Yohana 3:35 - Ala Ya Salatikan Kula Kitabu

³⁵ Fa y'a Denkɛ kanula. A do vɛ fen bɛ bila a fanga kɔlɔ.

Yohana 3:35 ပူးပေါင်းရင်းမြစ်များ

Matiyu 11:27

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Matiyu 28:18

Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Matiyu 3:17

Kumakan dɔ ka bɔ sangbolo lɔ, a vɛɛ: «Ǹ diyanan Denkɛ le ne. A do vɛ ǹ kɔnɔlɔdiya bubale.»

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 13:3

Isa tɛɛ k'a lɔn ko a Fa vɛ fen bɛ bila a fanga kɔlɔ, ani ko a bɔnin Ala le fɛlɔ, a do kɔseitɔ Ala le fɛlɔ.

Yohana 15:9

Ǹ Fa na ǹ kanula teme, m̀'ɛ ài kanu ten. Wo ma, ài yi to ǹa kanundeya lɔ.

Yohana 17:2

Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma.

Yohana 17:23

Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.

Yohana 17:26

M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»

Yohana 5:20

Kamasɔlɔn Denkɛ ya ko diyanin a Fa yɛ. Wo le y'a ma, wo yi ko ko si kɛla, a yi wo bɛ le jiyala a Denkɛ la. A do kɛtɔ ko gbɛlɛlu jiyala wo la ai kɛko lɔ minu buɲanin dɔ wolu le, fɔsa ài yi kawakoya.

Yohana 5:22

K'a dɔ la wo kɔkan, Fa tɛ mɔɔ foi ya kiti tɛɛla, kamasɔlɔn a na kitiko bɛ tola a Denkɛ le bolo,

1 Kolɛntikalu 15:27

Kamasɔlɔn a sɛvɛnin kitabu kɔnɔ, ko: «Ala vɛ fen bɛ bila a sen kɔlɔ.» Kɛɛ a fɔnin mingɛ ko fen bɛ bilanin a sen kɔlɔ, wo lagbɛyine ko Ala gbu makan tɛ, min kɛtɔ fen bɛ bilala Masa Tɔɔmasenin fanga kɔlɔ.

Ɛfɛsikalu 1:22

Ala vɛ fen bɛ bila Isa sen kɔlɔ, k'a lasii limaniyajama kunna,

Hebululu 1:2

Kɛɛ waate laban min nɔ, a vɛ kuma mɔ yɛ a Denkɛ le lɔ, a na kuntiiya latɛɛla min ma aa dannifen bɛ kunna, a do na dunuɲa ladanna min sabu la.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.