Yohana 3:32 - Ala Ya Salatikan Kula Kitabu

³² A na min yena ani k'a mɛn, a yi wo le seleya dila, kɛɛ mɔɔ foi tɛ a bolo siila aa seleyakan kɔlɔ.

Yohana 3:32 ပူးပေါင်းရင်းမြစ်များ

Matiyu 7:8

Kamasɔlɔn ni mɔɔ min ka daili kɛ, wo tii y'a sɔlɔnne. Ni mɔɔ min do v'a ɲininna, wo tii y'a yene. Ado ni mɔɔ min ka da makɔnkɔn, da la yi kale wo tii yɛ.

Yohana 1:11

A ka na a jɛlɛkanu mɔɔlu fɛlɔ, kɛɛ a jɛlɛkanu mɔɔlu ma ai bolo sii a kɔlɔ.

Yohana 15:15

Ǹ tɛnala a fɔla ài ma butu bɔidennu, kamasɔlɔn bɔiden m'a lɔn aa kuntii yi min na. Kɛɛ ǹ'a fɔla ài ma ǹ tɔvalu, kamasɔlɔn ǹ Fa na minu fɔla ǹ yɛ, m̀'ɛ wo bɛ lase ài ma.

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

Yohana 3:11

Ǹ'i tuɲa fɔ i yɛ, mɔ ka min lɔn, m'i wo le fɔla. Mɔ do na min yena, m'i wo le seleya dila. Kɛɛ ài tɛ ài bolo siila maa seleyakan kɔlɔ.

Yohana 3:26

Ai do ka taa Yaya fɛlɔ k'a fɔ a yɛ, ai vɛɛ: «Kalanmɔɔ, ile ni kɛ́ min tɛɛ i ɲɔɔ fɛ Julidɛn kɔɔ kɔma, i na seleya dila ka bɛn min ma, wo le yi mɔɔlu makola yi ne, bɛ do yi taala a kɔ.»

Yohana 3:33

Ni mɔɔ min do k'a bolo sii aa seleyakan kɔlɔ, wo tii v'a jiya ko Ala le tuɲande le.

Yohana 5:20

Kamasɔlɔn Denkɛ ya ko diyanin a Fa yɛ. Wo le y'a ma, wo yi ko ko si kɛla, a yi wo bɛ le jiyala a Denkɛ la. A do kɛtɔ ko gbɛlɛlu jiyala wo la ai kɛko lɔ minu buɲanin dɔ wolu le, fɔsa ài yi kawakoya.

Yohana 8:26

Ko siyama yi m̀ bolo k'a fɔ ài yɛ ka bɛn àiya kititɛɛko ma, kɛɛ ǹ kelaba le tuɲande le. Ǹ na min mɛnna a da, ǹ'i wo le lasena dunuɲa ma.»