Yohana 3:31 - Ala Ya Salatikan Kula Kitabu

³¹ Mɔɔ min bɔnin Ala fɛlɔ, wo tii le yi fen bɛ kunna. Kɛɛ mɔɔ min sɔlɔnnin dunuɲa, wo tii yi dunuɲa ta le le, a do yi dunuɲakolu le fɔla. Min do bɔnin haijɛnɛ, wo tii le yi fen bɛ kunna.

Yohana 3:31 ပူးပေါင်းရင်းမြစ်များ

Matiyu 28:18

Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Yohana 1:15

Yaya tɛɛ seleya dila ka bɛn a ma. A do k'a kan labɔ, a vɛɛ: «Ǹ kan tɛɛ min ma, ale le ne, ǹ ko: ‹Mɔɔ dɔ natɔ ǹ kɔ min buɲanin ǹ ne, kamasɔlɔn jani ǹ tɛɛ sɔlɔn, ale tɛɛ je.› »

Yohana 1:27

Ale le natɔ ǹ kɔ, kɛɛ hali ka aa samala julu fɔlin a yɛ, ǹe dɔɔyayine wo ma.»

Yohana 1:30

Ǹ kan tɛɛ min ma, ale le ne, ǹ ko: ‹Mɔɔ dɔ natɔ ǹ kɔ min buɲanin ǹ ne, kamasɔlɔn jani ǹ tɛɛ sɔlɔn, ale tɛɛ je.›

Yohana 3:30

Fɔ aa buɲa ma yi kafon, ǹe ta yi dɔɔya.»

Yohana 6:33

Kamasɔlɔn min jiinin ka bɔ haijɛnɛ, ale le Ala ya bulu le, wo le do yi niimaya dila dunuɲa ma.»

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Yohana 8:23

Isa do k'ai javi, a vɛɛ: «Ài sɔlɔnnin duukolo kɔkan jan ne, kɛɛ ǹe do bɔnin san ne ma. Dunuɲa ta le ài le, kɛɛ dunuɲa ta tɛ ǹe le.

Kɛkolu 10:36

Àilu gbu k'a lɔn ko Ala ka Samakan Kein lase Bani Isilankalu ma, k'a fɔ ko josolajii yi sɔlɔnna Masa Tɔɔmasenin Isa le fɛ, min yi mɔɔ bɛ Tii le.

Lɔmukalu 9:5

Ai bemanu taanin kɛla Ibulahima, Isiyaka ni Janguba le le. Ado Masa Tɔɔmasenin ka na mingɛ adamadenya boloma, a fɛ tɛɛ ai siboloma le la. Ala min yi fen bɛ kunna, tanuli y'a yɛ habadan! Amiina.

Hebululu 9:1

Salatikan kunfɔlɔ lɔ, jamali dɔlu tɛɛ je ka bɛn Ala batokɛɲa ma, ani aa lɔhɔlɔma batokɛya duukolo kɔkan.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.

1 Yohana 4:5

Faɲafɔ kela wolu yi dunuɲa ta le le. Wo le y'a kɛla, ai yi kumala ka bɛn dunuɲakolu le ma, ado dunuɲamɔɔlu y'ai tolomalɔla ai la.

Ko Lankɛnɛmayanin 19:16

Tɔɔ dɔ sɛvɛnin aa pipɔ ma ani a wolo ma, ko: «Masalu ya Masa ani tiilu ta Tii.»