mɔɔ foi tɛnala sena ai jasola m̀ bolo.

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

Yohana 4:36

Mɔɔ min yi malo kalila, wo tii y'a sala sɔlɔnna butu. A do yi malo ladɛnna ka bɛn niimaya banbali le ma, fɔsa malo sɛnɛba ni a kaliba yi sawa i ɲɔɔ fɛ.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 6:58

Bulu min jiinin ka bɔ haijɛnɛ, wo le ne. A kɛnin tɛ iwo ài bemanu na bulu min dɔnna ka ban ka sa. Ni mɔɔ mɔɔ si ka bulu min dɔ dɔn, wo tii totɔ niimaya le lɔ kudein.»

Yohana 8:51

Ǹ'i tuɲa fɔ ài yɛ, ni mɔɔ min ka ǹ kumakan labato, wo tii tɛnala saya masɔlɔnna tuun.»

Kɛkolu 14:2

Kɛɛ Jahudiya minu k'i ban limaniya la, wolu ka siboloma gbɛlɛ mɔɔlu lɔsun limaniyamɔɔlu kanma.

Lɔmukalu 4:15

Kamasɔlɔn seliya yi nala Ala ya mɔnɛya le le, kɛɛ ni seliya ma kɛ je, seliya tiɲako tɛnala kɛla je.

Lɔmukalu 5:9

Wo lɔ saa, komi mɔ vɛ jate telenmande le butu Isa jeli bɔnko fɛ, a lagbɛyine feu ko a kɛtɔ mɔ lakisila ka mɔ bɔ Ala ya mɔnɛya kɔlɔ.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

Galatiyakalu 3:10

Mɔɔ minu bolomalanin seliya latelenko ma, wolu bɛ daanyine. Kamasɔlɔn a sɛvɛnin kitabu kɔnɔ, ko: «Mɔɔ minu tɛ ko bɛ latelenna minu sɛvɛnin seliya kitabu kɔnɔ, wolu bɛ daanyine.»

Ɛfɛsikalu 5:6

Ài kà diɲa mɔɔ mɔɔ y'ài lafili kuma kolonnu le, kamasɔlɔn ko suu wolu le y'a kɛla, Ala ya mɔnɛya yi nala a kumakan labatobalilu kanma.

1 Tɛsalonikakalu 1:10

Ài do yi Ala Denkɛ makɔnɔna ka bɔ haijɛnɛ, a na min lawulila ka bɔ saya lɔ. Ale Isa le yi mɔ lakisila ka mɔ bɔ Ala ya mɔnɛya natɔ kɔlɔ.

1 Tɛsalonikakalu 5:9

Kamasɔlɔn Ala ma aa mɔnɛya latɛɛ mɔ ma, mafɔ ka kisili sɔlɔn mɔ Tii Masa Tɔɔmasenin Isa fɛ,

Hebululu 10:29

Ni wo le, jangata suu mindɛ le kɛtɔ wo mɔɔ masɔlɔnna min na Ala Denkɛ lafeyala, ka jɔmaya kɛ Salatikan Kula jeli la min n'a lasɛnɛyala, ani ka Nii Sɛnɛyanin jɛvɛ, nɛɛma sɔlɔnnin min fɛ?

Hebululu 2:3

ǹu do kɛtɔ mɔ gbanna di vɛ kolatɔn kunna, ni mɔ ka jɔ kisiko makawanin min suu ma? Kisiko min la ka se mɔ Tii bolo kunfɔlɔ le, wo do lamɛnbalu k'a lasawati mɔ yɛ,

Hebululu 3:18

Ala kan tɛɛ jenelu ma a tɛɛ a kalinna waate min nɔ ko ai tɛnala donna aa nɔningɛ lɔ? Mɔɔ minu ka mulutu a ma, kɛlɛ?

Hebululu 3:19

Wo lɔ saa, mɔ v'a ɲaye ko ai ma se donna duu wo lɔ ka nɔningɛ sɔlɔn ka bɛn aiya limaniyabaliya le ma.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»