Yohana 3:27 - Ala Ya Salatikan Kula Kitabu

²⁷ Yaya k'ai javi, a vɛɛ: «Mɔɔ tɛ se foi sɔlɔnna ni Ala ma min di i ma.

Yohana 3:27 ပူးပေါင်းရင်းမြစ်များ

Matiyu 21:25

Jene ka seetiiya di Yaya ma makoliko lɔ: Ala, baa adamadennu?» Wo fɔ, ai v'i ɲɔɔ sɔsɔla, ai vɛɛ: «Ni mɔ k'a fɔ ko Ala le, a kɛtɔ a fɔla mɔ yɛ, a vɛɛ: ‹Ni wo le, mindɛ lɔ ài ma la a la?›

Matiyu 25:15

A ka sanu gbana kɛmɛ loolu (500) di a dɔ ma, ka kɛmɛ fila (200) di a dɔgbɛlɛ ma, ka kɛmɛ (100) di a sawana ma. A ka kɔndɛ wo di ai ma ka bɛn aiya see jate le ma. Wo kɔ, a k'i wuli ka taa a taama na.

Malɛkɛ 13:34

A kɛyine iwo kɛ́ min tɛɛ taama boloma. A ka aa bonnako bɛ kalifa aa bɔidennu la, a bɛ ni a ta baale. A k'a fɔ dalasiiba yɛ ko a yi to a ɲana.

Yohana 10:41

Mɔɔ siyama ka na a ma. Ai do tɛɛ a fɔla, ai vɛɛ: «Yaya ma kawananko foi kɛ. Kɛɛ a na ko ko si fɔla ka bɛn kɛ́ min ma, wo bɛ yi tuɲa le le.»

Yohana 6:65

Isa k'a fɔ kɔtunun, a vɛɛ: «Wo le n'a kɛla, ǹ n'a fɔla ài yɛ, ǹ ko, mɔɔ suu suu tɛ se nala m̀ ma, ni ǹ Fa ma wo see di a ma.»

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 12:6

Komi senko suu bɛ dɔ yi mɔ kelenkelenna bɛ bolo min dinin ka bɛn Ala ya nɛɛma ma, wo lɔ, ài m'i wolu labaale. Ni a dɔ ta senko ka kɛ kelayakuma lasenko le, fɔ wo tii yi kelaya le kɛ ka bɛn aa limaniya jate ma.

1 Kolɛntikalu 1:1

Ǹe Pɔli, min kilinin ka kɛ Masa Tɔɔmasenin Isa ya keladen ne ka bɛn Ala sawo ma, ani mɔ badenma Sositɛnɛ, ǹu mɔɔ fila le yi lɛtɛlɛ min sɛvɛla.

1 Kolɛntikalu 12:11

Nii Sɛnɛyanin kelen ne yi see wolu bɛ labaalela, ka mɔɔ kelenkelenna bɛ sɔ wo dɔ sɔ ka bɛn a jɛlɛkanu sawo ma.

1 Kolɛntikalu 15:10

Kɛɛ ǹ'i min ne bi, ǹ kɛnin wo le ka bɛn Ala ya nɛɛma le ma. Ado aa nɛɛma min dinin m̀ ma, wo ma kɛ kofuun ne. Tuɲa le, ǹ na baale kɛla ka timin keladen tɔ bɛ la. Wo do tɛ ǹe gbu senko le, mafɔ Ala ya nɛɛma min kɛnin ǹ yɛ.

1 Kolɛntikalu 3:5

Apolosi yi jene le? Pɔli yi jene le? Bɔiden ne mɔ le, minu kɛnin sabu le ài limaniyanin. Mɔ Tii na ke minu dila ǹu mɔɔ fila ma, m'i wo le la yi ne.

1 Kolɛntikalu 4:7

Kamasɔlɔn jene n'ài lafisala dɔlu le? Fen mindɛ le ài bolo, ni a dinin tɛ ài ma? Ni a diyine ài ma, mindɛ lɔ ài y'ài wasola k'a kɛ iwo a dinin tɛ ài ma?

Galatiyakalu 1:1

Ǹe Keladen Pɔli le yi lɛtɛlɛ min sɛvɛla, ǹe min kelayanin tɛ adamadennu bolo, kumatɛ mɔɔlu ya seetiiya ma, mafɔ Masa Tɔɔmasenin Isa ani mɔ Fa Ala min na a lawulila ka bɔ saya lɔ.

Ɛfɛsikalu 1:1

Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ǹ'i lɛtɛlɛ min sɛvɛla mumininnu ma Ɛfɛsi so kɔnɔ, minu yi lanande le Masa Tɔɔmasenin Isa ya kafonɲɔɔya lɔ.

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

Janguba 1:17

Fen ɲuma ni sɔlifen dafanin suu bɛ yi bɔla Fa Ala le fɛlɔ sanma, min na sangbolokɔnɔ mɛnɛnfennu ladanna. A tɛ jɛlɛmana ka bɔ a kɛɲa ma, ado aa kɛnɛya tɛ se nɔla divi bolo.